APM ၊ စပ်တမ်ဘာ ၆/၂၀၂၂
မြောက်ဦးမြို့တွင် ဒေနိ(စပ်တမ်ဘာ ၆ ရက်နိ) မိုးထ၌ စစ်ကောင်စီတပ်ဖွဲ့ဝင်များက မိုင်းဖောက်ခွဲမှု ပြုလုပ်ခကြောင်း သတင်း ရဟိသည်။
မြောက်ဦးမြို့၊ အလယ်ဈီးရပ်ကွက်၊ လွမ်းတောင်ရပ်၊ဆီးရုံဟောင်းနားတွင် ဒေနိ မိုးထ ၉ နာရီကျော်အချိန်ခန့်၌ မြောက်ဦး အခြီ စိုက် စစ်ကောင်စီတပ် ခမရ (၃၇၇)တပ်ရင်းမှ တပ်ဖွဲဝင်များက အသံမိုင်းဖောက်ခွဲခခြင်းဖြစ်ကြောင်း ခိုင်လုံသော သတင်းရင်း မြစ်၏ ပြောကြားချက်အရ သိရသည်။
ယင်းမိုင်းပေါက်ကွဲမှုကြောင့် လူနန့် အဆောက်အဦများထိခိုက်ပျက်စီးမှု မဟိခကေလေ့ မြောက်ဦးမြို့ပြည်သူများအားလုံး အထိတ်တလန့် ဖြစ်ခရသည်ဟု ဆိုသည်။
လက်ဟိတွင် ယင်းစစ်ကောင်စီတပ်ဖွဲ့ဝင်များသည် ၎င်းရို့မိုင်းဖောက်ခွဲခသည့်အလယ်ဈီးရပ်ကွက်၊တောင်ရပ်ဈီးလမ်းတလျှောက် နန့် နန်းရာကုန်းအနား ပတ်ဝန်းကျင်တဝိုက်တွင် မိုင်းယှင်းလင်းရီးပြုလုပ်ကွန်ဆောင်လျက် လုံခြုံရီးချ၍လမ်းလားလမ်းလာများ ကို တင်းတင်းကျပ်ကျပ် စစ်ဆီးနီကြောင်း ဒေသခံများက ပြောသည်။
ကုန်ခသည့် သြဂတ်စ် (၂၈) ရက်နိတွင်လေ့ စစ်ကောင်စီတပ်သည် မြောက်ဦးမြို့ပတ်ဝန်းကျင်သို့လက်နက်ကြီး၊ လက်နက်ငယ် များဖြင့်ပစ်ခတ်တိုက်ခိုက်သောကြောင့် မြောက်ဦးကင်းဆိပ်ရွာမှ အပြစ်မဲ့ပြည်သူ ၃ယောက် သီဆုံးကာ ဒဏ်ရာရသူ ၉ယောက် အထိဟိခပြီး၊ စပ်တမ်ဘာ(၄) ရက်နိတွင်လေ့ မြောက်ဦးမြို့ ပတ်ဝန်းကျင်ဟိ ရှေးဟောင်းအမွီအနှစ် နန်းရာကုန်းအပါအဝင် လူနီရပ်ကွက်များကို စစ်ကောင်စီ၏ တပ်စခန်းများမှနီ၍ တိုက်ပွဲဖြစ်ပွားခြင်းမဟိဘဲ လက်နက်ကြီး၊လက်နက်ငယ်များဖြင့် ရမ်းသန်းပစ်ခတ်တိုက်ခသည်။
ယင်းအပြင်စပ်တမ်ဘာ(၄) ရက်နိညည့်မှစ၍ စစ်ကောင်စီတပ်သည် ပြည်သူလူထုကို စားဝတ်နီရီး အခက်အခဲ၊ အကျပ်အတည်း၊ အငတ်ဖီးဆိုက်အောင် တမင်တကာ ရည်ရွယ်ချက်ဟိဟိနန့် မြောက်ဦးဈီးအား လူမဆန်စွာ မီးတိုက်ရန်ကြိုးစားခသိမ့်သည်။
မြောက်ဦးဖြစ်စဉ်နန့်ပတ်သက်၍ ရက္ခိုင်အမျိုးသားအဖွဲ့ချုပ်ULA က“စစ်ကောင်စီဂေါင်းဆောင်များသည် လူစိတ်ကင်းမဲ့ပြီး သွီးရူး သွီးတန်းဖြစ်ကာ စစ်ရာဇဝတ်မှုကို ဦးတည်စီသောအမိန့်ပီးခြင်းမျိုးနန့်ပြည်သူတိုင်းကို “ရန်သူ”ဟု သဘောထားကာမလုပ်သင့်မ လုပ်ထိုက်သောအလုပ်များကို မလုပ်သင့်သောနည်းလမ်းများဖြင့် အကောင်အထည်ဖော်လုပ်ဆောင်နီ၍စစ်ကောင်စီ၏ မြောက် ဦးဈီးအားမီးတိုက်မည့်အကြံအစည်များအထမမြောက်ရအောင်စောင့်ကြည့်မှတ်တမ်းတင်ထားကတ်ပါရန်” နိုင်ငံတကာနန့်ပြည် သူလူထုသို့ စပ်တမ်ဘာ ၅ ရက်နိမှာ တိုက်တွန်းထားသည်။
(Zawgyi)
ေျမာက္ဦးၿမိဳ႕တြင္ စစ္ေကာင္စီတပ္ မိုင္းခြဲ
APM ၊ စပ္တမ္ဘာ ၆/၂၀၂၂
ေျမာက္ဦးၿမိဳ႕တြင္ ေဒနိ(စပ္တမ္ဘာ ၆ ရက္နိ) မိုးထ၌ စစ္ေကာင္စီတပ္ဖြဲ႕ဝင္မ်ားက မိုင္းေဖာက္ခြဲမႈ ျပဳလုပ္ခေၾကာင္း သတင္း ရဟိသည္။
ေျမာက္ဦးၿမိဳ႕၊ အလယ္ဈီးရပ္ကြက္၊ လြမ္းေတာင္ရပ္၊ဆီး႐ုံေဟာင္းနားတြင္ ေဒနိ မိုးထ ၉ နာရီေက်ာ္အခ်ိန္ခန႔္၌ ေျမာက္ဦး အၿခီ စိုက္ စစ္ေကာင္စီတပ္ ခမရ (၃၇၇)တပ္ရင္းမွ တပ္ဖြဲဝင္မ်ားက အသံမိုင္းေဖာက္ခြဲချခင္းျဖစ္ေၾကာင္း ခိုင္လုံေသာ သတင္းရင္း ျမစ္၏ ေျပာၾကားခ်က္အရ သိရသည္။
ယင္းမိုင္းေပါက္ကြဲမႈေၾကာင့္ လူနန႔္ အေဆာက္အဦမ်ားထိခိုက္ပ်က္စီးမႈ မဟိခေကေလ့ ေျမာက္ဦးၿမိဳ႕ျပည္သူမ်ားအားလုံး အထိတ္တလန႔္ ျဖစ္ခရသည္ဟု ဆိုသည္။
လက္ဟိတြင္ ယင္းစစ္ေကာင္စီတပ္ဖြဲ႕ဝင္မ်ားသည္ ၎႐ို႕မိုင္းေဖာက္ခြဲခသည့္အလယ္ဈီးရပ္ကြက္၊ေတာင္ရပ္ဈီးလမ္းတေလွ်ာက္ နန႔္ နန္းရာကုန္းအနား ပတ္ဝန္းက်င္တဝိုက္တြင္ မိုင္းယွင္းလင္းရီးျပဳလုပ္ကြန္ေဆာင္လ်က္ လုံၿခဳံရီးခ်၍လမ္းလားလမ္းလာမ်ား ကို တင္းတင္းက်ပ္က်ပ္ စစ္ဆီးနီေၾကာင္း ေဒသခံမ်ားက ေျပာသည္။
ကုန္ခသည့္ ၾသဂတ္စ္ (၂၈) ရက္နိတြင္ေလ့ စစ္ေကာင္စီတပ္သည္ ေျမာက္ဦးၿမိဳ႕ပတ္ဝန္းက်င္သို႔လက္နက္ႀကီး၊ လက္နက္ငယ္ မ်ားျဖင့္ပစ္ခတ္တိုက္ခိုက္ေသာေၾကာင့္ ေျမာက္ဦးကင္းဆိပ္႐ြာမွ အျပစ္မဲ့ျပည္သူ ၃ေယာက္ သီဆုံးကာ ဒဏ္ရာရသူ ၉ေယာက္ အထိဟိခၿပီး၊ စပ္တမ္ဘာ(၄) ရက္နိတြင္ေလ့ ေျမာက္ဦးၿမိဳ႕ ပတ္ဝန္းက်င္ဟိ ေရွးေဟာင္းအမြီအႏွစ္ နန္းရာကုန္းအပါအဝင္ လူနီရပ္ကြက္မ်ားကို စစ္ေကာင္စီ၏ တပ္စခန္းမ်ားမွနီ၍ တိုက္ပြဲျဖစ္ပြားျခင္းမဟိဘဲ လက္နက္ႀကီး၊လက္နက္ငယ္မ်ားျဖင့္ ရမ္းသန္းပစ္ခတ္တိုက္ခသည္။
ယင္းအျပင္စပ္တမ္ဘာ(၄) ရက္နိညည့္မွစ၍ စစ္ေကာင္စီတပ္သည္ ျပည္သူလူထုကို စားဝတ္နီရီး အခက္အခဲ၊ အက်ပ္အတည္း၊ အငတ္ဖီးဆိုက္ေအာင္ တမင္တကာ ရည္႐ြယ္ခ်က္ဟိဟိနန႔္ ေျမာက္ဦးဈီးအား လူမဆန္စြာ မီးတိုက္ရန္ႀကိဳးစားခသိမ့္သည္။
ေျမာက္ဦးျဖစ္စဥ္နန႔္ပတ္သက္၍ ရကၡိဳင္အမ်ိဳးသားအဖြဲ႕ခ်ဳပ္ULA က“စစ္ေကာင္စီေဂါင္းေဆာင္မ်ားသည္ လူစိတ္ကင္းမဲ့ၿပီး သြီး႐ူး သြီးတန္းျဖစ္ကာ စစ္ရာဇဝတ္မႈကို ဦးတည္စီေသာအမိန႔္ပီးျခင္းမ်ိဳးနန႔္ျပည္သူတိုင္းကို “ရန္သူ”ဟု သေဘာထားကာမလုပ္သင့္မ လုပ္ထိုက္ေသာအလုပ္မ်ားကို မလုပ္သင့္ေသာနည္းလမ္းမ်ားျဖင့္ အေကာင္အထည္ေဖာ္လုပ္ေဆာင္နီ၍စစ္ေကာင္စီ၏ ေျမာက္ ဦးဈီးအားမီးတိုက္မည့္အႀကံအစည္မ်ားအထမေျမာက္ရေအာင္ေစာင့္ၾကည့္မွတ္တမ္းတင္ထားကတ္ပါရန္” ႏိုင္ငံတကာနန႔္ျပည္ သူလူထုသို႔ စပ္တမ္ဘာ ၅ ရက္နိမွာ တိုက္တြန္းထားသည္။
