APM ၊ ဖေဖော်ဝါရီ ၇ / ၂၀၂၅
အပြည်ပြည်ဆိုင်ရာ ရာဇဝတ်တရားရုံး (ICC)ကို အရေးယူ ဒဏ်ခတ်ပိတ်ဆို့ကြောင်း အမိန့်ကို အမေရိကန်သမ္မတ ဒေါ်နယ်ထရမ့်က ဖေဖော်ဝါရီ ၆ ရက်နိမာ လက်မှတ်ရွီးထိုးပနာ ထုတ်ပြန်ကြေညာလိုက်ပါရေ။
အစ္စရေးအပေါ် စုံစမ်းစစ်ဆီးမှုတိပြုလုပ်ပနာ ဝန်ကြီးချုပ် ဘင်ဂျမင် နေတန်ယာဟုအား ဖမ်းဝရမ်းထုတ်ခရေ ICC ကို ဒေါ်နယ်ထရမ့်က ဒဏ်ခတ်ပိတ်ဆို့ကြောင်း အမိန့်ထုတ်ပြန်လိုက်စွာပါ။
သမ္မတ ထရမ့်၏ ထုတ်ပြန်ချက်မာ “အမေရိကန် မဟာမိတ်ဖြစ်တေ အစ္စရေး၏ ဝန်ကြီးချုပ် ဘင်ဂျမင်နေတန်ယာဟုကို ICC က ဖမ်းဝရမ်းထုတ်လိုက်စွာရေ အမေရိကန်ပြည်ထောင်စု၏ အချုပ်အချာအာဏာကို ထိပါး ခြိမ်းခြောက်စွာဖြစ်ပြီးကေ၊အမေရိကန်အစိုးရနန့်အစ္စရေးအပါအဝင် မဟာမိတ်ရို့၏ အမျိုးသားလုံခြုံရီး၊ နိုင်ငံခြားရီးမူဝါဒလုပ်ငန်းတိကို အနှောင့်အယှက်ဖြစ်အောင် လုပ်စွာဖြစ်တေ” လို့ ဖော်ပြထားပါရေ။
ICC အပေါ် အရေးယူ ဒဏ်ခတ်ပိတ်ဆို့ရာမာ ICC အရာဟိတိ အမေရိကန်ပြည်ထောင်စုသို့ ဝင်ခွင့်ပိတ်လိုက်တေပိုင် အမေရိကန်နိုင်ငံသားတိနန့် မဟာမိတ်တိအပေါ် ICC ၏ စုံစမ်းစစ်ဆီးမှုတိမာ ထောက်ပံ့ကူညီပီးခရေ တယောက်ချင်းနန့် သူရို့၏ မိသားစုဝင်တိကိုပါ ဗီဇာ နန့် ဘဏ္ဍာရီးဆိုင်ရာ ဒဏ်ခတ် ပိတ်ဆို့လိုက်ပါရေ။
ယင်းအပြင် အမေရိကန်အနီနန့် ICC ၏ ဆုံးဖြတ်ချက်ကို ထောက်ခံခရေ ICC အဖွဲ့ဝင်နိုင်ငံပေါင်း ၁၂၅ နိုင်ငံကိုလည်း ပြစ်တင်ရှုံ့ချထားပါရေ။
Source – USA: Sanctions against International Criminal Court betray international justice system
Photo – AP
