APM၊ ဂျန်နဝါရီ ၇/ ၂၀၂၃
စစ်ကိုင်း၊ တမူးခရိုင်၊ ခမ်းပတ်မြို့နားက ကနန်ရွာကို ဒေနိ(ဂျန်နဝါရီ ၇ ရက်)နိ၊ မိုးထပိုင်းမာ စစ်ကောင်စီတပ်က ဂျက်ဖိုက်တာနန့် ဗုံးကြဲတိုက်ခိုက်ခစွာကြောင့် အသက် ၃ နှစ်အရွယ် အချေ ၃ ယောက်အပါအဝင် ဒေသခံရွာသား ၁၁ ယောက် သီဆုံးလားကြောင်း သိရပါရေ။
ဒေနိ၊ မိုးထ ၁၀ နာရီခွဲလောက်မာ စစ်ကောင်စီတပ်ရေ ကနန်ရွာ အမှတ်(၅)ရပ်ကွက်မာဟိရေ စာသင်ကျောင်းကို ပေါင် (၂၅၀) ဗုံး ၄ လုံး ကြဲချတိုက်ခိုက်ခစွာဖြစ်ပြီး ဗုံးကျရောက်ပေါက်ကွဲမှုကြောင့် အသက် ၃ နှစ်အရွယ် အချေ ၃ ယောက်၊ အသက် ၁၆ နှစ်အရွယ် အချေ ၁ ယောက်အပါအဝင် ရွာသား ၁၁ ယောက်သီဆုံးခရေလို့ ဒေသခံတိက ဆိုပါရေ။
အဆိုပါဗုံးကြဲတိုက်ခိုက်မှုကြောင့် သီဆုံးလူတိအပြင် ထိခိုက်ဒဏ်ရာရလူအများအပြားဟိနီပြီးကေ နီအိမ် ၇ လုံးလောက်လည်း ဗုံးစထိမှန် ပျက်စီးလားကြောင်း သိရပါရေ။
ခမ်းပတ်မြို့ကို ကုန်ခရေ ၂၀၂၃ ခုနှစ်၊ နိုဗမ်ဘာ ၇ ရက်နိက တော်လှန်ရီးပူးပေါင်းတပ်တိက တိုက်ခိုက်သိမ်းပိုက် ထားစွာဖြစ်ပြီး စစ်ကောင်စီတပ်က တိုက်ပွဲဖြစ်ပွားခြင်းမဟိဘဲ ဗုံးကြဲတိုက်ခိုက်ခစွာဖြစ်ပါရေ။
Photo – CJ
