APM ၊ မာ့ချ် ၇ / ၂၀၂၄
မောင်တောမြို့နယ်မြောက်ပိုင်းဟိ တောင်ပြို(လက်ဝဲ)မြို့နားမာ ဒေနိ၊ မာ့ချ် ၇ ရက်နိ၊ ညဇာ ၄ နာရီ မိနစ်၂၀ အချိန်လောက်က အကြမ်းဖက် ARSAအဖွဲ့ သီနတ်နန့် ပစ်သတ်လို့ ဒေသခံ နှစ်ယောက် ဂွင်ချင်း သီဆုံးလားကြောင်း သိရပါရေ။
သီဆုံးလားလူတိစွာ တောင်ပြို(လက်ဝဲ)မြို့က ဦးမောင်ဘု(၂၈နှစ်)နန့်နံ့သာတောင်ရွာက ဒေါ်သူဇာသန်း(၃၀ နှစ်)ရို့ ဖြစ်တေလို့ ဆိုပါရေ။
ဦးမောင်ဘုနန့်ဒေါ်သူဇာသန်းရို့စွာ ဒေနိ ညဇာ ၄ နာရီ မိနစ်၂၀ အချိန်လောက်မာ ဇီးပင်ချောင်းဖက်ကနီ တောင်ပြိုမြို့သို့ သဲချောင်းလမ်းအတိုင်း အိမ်စီးကားတစီးနန့် ပြန်လာရာ အကြမ်းဖက်ARSA အဖွဲ့၏ သီနတ်နန့်ပစ်သတ်ခြင်းကို ခံခရစွာလို့ ဒေသခံတိက ပြောပါရေ။
ARSA အဖွဲ့၏ ယင်းပိုင် လူမဆန်စွာ ပစ်ခတ်သတ်ဖြတ်မှုကြောင့် ဦးမောင်ဘုနန့် ဒေါ်သူဇာသန်းမာ နီရာမာပင် ဂွင်းချင်းသီဆုံးလားရေလို့ သိဟိရပါရေ။
Please follow and like us:
