APM၊ ဧပြီ ၆ / ၂၀၂၄
မောင်တောခရိုင်အုပ်ချုပ်ရီးမှူး ဦးနေဦးနန့် လက်ထောက် ညွှန်ကြားရီးမှူး ဦးကျော်ဇောအေးရို့စွာ ဧပြီလ ၅ ရက်နိမိုးထမာ လက်နက်တိယူဆောင် ထွက်ဗြီးလားရေလို့ သိရပါရေ။
သူရို့ ၂ ယောက်စွာ ပစ္စတို ၁ လက်၊ ကျည်အိမ် ၂ ခု၊၉ မမကျည် ၂၄ ထောင့်ကို ယူပနာ ထွက်ဗြီးလားခရေလို့ အုပ်ချုပ်ရီးဝန်ထမ်းတိက ဆိုပါရေ။
မောင်တောခရိုင်အုပ်ချုပ်ရီးမှူးနန့် လက်ထောက်ညွှန်ကြားရီးမှူး ထွက်ဗြီးလားရေအတွက် လက်ဟိ မောင်တောမာ စစ်ကောင်စီ၏ အုပ်ချုပ်ရီးယန္တရား လုံးဝ ပျက်စီးလားဗျာယ်လို့ စစ်ကောင်စီလက်အောက်ခံ ဝန်ထမ်းတိက ပြောပါရေ။
အလားတူ မောင်တောခရိုင် လဝက ဒုတိယညွှန်ကြားရီးမှူးနန့် တခြားဌာနဆိုင်ရာ အရာဟိတချို့လည်း ဌာနစွန့်ခွာ ထွက်ဗြီးလားခရေလို့ သတင်းတိ ထွက်ပေါ်နီပါရေ။
ကုန်ခရေ ဧပြီ ၃ ရက်နိကလည်း တောင်ကုတ် မြို့မရဲစခန်းက စခန်းမှူး ဆန်းညွန့်စွာ လက်နက်မဲ့ထွက်ဗြီးလားခရေလို့ သိဟိရပါရေ။
Please follow and like us:
