APM၊ ဂျူလိုင် ၇/၂၀၂၂
ပလောင်ပြည်နယ်လွတ်မြောက်ရီးတပ်ဦး/တအာင်းအမျိုးသားလွတ်မြောက်ရီးတပ်မတော် (PSLF/TNLA) ၏ ဗဟိုအလုပ်အမှုဆောင်ကော်မတီဝင်လေ့ဖြစ်၊ စီးပွားရီးဌာနမှူးလေ့ဖြစ်သော ဒုတိယဗိုလ်မှူးကြီး တားရန်ဆိုင် (ခ)တားကျော်ဟိန်း၂၀၂၂ခုနှစ်၊ ဂျူလိုင် ၅ရက်နိ၊ မိုးထပိုင်းက ရုတ်တရက်ကွယ်လွန်လားခြင်းအတွက် ညီနောင် မဟာမိတ်အဖွဲ့ဝင်များဖြစ်ကတ်သော “မြန်မာနိုင်ငံအမှန်တရားနန့် တရားမျှတသော အမျိုးသားပါတီ/မြန်မာ အမျိုးသားဒီမိုကရက်တစ်မဟာမိတ်တပ်မတော်(MNTJP/MNDAA) နန့် ရက္ခိုင်အမျိုးသားအဖွဲ့ချုပ်/ရက္ခိုင့်တပ် တော် (ULA/AA)”ရို့မှ ဂျူလိုင် ၆ ရက်နိ ရက်စွဲဖြင့် ဝမ်းနည်းကြောင်းသဝဏ်လွှာ ပီးပို့ထားသည်။
သဝဏ်လွှာတွင် “PSLF/TNLA ၏ ဗဟိုအလုပ် အမှုဆောင် ကော်မတီဝင်၊ စီးပွားရီးဌာနမှူး ဒုတိယဗိုလ်မှူးကြီး တားရန်ဆိုင်(ခ)တားကျော်ဟိန်း(၄၂နှစ်)သည်၂၀၂၂ ခုနှစ်၊ဂျူလိုင် ၅ရက်နိ၊ မိုးထ(၀၉:၀၅)နာရီအချိန်၌ ပလောင် ပြည် နန့် တအာင်းလူမျိုးများ လွတ်မြောက်ရီးအတွက် တော်လှန်ရီးလုပ်ငန်းတာဝန်များကို ထမ်းဆောင်ယင်း ရုတ်တရက်ကွယ်လွန်လားကြောင်းကြားသိရသည့်အတွက် ကျန်ရစ်သူမိသားစုဝင်များ၊ အဖွဲအစည်းနန့် ထပ်တူ ထပ်မျှ ဝမ်းနည်းရသည်”ဟု MNTJP/MNDAA နန့် ULA/AA က ဖော်ပြသည်။
ဒုတိယဗိုလ်မှူးကြီးတားရန်ဆိုင်(ခ)တားကျော်ဟိန်းသည်ဘဝတပါးသို့မကူးပြောင်းခင်အချိန်အထိ PSLF/TNLA ၏ဗဟိုအလုပ်အမှုဆောင်ကော်မတီအဖွဲ့ဝင်၊အခွန်များဦးစီးဌာန၏ ဌာနမှူးတာဝန်နန့် စီးပွားရီးဌာန၏ ဌာနမှူး စသည့် တာဝန်များကို ထမ်းဆောင်ခသည်ဟု သိရသည်။
ပလောင်ပြည်နန့်တအာင်းလူမျိုးများ အဖိနှိပ်ခံဘဝမှလွတ်မြောက်ရီးအတွက်တော်လှန်ရီးကာလလမ်းခုလတ်၌ အဂုပိုင်ဒုတိယဗိုလ်မှူးကြီးတားရန်ဆိုင်(ခ)တားကျော်ဟိန်းရုတ်တရက်ကွယ်လွန်လားခြင်းသည်တအာင်းပြည်နန့်တအာင်းလူမျိုးများအတွက် ကြီးမားသောဆုံးယှုံးမှုတခုဖြစ်ကြောင်းလေ့ MNTJP/MNDAA နန့် ULA/AA က ညွှန်းဆိုသည်။
ယင်းနည်းတူ “ဒုတိယဗိုလ်မှူးကြီး တားရန်ဆိုင်(ခ)တားကျော်ဟိန်းသည် ပလောင်ပြည်နန့် တအာင်းလူမျိုးများ လွတ်မြောက်ရီးအတွက် ကျရာတာဝန်ကို အားသွန်ခွန်စိုက် တစိုက်မတ်မတ် ထမ်းဆောင်ခသူတဦးဖြစ်ပြီး တအာင်းအမျိုးသားများ၏စံပြပုဂ္ဂိုလ်တဦးဖြစ်ကာ ပလောင်ပြည်နန့်တအာင်းအမျိုးသားများ၏လွတ်မြောက်ရီး လှုပ်ယှားမှုကာလအတွင်း ဒုတိယဗိုလ်မှူးကြီး တားရန်ဆိုင်(ခ)တားကျော်ဟိန်း၏ အနစ်နာခံပီးဆပ်စွန့်လွှတ်မှု နန့်လုပ်ဆောင်ချက်များကို တန်ဖိုးထားလေးစားဂုဏ်ပြုကြောင်း”MNTJP/MNDAAနန့်ULA/AA၏သဝဏ်လွှာ၌ အလေးအနက် ဖော်ပြထားသည်။
(Zawgyi)
TNLA ဒု-ဗိုလ္မႉးႀကီး တားရန္ဆိုင္(ခ)တားေက်ာ္ဟိန္း ကြယ္လြန္ျခင္းအတြက္ MNTJP/MNDAAနန႔္ULA/AA မွ ဝမ္းနည္းေၾကာင္းသဝဏ္လႊာ ပို႔
APM၊ ဂ်ဴလိုင္ ၇/၂၀၂၂
ပေလာင္ျပည္နယ္လြတ္ေျမာက္ရီးတပ္ဦး/တအာင္းအမ်ိဳးသားလြတ္ေျမာက္ရီးတပ္မေတာ္ (PSLF/TNLA) ၏ ဗဟိုအလုပ္အမႈေဆာင္ေကာ္မတီဝင္ေလ့ျဖစ္၊ စီးပြားရီးဌာနမႉးေလ့ျဖစ္ေသာ ဒုတိယဗိုလ္မႉးႀကီး တားရန္ဆိုင္ (ခ)တားေက်ာ္ဟိန္း၂၀၂၂ခုႏွစ္၊ ဂ်ဴလိုင္ ၅ရက္နိ၊ မိုးထပိုင္းက ႐ုတ္တရက္ကြယ္လြန္လားျခင္းအတြက္ ညီေနာင္ မဟာမိတ္အဖြဲ႕ဝင္မ်ားျဖစ္ကတ္ေသာ “ျမန္မာႏိုင္ငံအမွန္တရားနန႔္ တရားမွ်တေသာ အမ်ိဳးသားပါတီ/ျမန္မာ အမ်ိဳးသားဒီမိုကရက္တစ္မဟာမိတ္တပ္မေတာ္(MNTJP/MNDAA) နန႔္ ရကၡိဳင္အမ်ိဳးသားအဖြဲ႕ခ်ဳပ္/ရကၡိဳင့္တပ္ ေတာ္ (ULA/AA)”႐ို႕မွ ဂ်ဴလိုင္ ၆ ရက္နိ ရက္စြဲျဖင့္ ဝမ္းနည္းေၾကာင္းသဝဏ္လႊာ ပီးပို႔ထားသည္။
သဝဏ္လႊာတြင္ “PSLF/TNLA ၏ ဗဟိုအလုပ္ အမႈေဆာင္ ေကာ္မတီဝင္၊ စီးပြားရီးဌာနမႉး ဒုတိယဗိုလ္မႉးႀကီး တားရန္ဆိုင္(ခ)တားေက်ာ္ဟိန္း(၄၂ႏွစ္)သည္၂၀၂၂ ခုႏွစ္၊ဂ်ဴလိုင္ ၅ရက္နိ၊ မိုးထ(၀၉:၀၅)နာရီအခ်ိန္၌ ပေလာင္ ျပည္ နန႔္ တအာင္းလူမ်ိဳးမ်ား လြတ္ေျမာက္ရီးအတြက္ ေတာ္လွန္ရီးလုပ္ငန္းတာဝန္မ်ားကို ထမ္းေဆာင္ယင္း ႐ုတ္တရက္ကြယ္လြန္လားေၾကာင္းၾကားသိရသည့္အတြက္ က်န္ရစ္သူမိသားစုဝင္မ်ား၊ အဖြဲအစည္းနန႔္ ထပ္တူ ထပ္မွ် ဝမ္းနည္းရသည္”ဟု MNTJP/MNDAA နန႔္ ULA/AA က ေဖာ္ျပသည္။
ဒုတိယဗိုလ္မႉးႀကီးတားရန္ဆိုင္(ခ)တားေက်ာ္ဟိန္းသည္ဘဝတပါးသို႔မကူးေျပာင္းခင္အခ်ိန္အထိ PSLF/TNLA ၏ဗဟိုအလုပ္အမႈေဆာင္ေကာ္မတီအဖြဲ႕ဝင္၊အခြန္မ်ားဦးစီးဌာန၏ ဌာနမႉးတာဝန္နန႔္ စီးပြားရီးဌာန၏ ဌာနမႉး စသည့္ တာဝန္မ်ားကို ထမ္းေဆာင္ခသည္ဟု သိရသည္။
ပေလာင္ျပည္နန႔္တအာင္းလူမ်ိဳးမ်ား အဖိႏွိပ္ခံဘဝမွလြတ္ေျမာက္ရီးအတြက္ေတာ္လွန္ရီးကာလလမ္းခုလတ္၌ အဂုပိုင္ဒုတိယဗိုလ္မႉးႀကီးတားရန္ဆိုင္(ခ)တားေက်ာ္ဟိန္း႐ုတ္တရက္ကြယ္လြန္လားျခင္းသည္တအာင္းျပည္နန႔္တအာင္းလူမ်ိဳးမ်ားအတြက္ ႀကီးမားေသာဆုံးယႈံးမႈတခုျဖစ္ေၾကာင္းေလ့ MNTJP/MNDAA နန႔္ ULA/AA က ၫႊန္းဆိုသည္။
ယင္းနည္းတူ “ဒုတိယဗိုလ္မႉးႀကီး တားရန္ဆိုင္(ခ)တားေက်ာ္ဟိန္းသည္ ပေလာင္ျပည္နန႔္ တအာင္းလူမ်ိဳးမ်ား လြတ္ေျမာက္ရီးအတြက္ က်ရာတာဝန္ကို အားသြန္ခြန္စိုက္ တစိုက္မတ္မတ္ ထမ္းေဆာင္ခသူတဦးျဖစ္ၿပီး တအာင္းအမ်ိဳးသားမ်ား၏စံျပပုဂၢိဳလ္တဦးျဖစ္ကာ ပေလာင္ျပည္နန႔္တအာင္းအမ်ိဳးသားမ်ား၏လြတ္ေျမာက္ရီး လႈပ္ယွားမႈကာလအတြင္း ဒုတိယဗိုလ္မႉးႀကီး တားရန္ဆိုင္(ခ)တားေက်ာ္ဟိန္း၏ အနစ္နာခံပီးဆပ္စြန႔္လႊတ္မႈ နန႔္လုပ္ေဆာင္ခ်က္မ်ားကို တန္ဖိုးထားေလးစားဂုဏ္ျပဳေၾကာင္း”MNTJP/MNDAAနန႔္ULA/AA၏သဝဏ္လႊာ၌ အေလးအနက္ ေဖာ္ျပထားသည္။

