(အောက်တိုဘာ ၃၀ ရက်နိမှ နိုဗမ်ဘာ ၅ ရက်နိအထိ)
၁။ ၂-၁၁-၂၀၂၃ (ကြာသပတီး)
(၁) အောက်တိုဘာ ၂၉ ရက်နိခင်းက စစ်တွေမာ ဖမ်းဆီးခံရ Development Media Group (DMG) သတင်းထောက် ကိုထက်အောင်နန့် ညည့်စောင့် ကိုစိုးဝင်းအောင်ရို့ကို စစ်ကောင်စီက အောက်တိုဘာ ၃၁ ရက်နိမာ ဆက်သွယ်ရီး ဥပဒေ ပုဒ် မ(၆၅)နန့် အမှုဖွင့်လိုက်ပါရေ။
(၂) စစ်တွေမြို့က လူမှုရီးလုပ်ငန်းတိကို ဆောင်ရွက်နီရေ အရပ်ဖက် အဖွဲ့အစည်း CSO နန့် နိုင်ငံတကာ အဖွဲ့အစည်းတချို့ ကို စစ်ကောင်စီ၏ ရပ်ကွက်အုပ်ချုပ်ရီးမှုနန့် တာဝန်ဟိလူတိက နိုဗမ်ဘာလ ၂ ရက်နိကစလို့ စစ်ဆေးမှုတိ ပြုလုပ်ခပါရေ။
၂။ ၃-၁၁-၂၀၂၃(သောကြာ)
(၁) ဘင်္ဂလားဒေ့ချ်သို့ အဓိက ကုန်စည်တင်ပို့နီရေ မောင်တောနယ်စပ် ကုန်သွယ်ရီးစခန်းက ကုန်သွယ်မှုသိသိသာသာကျ ဆင်းလာရေအတွက် လက်ဟိ လက်လုပ်လက်စားဒေသခံပြည်သူတိနန် အခြီခံနိစားအလုပ်သမားတိမာ စားဝတ်နီရီး အခက်အခဲနန့် ရင်ဆိုင်နီရပါရေ။
(၂) ဒေရက်ပိုင်းအတွင်း ကျောက်ဖြူမြို့နယ် ဇင်ချောင်းတိုက်နယ်မာ စစ်ကောင်စီတပ်က စစ်ရီးလှုပ်ယှားမှုတိ အယင်ကထက် သိသိသာသာ ပိုလုပ်လာပြီးကေ ဒေသခံပြည်သူတိကို စစ်ဆီးစွာ၊ နီအိမ်တိကို ဝင်ရောက်စုံစမ်းစွာ နိစဉ်ရက်ဆက် ပြုလုပ်လာပါရေ။
၃။ ၄-၁၁-၂၀၂၃(စနီ)
(၁) စစ်ကောင်စီတပ်က ရက်ရက်စက်စက် ရိုက်နှက်စစ်ဆီးမှုကြောင့် ဘယ်ဖက်ညှပ်ရိုးအက်လားရေ မင်းပြားက ကိုညီညီအောင်စွာ လက်ဟိ နှစ်လကျော်ကြာလာရေအထိ ဆီးကုသခွင့်မရသိမ့်ပါ။
(၂) တောင်ကုတ်က ကြက်မွီးမြူရီးလုပ်ငန်း လုပ်ကိုင်နီရေ စီးပွားရီးလုပ်ငန်းသျှင် ဦးစံသိန်းအောင်ကို မော်တော်ဆိုင်ကယ်နန့် ဖုန်းအပြင် တခြားပစ္စည်းတိကို လုယက်ဒါးပြ တိုက်ပနာ ရက်ရက်စက်စက်သတ်ဖြတ်ခရေ စစ်ကောင်စီတပ် သား ၂ ယောက်ကို ၃ လကျော်ကြာရေအထိ ရဲလက်သို့ မအပ်သိမ့်ပါ။
၆။ ၅-၁၁-၂၀၂၃ (တလင်းဂနီ)
ရက္ခိုင်မာ ၂၀၂၂နန့် ၂၀၂၃ စနစ်ဟောင်း တက္ကသိုလ်ဝင်တန်းစာမိန်းပွဲကျယှုံးသူ ၆၀၀၀ ကျော်ထဲက ၅၀၀ ကျော်ရာ ပြန်ဖြေဆိုဖို့ စရင်းသွင်းပါရေ။
