APM ၊ အောက်တိုဘာ ၆/ ၂၀၂၂
စစ်တွေမြို့နယ်တွင် ဒေဂုလမှစ၍ စစ်ကောင်စီတပ်၏ စစ်တွေတပ်နယ်၊ တပ်ထိန်းဂိတ်နန့် ကျောက်တန်းဂိတ် များမှစစ်ကောင်စီတပ်ဖွဲ့ဝင်များက လာသမျှသော ကားများကိုရပ်တန့်ခိုင်းလျက် လက်နက်ပြခြိမ်းခြောက်၍ ဓါးမြတိုက်လုယက်နီကြောင်း သတင်းရဟိသည်။
စစ်တွေမြို့နယ်ဟိ ကျေးရွာများမှ စစ်တွေမြို့သို့ ကုန်ပစ္စည်းများ လာ၀ယ်သည့် ကားများအပြင် စစ်တွေမြို့သို့ တခြားမြို့များမှ လာသည့်ကားများကိုပါ စစ်တွေတပ်ထိန်းဂိတ် နန့် ကျောက်တန်းဂိတ်ရို့က ရပ်တန့်ပြီး ကား တစီးလျှင် ၅ထောင်နှုန်းဖြင့် ဓါးမြတိုက်လုယူနီကတ်ကြောင်း ကားသမားများက ပြောသည်။
“အယင်ကဆိုကေ ရန်ကုန်ကလာရေ ကုန်ကားကြီးတိကိုရာ ဖေသာတောင်းပါရေ။ အဂုက လာသမျှကားတိ ဘားက မတန်တဆ ဖေသာလိုက်တောင်းနီရေ။ ကားတစီးမှာ ဇာပစ္စည်းပါပါ၊ ပစ္စည်းတင်လာဗျာယ်ဆိုကေ ဖေသာ ၅ထောင် ပါဗျာယ်။ ယင်းပိုင် ပီးပြီးမှရာ လွှတ်ပါရေ။ သူရို့တောင်းစွာကို မပီးနိုင်ဆိုကေ အကြောင်းအမျိုး မျိုးပြပနာ ဖမ်းဆီးနှိပ်စက်တေ” ဟု စစ်တွေ – ပါဒလိပ် ဗြီးဆွဲနီသည့် ကားသမားတယောက်က ယှင်းပြသည်။
ယင်းကဲ့သို့ စစ်ကောင်စီတပ်မှ ငွေကြေးများ မတရားတောင်းစားနီသည်မှာ ကျောက်တန်းဂိတ်နန့် တပ်ထိန်း ဂိတ် နှစ်ဂိတ်စလုံးကို ပီးနီရသည်ဖြစ်ကာ ကားတစီးလျှင် တဂိတ်ကို ၅၀၀၀ ကျပ်နှုန်းဖြင့် ဂိတ်နှစ်ခုအတွက် ၁၀၀၀၀ ကျပ်စီ ပီးနီကတ်ရသည်ဟု သိရသည်။
“ကျနော်ရို့မှာ ဟိုက်ဂျက်တစီးအပြည့်တင်မှအများဆုံး၂သောင်းလောက်ရာ ရစွာပါ။ယင်းချင့်မှာတပ်ထိန်းဂိတ် ကို ၅ထောင်၊ ကျောက်တန်းဂိတ်ကို၅ထောင်၊ တသောင်း ပီးလိုက်ပနာ ဆီဖိုးနှုတ်လိုက်ကေ မကျန်ပါဗျာယ်” ဟု စစ်တွေမြို့ခံ ကားဆရာတယောက်က ပြောသည်။
“စစ်ကောင်စီတပ်က ယင်းကဲ့သို့ ငွေကြေးများအတင်းအဓမ္မတောင်းယူနီခြင်းမှာသာမန်အခကြေးငွေ ကောက်ခံ ခြင်းမျိုးမဟုတ်ဘဲ အများပြည်သူကို သီနတ်ပြ၍ တဖက်သတ်အနိုင်ကျင့် ဓားပြတိုက်ယူနီခြင်းရာ ဖြစ်သည်”ဟု သူက မှတ်ချက်ပြုပြောဆိုသည်။
ရက္ခိုင်ပြည်မှာ ရက္ခိုင့်တပ်တော် AA နန့် စစ်ကောင်စီတပ်ရို့အကြား တကျော့ပြန်တိုက်ပွဲများ ပြင်းထန်လာသည်နန့်အမျှစစ်ကောင်စီတပ်သည်ရက္ခိုင်ပြည်သူလူထုကို အငတ်ဖီးမဆိုက် ဆိုက်အောင် တမင်တကာ ရည်ရွယ်ချက် ဟိဟိကုန်းလမ်းရီလမ်းအားလုံးကို တင်းတင်းကျပ်ကျပ် ပိတ်ဆို့စစ်ဆီးခြင်း၊ ပြည်သူလူထုအား လက်နက်ပြ အနိုင်ကျင့်ကာ ဖေသာငွေကြေးများကို ဓားပြတိုက်လုယူခြင်းအပါအဝင် နည်းလမ်းမျိုးစုံဖြင့် ဒုက္ခပီးလျက်ဟိနီ ကြောင်း သိရပါသည်။
(Zawgyi)
စစ္ေတြတြင္ တပ္ထိန္းဂိတ္နန႔္ ေက်ာက္တန္းဂိတ္မွ စစ္ေကာင္စီတပ္ဖြဲ႕ဝင္မ်ားက လာသမွ်ကားမ်ားကို တန႔္၍ ဓါးျမတိုက္ လုယက္နီ
APM ၊ ေအာက္တိုဘာ ၆/ ၂၀၂၂
စစ္ေတြၿမိဳ႕နယ္တြင္ ေဒဂုလမွစ၍ စစ္ေကာင္စီတပ္၏ စစ္ေတြတပ္နယ္၊ တပ္ထိန္းဂိတ္နန႔္ ေက်ာက္တန္းဂိတ္ မ်ားမွစစ္ေကာင္စီတပ္ဖြဲ႕ဝင္မ်ားက လာသမွ်ေသာ ကားမ်ားကိုရပ္တန႔္ခိုင္းလ်က္ လက္နက္ျပၿခိမ္းေျခာက္၍ ဓါးျမတိုက္လုယက္နီေၾကာင္း သတင္းရဟိသည္။
စစ္ေတြၿမိဳ႕နယ္ဟိ ေက်း႐ြာမ်ားမွ စစ္ေတြၿမိဳ႕သို႔ ကုန္ပစၥည္းမ်ား လာ၀ယ္သည့္ ကားမ်ားအျပင္ စစ္ေတြၿမိဳ႕သို႔ တျခားၿမိဳ႕မ်ားမွ လာသည့္ကားမ်ားကိုပါ စစ္ေတြတပ္ထိန္းဂိတ္ နန႔္ ေက်ာက္တန္းဂိတ္႐ို႕က ရပ္တန႔္ၿပီး ကား တစီးလွ်င္ ၅ေထာင္ႏႈန္းျဖင့္ ဓါးျမတိုက္လုယူနီကတ္ေၾကာင္း ကားသမားမ်ားက ေျပာသည္။
“အယင္ကဆိုေက ရန္ကုန္ကလာေရ ကုန္ကားႀကီးတိကိုရာ ေဖသာေတာင္းပါေရ။ အဂုက လာသမွ်ကားတိ ဘားက မတန္တဆ ေဖသာလိုက္ေတာင္းနီေရ။ ကားတစီးမွာ ဇာပစၥည္းပါပါ၊ ပစၥည္းတင္လာဗ်ာယ္ဆိုေက ေဖသာ ၅ေထာင္ ပါဗ်ာယ္။ ယင္းပိုင္ ပီးၿပီးမွရာ လႊတ္ပါေရ။ သူ႐ို႕ေတာင္းစြာကို မပီးႏိုင္ဆိုေက အေၾကာင္းအမ်ိဳး မ်ိဳးျပပနာ ဖမ္းဆီးႏွိပ္စက္ေတ” ဟု စစ္ေတြ – ပါဒလိပ္ ၿဗီးဆြဲနီသည့္ ကားသမားတေယာက္က ယွင္းျပသည္။
ယင္းကဲ့သို႔ စစ္ေကာင္စီတပ္မွ ေငြေၾကးမ်ား မတရားေတာင္းစားနီသည္မွာ ေက်ာက္တန္းဂိတ္နန႔္ တပ္ထိန္း ဂိတ္ ႏွစ္ဂိတ္စလုံးကို ပီးနီရသည္ျဖစ္ကာ ကားတစီးလွ်င္ တဂိတ္ကို ၅၀၀၀ က်ပ္ႏႈန္းျဖင့္ ဂိတ္ႏွစ္ခုအတြက္ ၁၀၀၀၀ က်ပ္စီ ပီးနီကတ္ရသည္ဟု သိရသည္။
“က်ေနာ္႐ို႕မွာ ဟိုက္ဂ်က္တစီးအျပည့္တင္မွအမ်ားဆုံး၂ေသာင္းေလာက္ရာ ရစြာပါ။ယင္းခ်င့္မွာတပ္ထိန္းဂိတ္ ကို ၅ေထာင္၊ ေက်ာက္တန္းဂိတ္ကို၅ေထာင္၊ တေသာင္း ပီးလိုက္ပနာ ဆီဖိုးႏႈတ္လိုက္ေက မက်န္ပါဗ်ာယ္” ဟု စစ္ေတြၿမိဳ႕ခံ ကားဆရာတေယာက္က ေျပာသည္။
“စစ္ေကာင္စီတပ္က ယင္းကဲ့သို႔ ေငြေၾကးမ်ားအတင္းအဓမၼေတာင္းယူနီျခင္းမွာသာမန္အခေၾကးေငြ ေကာက္ခံ ျခင္းမ်ိဳးမဟုတ္ဘဲ အမ်ားျပည္သူကို သီနတ္ျပ၍ တဖက္သတ္အႏိုင္က်င့္ ဓားျပတိုက္ယူနီျခင္းရာ ျဖစ္သည္”ဟု သူက မွတ္ခ်က္ျပဳေျပာဆိုသည္။
ရကၡိဳင္ျပည္မွာ ရကၡိဳင့္တပ္ေတာ္ AA နန႔္ စစ္ေကာင္စီတပ္႐ို႕အၾကား တေက်ာ့ျပန္တိုက္ပြဲမ်ား ျပင္းထန္လာသည္နန႔္အမွ်စစ္ေကာင္စီတပ္သည္ရကၡိဳင္ျပည္သူလူထုကို အငတ္ဖီးမဆိုက္ ဆိုက္ေအာင္ တမင္တကာ ရည္႐ြယ္ခ်က္ ဟိဟိကုန္းလမ္းရီလမ္းအားလုံးကို တင္းတင္းက်ပ္က်ပ္ ပိတ္ဆို႔စစ္ဆီးျခင္း၊ ျပည္သူလူထုအား လက္နက္ျပ အႏိုင္က်င့္ကာ ေဖသာေငြေၾကးမ်ားကို ဓားျပတိုက္လုယူျခင္းအပါအဝင္ နည္းလမ္းမ်ိဳးစုံျဖင့္ ဒုကၡပီးလ်က္ဟိနီ ေၾကာင္း သိရပါသည္။
