APM ၊ ဖေဖော်ဝါရီ ၆ / ၂၀၂၃
ဖေဖော်ဝါရီ ၄ ရက်နိ၌ ကဇတ်ခသည့် မန်ယူနန့် ခရစ္စတယ်ပဲလေ့စ်ပွဲတွင် နှစ်ဖက်အသင်းသားများ အငြင်းပွားရန်ဖြစ်မှုကြား မန်ယူကွင်းလယ်လူ ကတ်စမဲရိုး တိုက်ရိုက်အနီကဒ်ဖြင့် ထုတ်ပယ်ခံလိုက်ရလိုက်ရပြီးနောက် ကတ်စမဲရိုးကိုနည်းတူ ပြိုင်ဖက် ကဇတ်သမားများကိုလေ့ ထုတ်ပယ်သင့်ကြောင်း မန်ယူနည်းပြ တန်ဟက်ဂ်က ပြောကြားခသည်။
ယင်းပွဲစဉ်အတွင်း ပွဲချိန်ဒုတိယပိုင်းမိနစ် ၇၀ ကျော်၌ နှစ်ဖက်အသင်းကြား ရောလုံးချက်တင်အချင်းများခကတ်ရာ မန်ယူကွင်းလယ်လူ ကတ်စမဲရိုးက ပဲလေ့စ်ကဇတ် သမား Will Hughes လိုင်ဖင်းကို လက်ဖြင့်ဖျစ်နီသည့် မြင်ကွင်းကြောင့် ကွင်းလယ်ဒိုင်က VAR ကြည့်ကာ တိုက်ရိုက်အနီကတ်ပြ ထုတ်ပယ်လိုက်ခြင်းဖြစ်သည်။
ကတ်စမဲရိုး ထုတ်ပယ်ခံရမှုနန့်ပတ်သတ်၍ မန်ယူနည်းပြတန်ဟက်ဂ်က “ကတ်စမဲရိုးက ကိုယ့်အသင်းဖော်တိကို ကာကွယ်နီစွာပါ။ အချင်းချင်းကာကွယ်၊ စောင့်လျှောက်ရပါဖို့။ အတူတူရပ်တည်ရပါဖို့။ ကတ်စမဲရိုးကို အနီကတ်နန့် ထုတ်လိုက်တေပိုင် နောက်ထပ်ကဇတ်သမားတိကိုလေ့ ထုတ်ပယ်သင့်ပါရေ” ဟုပြောကြားခသည်။
ခရစ္စတယ်ပဲလေ့စ်နည်းပြ ဗီအဲရာကတော့ “ကတ်စမဲရိုး အနီကတ် နန့်ထုတ်ပယ်ခံရရေ အဖြစ်အပျက်ကို ကျနော် ယှင်းယှင်းလင်းလင်းမမြင်ခရပါ။ ဒေပွဲစဥ်က လေးလေးစားစားနန့်ကဇတ်ရဖိုပွဲဖြစ်ပါရေ။ မန်ယူကဇတ်သမားတိက ယင်းပိုင်အခြေ အနေဖြစ်အောင် ဖန်တီးခစွာပါ” ဟု ပြောဆိုခသည်။
မန်ယူအသင်းသည် ကတ်စမဲရိုး၏ အနီကတ်နန့်ပတ်သက်၍ ပရီးမီးယားလိဂ်အဖွဲချုပ်သို့ အယူခံဝင်မည်ဖြစ်ပြီး၊ အောင်မြင်ပါက ကတ်စမဲရိုးသည် ပွဲပယ်ပြစ်ဒဏ်ကျခံခြင်းက ကင်းလွတ်မည်ဖြစ်ကာ၊ မအောင်မြင်ခပါက ၄ ပွဲအထိ ပွဲပယ်ပြစ်ဒဏ် ကျခံရမည်ဖြစ် ကြောင်းသိရပါသည်။
Source – “Casemiro is protecting our player, and protecting the player, holding him back. If Casemiro should have been sent off, many more players should have been sent off.”
Photo -Sky Sport
