APM ၊ သြဂတ်စ် ၅ / ၂၀၂၃
ဩစတြီးယားနိုင်ငံ၊ ဆစ်ဒနီမြို့၌ ဒေနိ(သြဂတ်စ် ၆ ရက်) နိ မိုးထက ယှဉ်ပြိုင်ကဇတ်သည့် ၂၀၂၃အမျိုးသမီးကမ္ဘာ့ဖလားပြိုင် ပွဲ ယှုံးထွက်ပွဲစဉ်တွင် နယ်သာလန် အမျိုးသမီးလက်ရွီးစင်အသင်းသည် တောင်အာဖရိက အမျိုးသမီးအသင်းအား ၂ ဂိုး၊ ဂိုးမဟိ နန့် အနိုင်ရဟိခပြီးနောက် ကွာတားဖိုင်သို့ တက်ရောက်လားကာ စပိန်အသင်း နန့် တွိဆုံနီကြောင်း သိရသည်။
နယ်သာလန်အတွက် ဂိုးများကိုတော့ ဂျေးလ် ရိုးဒ် နန့် တိုက်စစ်မှူး ဘီရန်စတိန်း က သွင်းယူပီးခ၍၂ ဂိုးပြတ် နန့် အနိုင်ရဟိ ခပြီး ကွာတားဖိုင်နယ်သို့ တက်ရောက်လားကာ ၄ ပွဲတွင် ၁၃ ဂိုးသွင်းယူထားသည့် စပိန်အမျိုးသမီးအသင်း နန့် ရင်ဆိုင်ရမည် ဖြစ်သည်။
နယ်သာလန်သည် လွန်ခသည့် ၂၀၁၉ ကမ္ဘာ့ဖလားပြိုင်ပွဲတွင် ဗိုလ်လုပွဲအထိတက်ရောက်နိုင်ခပြီး ဗိုလ်လုပွဲ၌ အမေရိကန် အသင်းအား ယှုံးနိမ့်ခ၍ ဒုတိယနီရာနန့်ရာ ကျေနပ်ခရသည်။
လက်ဟိ ၂၀၂၃ ကမ္ဘာ့ဖလားပြိုင်ပွဲမှာတော့ အမေရိကန် နန့် တအုပ်စုတည်းကျခကာ အမေရိကန်အား အသာယူ၍ အုပ်စု ဗိုလ်ဖြင့် ၁၆ သင်းအဆင့်သို့ တက်ရောက်နိုင်ခကြောင်း သိရသည်။
Source – The Netherlands and Spain meet in the quarter-finals of the World Cup/Reuters
Photo – New Straits Times
