APM၊ ဖေဖော်ဝါရီ ၆/ ၂၀၂၅
တအာင်းပြည်၊ နောင်ချိုမြို့နယ်ဟိ သပြေတောင်ဘုရားကုန်းကို ဒေနိ(ဖေဖော်ဝါရီ ၆ ရက်နိ)၊ မိုးထပိုင်းမာ အကြမ်းဖက် ဖက်ဆစ် စစ်ကောင်စီတပ်က ဗုံးကြဲတိုက်ခိုက်ခကြောင်း တအာင်းအမျိုးသားလွတ်မြောက်ရီးတပ်မတော် (TNLA) က ထုတ်ပြန်ပါရေ။
ဒေနိ၊ မိုးထ ၁၀ နာရီ ၂၀ မိနစ်မာ သပြေရေတောင်ဘုရားကုန်းကို အကြမ်းဖက်စစ်ကောင်စီတပ်က ဂျက်ဖိုက်တာနန့် ဗုံးကြဲတိုက်ခိုက်ခစွာလို့ ဆိုပါရေ။
အဆိုပါ ဗုံးကြဲတိုက်ခိုက်မှုကြောင့် ဘုရားကုန်းမာဟိရေ ဘုရား ကျောင်းဆောင်နန့် စေတီ ထိခိုက်ပျက်စီးခရကြောင်း ကနဦးသိရပါရေ။
ကုန်ခရေ ဂျန်နဝါရီ ၂၂ ရက်နိကလည်း နောင်ချိုမြို့ ရဲစခန်း နန့် ပါရမီလက်ဖက်ရည်ဆိုင်ကို အကြမ်းဖက် ဖက်ဆစ် စစ်ကောင်စီတပ်က ဂျက်ဖိုက်တာ နန့် လာရောက်ဗုံးကြဲတိုက်ခိုက်ခလို့ ဒေသခံအပြစ်မဲ့ပြည်သူ ၈ ယောက် သီဆုံးပနာ ၁ ယောက်ထိခိုက်ဒဏ်ရာရလားခပါသိမ့်ရေ။
အကြမ်းဖက် ဖက်ဆစ် စစ်ကောင်စီတပ်စွာ တိုက်ပွဲဖြစ်ပွားခြင်းမဟိရေ အရပ်သားပြည်သူရို့ကို ရည်ရွယ်ချက်ဟိဟိ ဦးတည် ဗုံးကြဲတိုက်ခိုက်နီရေအတွက် မိဖပြည်သူရို့အနီနန့် စစ်ကောင်စီတပ်၏ ဗုံးကြဲတိုက်ခိုက်မှုတိကို ယှောင်ယှားနိုင်ဖို့၊ စစ်ရီးသတိဟိဖို့လိုပြီးကေ၊ လီကြောင်းရန် ကာကွယ်နိုင်ဖို့အတွက် လီကြောင်းရန်ကာကွယ်ရီးဆိုင်ရာနည်းလမ်းတိကိုလိုက်နာဆောင်ရွက်ဖို့လိုအပ်ကြောင်းလည်း PSLF/TNLA က အသိပီးတိုက်တွန်းထားပါရေ။
Photo – ခေတ်သစ်
