APM ၊ ဖေဖော်ဝါရီ ၈ / ၂၀၂၃
ငလျင်ဒဏ်ကြောင့် လူပေါင်းထောင်ချီသီဆုံးခသည့် တူရကီသို့ ကယ်ဆယ်ရီးလုပ်ငန်းများဆောင်ရွက်ရန် စင်ကာပူ အရပ်ဖက် ကာကွယ်ရီးအဖွဲ့ (SCDF) မှ အဖွဲ့တဖွဲ့အား ဒေနိ(ဖေဖော်ဝါရီ ၈ရက်နိ)မိုးထက စီလွှတ်လိုက်ကြောင်း သိရသည်။
အဆိုပါ ကယ်ဆယ်ရီးအဖွဲ့တွင် စင်္ကာပူသဘာဝဖီးကူညီရီးနန့် ကယ်ဆယ်ရီးအဖွဲ့ (DART) မှ ကယ်ဆယ်ရီးသမားများအပါအဝင် ဆီးမှူးလေးယောက်နန့် ဆရာဝန်စုစုပေါင်း လူပေါင်း ၂၀ ပါဝင်သည်ဟု SCDF က ဆိုသည်။
ယင်းအပြင် စင်္ကာပူကြက်ခြီနီအသင်းမှလေ့ ကယ်ဆယ်ရီးလုပ်ငန်းများဆောက်ရွက်ရန် တူရကီကယ်ဆယ်ရီး အသင်းများနန့် ဆီးရီးယားကယ် ဆယ်ရီးအသင်းများအား စင်ကာပူဒေါ်လာ ၁ သိန်း ထောက်ပံ့ခကြောင်း သိရသည်။
ပြီးခသည့် ဖေဖော်ဝါရီ ၆ရက်နိက ပြင်းအား ၇.၈ အဆင့်ဟိ ငလျင်လှုတ်ခတ်ခသည့် တူရီကီနန့် ဆီးရီးယားတွင် လက်ဟိအချိန်ထိ သီဆုံးသူစုစုပေါင်း ၈၄၀၀ ကျော်အထိ ဟိလာနီပြီး၊ ကယ်ဆယ်ရီးလုပ်ငန်းများအား ဆက်လက် လုပ်ဆောင်နီဆဲဖြစ်ကြောင်း AP သတင်းဌာနတွင် ဖော်ပြထားသည်။
Source – SCDF to send 20-member team to Trkiye to help with rescue efforts after deadly earthquake
Photo – SCDF
