APM ၊ သြဂတ်စ် ၇ / ၂၀၂၃
မင်းပြားမြို့နယ်တွင် မိုးကြီးရီကြီးမှုများကြောင့်သြဂတ်စ် ၆ ရက်နိ ညည့်၌ ဒေသ ခံသားအမိ နှစ်ယောက် ရီမြုပ်၍သီဆုံးခ ကြောင်း သိရသည်။
ရီမြုပ်သီဆုံးလားသည့် သားအမိနှစ်ယောက်မှာ ပြင်ယောင်းရွာမှ ဒေါ်ဝင်းတင်ကျီ (၂၇ နှစ်)နန့် မျိုးဝင်းကို(၅ နှစ်) ရို့ဖြစ်ကတ် သည်။
ဖြစ်စဉ်မှာ ဒေါ်ဝင်းတင်ကျီသည် သားအငယ် မျိုးဝင်းကို၊ သားအကြီး မျိုးဝင်း ရို့နန့်တတူ သြဂတ်စ် ၆ ရက်နိက မင်းပြားမြို့နယ်၊ သာစည်ရွာသို့ အလည်လားပြီး အပြန် ညည့် ၉ နာရီ ၌ မိုးကြီးပြီး ရီလွှမ်းနီသည့် လမ်းကို စမ်း၍ စမ်း၍ လျှောက်လာစဉ် အမိဖြစ်သူနန့်သားချေမှာ လမ်းဘေးမြောင်းထဲသို့ ထိုးကျကာ ရီမြုပ် သီဆုံးလားရခြင်း ဖြစ် သည်။
ယင်းနောက် အော်ဟစ်အကူအညီတောင်းနီသည့် သားကြီး မျိုးဝင်းအား ညည့် ၉ နာရီ ၃၀ မိနစ်၌ အနားဟပ်စပ်ဟိ ရီလုပ်သားများရှာတွိခပြီး ရီမြုပ်သီဆုံးလားသည့် သားအမိနှစ်ယောက်၏ ရုပ်အလောင်းများကို ညည့် ၁၀ နာရီလောက်မှာ ရှာတွိခကြောင်းသိရသည်။
လက်ဟိတွင် ဒေါ်ဝင်းတင်ကျီ နန့်သားအငယ် မျိုးဝင်းကိုရို့၏ ရုပ်အ လောင်းကို ဒေနိ နိခင်း ၁၂ နာရီဝန်းကျင်၌ အညင်းတောင်ရွာသင်္ချိုင်း၌ မြီမြှုပ်သင်္ဂြိုလ်လားမည်ဟု သိဟိရသည်။
