
APM ၊ စပ်တမ်ဘာ ၆ / ၂၀၂၃
ဘောလုံးကဇတ်သမားဟောင်းများ နန့် ၎င်းရို့မိသားစုများ၏ ဘဝနီထိုင်မှုအဆင်ပြေစီဖို့အတွက် ငွေကြေးပိုင်း ဆိုင်ရာကူညီမှုများပီးအပ်ရန် ပရော်ဖက်သျှင်နယ်ဘောလုံးသမားများအသင်း (PFA) နန့် ပရီးမီးယားလိဂ် က ရန်ပုံငွေသစ်တခုဖွဲ့စည်းလိုက်ကြောင်း ၎င်းရို့၏ ဝက်ဘ်ဆိုဒ်မှာ (ဒေနိ) စပ်တမ်ဘာ ၆ ရက်နိတွင် ထုတ်ပြန်သည်။
PFA နန့် Football Association မှပြုလုပ်သည့် လေ့လာမှုတခုအရ ပရော်ဖက်သျှင်နယ်ဘောလုံးသမားများသည် အာရုံကြောဆိုင်ရာရောဂါများဖြစ်နိုင်ခြေ ၃ ဒသမ ၄၆ ဆပိုများပြီး dementia ဖြစ်နိုင်ခြေပိုများကြောင်း တွိဟိခ၍ ကူညီပီးရန် ရန်ပုံငွေအသစ်တခုကို ဖန်တီးခခြင်းဖြစ်သည်ဟု ဖော်ပြထားသည်။
ကဇတ်သမားဟောင်းတိ လူမှုဖူလုံရီး နန့် စောင့်ယှောက်မှုစွာ ပရီးမီးယားလိဂ်၏ အမြဲတမ်း ဦးစားပီးဖြစ်ပါရေ။ ဒေဂုဖွဲ့စည်းလိုက်တေ ပံ့ပိုးကူညီမှုက အရေးကြီးရေအခန်းကဏ္ဍတခုပါ ဟု ပရီးမီးယားလိဂ် အမှုဆောင်အရာဟိချုပ် ရစ်ချက် မာစတာ က ပြောကြားခသည်။
ကဇတ်သမားဟောင်းများနန့် သူရို့၏ မိသားစုများ ဘဝအရည်အသွီးများတိုးတက်ကောင်းမွန်လာစီဖို့ လိုအပ်သည့် ငွေကြေးပံ့ပိုးမှုများ ပီးအပ်လားမည်ဖြစ်ပြီး ပမာဏအနီနန့် ပေါင်တသန်းစီ အနည်းဆုံးထောက်ပံ့ ပီးမည်ဟု ထုတ်ပြန်ချက်များအရ သိရသည်။
Source- Premier League and PFA set up new fund to help ex-football players
Photo- Premier League
