APM ၊ ဧပြီ ၈ / ၂၀၂၃
လူမျိုးရီးခွဲခြားဆက်ဆံပြုမှုသည့် ဘာသာစကားကိုအသုံးပြု၍ ဘရန့်ဖိုဒ့်ပရိတ်သတ်တဦးဖမ်းဆီးခံရပြီးနောက် ဘရန့်ဖိုဒ့် အသင်းက အဆိုပါအပြုအမူများကြောင့် စိတ်ပျက်မိပြီး လူမျိုးရီးခွဲခြားဆက်ဆံသည့် ၎င်းရို့၏ ပရိတ်သတ်များကို ကြိုဆို လိမ့်မည်မဟုတ်ဟု ထုတ်ပြန်ပြောကြားလိုက်သည်။
အဆိုပါဖြစ်ရပ်သည် အိုးထရက်ဖိုဒ့်၌ မန်ယူကို ၁ ဂိုး ဂိုးမဟိဖြင့်ယှုံးနိမ့်သည့်ပွဲတွင်ဖြစ်ပျက်ခခြင်းဖြစ်ပြီး ဘရန့်ဖိုဒ် အသင်း အနီနန့် ရဲတပ်ဖွဲ့များဖြင့်ပူးပေါင်းကာ ကျူးလွန်ခသည့်ပရိတ်သတ်ကို ထိရောက်စွာအရေးယူလားမည်ဟု ဆိုသည်။
ကလပ်၏ထုတ်ပြန်ချက်အရ “ဒေအပြုအမှုကို လုံးဝလက်မခံနိုင်ပါ။ ဒေပိုင်ဖြစ်ရပ်မျိုးတိ ဘရန့်ဖိုဒ့်ပရိတ်သတ်တိကြားမှာ အယင်ကမဟိခစွာတွိရပါရေ။ဘောလုံးလောကနန့် လူ့အဖွဲ့အစည်းတခုလုံးမှာ လူမျိုးရီးခွဲခြားမှုတွေကို တိုက်ဖျက်ရပါဖို့။ ဒေပိုင်ဖြစ်ရပ်တိအနာဂတ်မှာ ပပျောက်လားဖို့အတွက် ကလပ်အနီနန့်ပါဝင်လုပ်ဆောင်လားပါဖို့။ ဇာပိုင်အခြေအနေမျိုး မှာမဆို လူတိုင်းကို တန်းတူဆက်ဆံသင့်ပါရေ” ဟု ဆိုသည်။
ဘရန့်ဖိုဒ့်အသင်းသည် ပရီးမီးယားလိဂ်တွင်ရမှတ် ၄၃ မှတ်ဖြင့် အဆင့် (၉)နီရာ၌ ရပ်တည်နီပြီး ဒေနိ(ဧပြီ ၈ ရက်)နိ ညည့်တွင် နယူးကာဆယ်အသင်းနန့်ယှဥ်ပြိုင်ရမည်ဖြစ်သည်။
Source – Brentford say they are “deeply troubled and disappointed” after a fan was arrested for allegedly using racist and discriminatory language towards another Bees supporter during Wednesday’s defeat by Manchester United
Photo – Getty Images
