APM၊ ဒီဇမ်ဘာ ၆/၂၀၂၂
ရက္ခိုင်ပြည်မှာ စစ်ဖီးယှောင်များ ဒေနိထက်တိုင် ရိက္ခာ ဆက်လက် ဖြတ်တောက်ခံနီရ ကြောင်းသတင်း ရဟိသည်။
ရက္ခိုင့်တပ်တော် AA နန့် မြန်မာစစ်တပ်ရို့ တကျော့ပြန်တိုက်ပွဲများ ပြင်းထန်ခသည့် ဩဂတ်စ်လမှစ၍ လူမှုကယ်ဆယ်ရီးဆောင်ရွက် နီသည့် နိုင်ငံတကာအဖွဲ့အစည်းများနန့် ဒေသတွင်းအဖွဲ့အစည်းများအား ရက္ခိုင်ပြည်မှစစ်ဖီးယှောင်စခန်းများသို့လူသားချင်းစာနာမှုထောက်ထားမှုအကူအညီများမပို့နိုင်အောင် မြန် မာစစ်တပ်က တားမြစ်ပိတ်ပင်ထား ခသည်မှာ ဒေနိအထိပင် ဖြစ်သည်။
လက်ဟိတွင် AAနန့် မြန်မာစစ်တပ်ရို့ လူသားချင်းစာနာထောက်ထားမှုဆိုင်ရာ အပစ်အခတ်ရပ်တန့်ထားကေလေ့ မြန်မာစစ်တပ်အနီနန့်အဆိုပါ အဖွဲ့အစည်းများ ခရီးလားလာခွင့်ကို ဆက်လက်ပိတ်ထား၍ စစ်ဖီးယှောင်စခန်းများမှာစားနပ် ရိက္ခာ အခက်အခဲများနန့် ဆိုးဝါးစွာရင်ဆိုင်နီကတ်ရကြောင်း ရက္ခိုင်စစ်ဖီးယှောင်များက ပြောသည်။
နောက်ထပ်လေ့ အဂုကဲ့သိုဆက်ပိတ်ထားမည်ဆိုပါက စစ်ဖီးယှောင် များရိက္ခာများပြတ်တောက်ကာ အငတ်ဖီးဆိုက်လာနိုင်ကြောင်းစစ်ဖီးယှောင်များက ဆိုသည်။
ရက္ခိုင်ပြည်၌ လက်ဟိတွင် စစ်ဖီးယှောင်စခန်းပေါင်း ၁၀၀ ကျော်ဟိပြီး၊ စစ်ဖီးယှောင်ဦးရေ ၁ သိန်းကျော်ခန့်ဟိ ကြောင်း သိရသည်။
