APM ၊ သြဂတ်စ် ၆ / ၂၀၂၃
ပရီးမီးယားလိဂ်ကလပ် မန်ယူအသင်း၏ ဂိုးသမားသစ် အန်ဒရေ အိုနာနာ က ပြိုင်ဖက်အသင်းအား ဂိုးခွင့်ပြုပီးလိုက် ရချိန်တိုင်း အရာအားလုံးအတွက် သူ့မှာ တာဝန်အပြည့်ဟိသည်ဟု လန်းစ်အသင်းကို ၃ ဂိုး၊ ၁ ဂိုး နန့် အနိုင်ရဟိခသည့် ပွဲအပြီး MUTV သို့ ပြောကြားသည်။
သြဂတ်စ် ၅ ရက်နိက ကဇတ်သည့် လန်းစ် အသင်း နန့် ရာသီကြိုခြီစမ်းပွဲတွင် အန်ဒရီ အိုနာနာသည် ပြိုင်ဖက် ကဇတ်သမား ၏ ကိုက် ၄၀ ကျော်မှ ဂိုးသွင်းခြင်းကို ခွင့်ပြုလိုက်ရသည့်အတွက် ပရိသတ်များ၏ အပြစ်တင်ခြင်းကို လက်ခံခသည်။
“နိုင်ပွဲရခရေအတွက် ကျနော်ပျော်ပါရေ။ တချို့အရာတိကို ကျနော့်အနီ နန့် ပျင်ဆင်ဖို့ ကြိုးစားရပါဖို့။ ဂိုးပီးလိုက်ရချိန်တိုင်း ကျနော့်မှာ တာဝန်အပြည့်ဟိပါရေ” ဟု ကင်မရွန်းလက်ရွီးစင် ဂိုးသမား က ဆိုသည်။
ယင်းအပြင် သူက “ကျနော်က နောက်တန်းကဇတ်သမားတိ၏ နောက်ဆုံးမှာဟိရေ တာဝန်အဟိဆုံး လူတယောက်ဖြစ်တေ အတွက် ဝေဖန်မှုတိ၊ ဖိအားတိအားလုံးကိုလေ့ လက်ခံလားပါဖို့” ဟု ထပ်လောင်းပြောကြားသည်။
မန်ချက်စတာယူနိုက်တက်အသင်းသည် ရာသီကြိုခြီးစမ်းပွဲ နောက်ဆုံးပွဲစဉ်အဖြစ် ဒေနိ(သြဂတ်စ် ၆ ရက်)နိ ညဇာဖက်တွင် ဘီဘာအို အသင်း နန့် အိမ်ကွင်းတွင် ကဇတ်မည်ဖြစ်ပြီး ဩဂတ်စ် ၁၄ ရက်နိမှာတော့ ဝုလ်ဗ် အသင်းနန့် ပရီးမီးယားလိဂ်ပွဲစတင်ကဇတ်ရမည် ဖြစ်သည်။
Source- Onana said that he is responsible every time the opposing team concedes a goal/90min
Photo- Hindustan Times
