APM၊ ဂျုန် ၇ / ၂၀၂၃
ဒေနိ (ဂျုန် ၇ရက်နိ) မိုးထ ၆ နာရီခွဲအချိန်တိုင်းထွာချက်အရ ဘင်္ဂလားပင်လယ်အော်အရှိအလယ်ပိုင်းတွင် လီဖိအားနည်း ဆဲလ်တခုဖြစ်ပေါ်နီပြီး ယင်းအဟိန်ကြောင့် မုတ်သုံလီအလွန်အားကောင်းနီကာ ရက္ခိုင်နန့် ဧရာဝတီရို့တွင် နီရာအနှံ့အပြား မိုးကြီးမည်ဟု မိုး/ဇလကထုတ်ပြန်သည်။
ထုတ်ပြန်ချက်အရ နီရာအနှံ့ မိုးကြီးခြင်းနန့်တတူ မြန်မာကမ်းရိုးတန်းတလျှောက် ရီပြင်လီသည် တနာရီကို ၃၅ မိုင်မှ မိုင် ၄၀ အထိ တိုက်ခတ်နိုင်ပြီး လှိုင်းအမြင့်သည် ၉ပေမှ ၁၁ ပေခန့် မြင့်တက်နိုင်သည်ဟု သိရသည်။
ယင်းအပြင် ရက္ခိုင်၊ ဧရာဝတီ၊ ရန်ကုန်၊ တနင်္သာရီ၊ကချင်၊ သျှမ်း၊ ချင်းရို့တွင် မိုးတိမ်တောင်များဖြစ်ထွန်းမှု အားကောင်းနီပြီး မိုးရွာခြင်းနန့်တတူ လီပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊လျှပ်စီးလက် ခြင်းနန့် မိုးသီးကြွီခြင်းများ ဖြစ် ပေါ်နိုင်သည်ဟု ဆိုသည်။
နောက် ၂ ရက်အတွင်း၌လေ့ ရန်ကုန်၊ ဧရာဝတီ၊ တနင်္သာရီ၊ ကရင်နန့် မွန် ရို့တွင် မိုးပိုများလာမည်ဖြစ်ကြောင်း မိုး/ဇလ က ခန့်မှန်းထားသည်။
Photo – မိုးလီဝသနန့် ဇလဗေဒညွှန်ကြားမှုဦးစီးဌာန
