
APM၊ ဂျူလိုင် ၇/ ၂၀၂၃
ပါကစ္စတန်နိုင်ငံတွင် မုတ်သုံရာသီ မိုးပြင်းပြင်းထန်ထန်ရွာသွန်းခြင်းနန့် ရီကြီးရီလျှံမှုကြောင့် ဂျူလိုင် ၆ ရက်နိအထိ အချေ ၈ ယောက် အပါအဝင် သီဆုံးသူ ၅၅ယောက်ဟိလာကြောင်း အာဏာပိုင်များက ပြောကြားသည်။
မိုးကြီးရီကြီးမှုကြောင့် ဂျူလိုင် ၆ရက်နိ တရက်တည်းတွင်လူ၁၂ယောက်သီဆုံးခပြီး ပါကစ္စတန်-အာဖဂန်နစ္စတန်နယ်စပ် ချန်ဂလာခရိုင်တွင် မြီပြိုမှုဖြစ်ပွားပြီး အချေ ၈ ယောက်သီဆုံးခကြောင်း မြို့တော်ဒုတိယကော်မသျှင်နာ ဟာဆန် အဗေ့ဒ်က အတည်ပြု ပြောကြားသည်။
ယင်းအပြင် ဂျူလိုင် ၅ ရက်နိက လာဟိုးမြို့တွင် စံချိန်တင်မိုးရွာသွန်းမှုကြောင့် လမ်းအများအပြားရီနစ်မြုပ်ကာ ခေါင်မိုးပြို ကျပြီး လူ ၁၉ ယောက်သီဆုံးခကြောင်း သိရသည်။
ပါကစ္စတန် မိုးလီဝသအေဂျင်စီက လာဟိုးမြို့တွင် မိုးရွာသွန်းမှု ပိုများလာနိုင်ကြောင်းနန့် မိုးရွာသွန်းမှုကြောင့် ပန်ဂျပ်ပြည် နယ်ဟိ အဓိကမြစ်များ ရီကြီးရီလျှံကာ ရုတ်တရက်ရီကြီးနိုင်သဖြင့် သဘာဝဖီးအန္တရာယ်ဆိုင်ရာသတိပီးချက်များ ထုတ်ပြန် ထားသည်။
ပြီးခသည့် ၂၀၂၂ ခုနှစ်ကလေ့ ပါကစ္စတန်တွင် မိုးကြီးရီကြီးမှုအကြီးအကျယ်ဖြစ်ပေါ်ခရာ လူပေါင်း ၁,၇၃၉ ယောက်သီဆုံး ခပြီး အမေရိကန်ဒေါ်လာ သန်း ၃၀ တန်ဖိုး ပျက်စီးဆုံးယှုံးခကြောင်း ပါကစ္စတန်အစိုးရ ထုတ်ပြန်ထားသည့် အချက်အလက်များအရ သိဟိရသည်။
Source – 2 weeks of monsoon rains in Pakistan have killed at least 55, including 8 children/ AP
Photo – AP
