APM၊ ဩဂတ်စ် ၆/ ၂၀၂၃
ကချင်ပြည်၊ ဖားကန့်မြို့၊ မှော်စီစာကျေးရွာဟိ ကျောက် စိမ်းလုပ်ကွက်ဟောင်းတခု၌ ဩဂတ်စ် ၅ ရက်နိ၊နိခင်းကကမ်းထောင်းပြိုကျရာ ကမ်းထောင်းအောက်မှာ ရီချိုးနီသည့်အမျိုးသမီး ၁ ယောက် ရီမြုပ်သီဆုံးပြီး ၃ ယောက်မှာ ဒဏ်ရာပြင်းထန်ကြောင်း သိရသည်။
အဆိုပါကမ်းထောင်းအောက်၌ ရီချိုးနီကတ်သည့် အမျိုး သမီး ၂ယောက်နန့် အချေ ၂ ယောက်ရို့မှာ မြီစာပုံပြိုကျမှုကြောင့် ရီနန့် မျောပါလားခရာ အမျိုးသမီး ၁ ယောက်နန့် အချေ ၂ ယောက်ကိုရာ သက်ရှင်လျက်ကယ်ဆယ်နိုင်ခပြီး အသက် ၃၇ နှစ်အရွယ် မခင်ဆွေမာဆိုသူ ကိုတော့ ညဇာ ၅နာရီခွဲလောက်မှ အလောင်းကို ရှာဖွီရဟိခသည်ဟု ကယ်ဆယ်ရီးလုပ် ဆောင်သူများက ဆိုသည်။
ဖားကန့်ဟိ ကျောက်စိမ်းမှော်ဒေသများတွင် မိုးရာသီ၌ လုပ်ကွက်မြီပြိုကျမှုများကြောင့် လူသီဆုံးမှုများ မကြာမကြာ ဖြစ်ပွားနီပြီး ကုန်ခသည့် ဩဂတ်စ် ၄ရက်နိကလေ့ ဖားကန့်မြို့နယ်၊ မော်မောင်းဘွမ်ကျေးရွာဟိ လုပ်ကွက်တခုတွင် မြီစာပုံပြိုကျ ၍ ရီမဆီးကျောက်ရှာသူ အမျိုး သားတယောက် သီဆုံးခသိမ့်သည်။
Photo – သင်္ဂဟ လူမှုကူညီရီးအသင်း(လုံးခင်း)
