APM၊ အောက်တိုဘာ ၆/၂၀၂၂
စစ်တွေမြို့တွင် ဒေနိ(အောက်တိုဘာ ၆ ရက်နိ)မိုးထ၌လေ့ ALP နန့် စစ်ကောင်စီတပ်ပူးပေါင်းတပ်ဖွဲ့ဝင်များမှ အပြစ်မဲ့ အရပ်သား ပြည်သူ လင်မယား၂ ယောက်ကို ထပ်မံ ဖမ်းဆီး ခေါ်ဆောင်လားပြန်ကြောင်း သတင်းရဟိသည်။
အဖမ်းခံရသူများမှာ စစ်တွေမြို့၊နာဇီရွာ(စက်ရုံစု) ရပ်ကွက်၊ မီးလောင်ကွင်းမှ ကျဘမ်းလုပ်ကိုင်သူ ဦးလယ်အောင်သိန်း(၄၁နှစ်)နန့် သူ၏ဇနီးဖြစ်သူ ဒေါ်ဦးခင်သိန်း(ခ)ဆိုးမ(၃၉နှစ်)ရို့ ဖြစ်ကတ်သည်။
ယင်းလင်မယား ၂ ယောက်ကို ဒေနိမိုးထ ၁ နာရီနီး ပါး၌ ALP တပ်ဖွဲ့ဝင်များနန့် စစ်ကောင်စီပူးပေါင်းတပ်ဖွဲ့ဝင်အင်အား၃၀ ကျော်ရို့က ဦးလယ်အောင်သိန်း၏နီအိမ်အတွင်းသို့စီးနင်းဝင်ရောက်ပြီးဖမ်းဆီးလားခြင်းဖြစ်ကြောင်းမျက်မြင်သက်သီများက ဆိုသည်။
“ညဇာက ၁၂ နာရီနီးပါးလောက်မှာ ဗမာစစ်တပ် စစ်ကားတစီး နာဇီရွာ စက်ရုံစုကို ဝင်လာခပါရေ။ ယင်းမှာ ဗမာစစ်တပ်က ၁၀ ကျော် လောက်ပါရေ။ ALP က ၂၀လောက်ပါပါရေ။ အေတခေါက် ALPက တော့ ALP ယူနီဖောင်းနန့်ပါ။ ဗမာစစ်တပ်ကလေ့ ဗမာစစ် တပ်ယူနီဖောင်းနန့်ပါ။ ညည့် ၁နာရီဝန်းကျင်လောက်မှာ ဦးလယ်အောင်သိန်းအိမ်ကို တခါတည်း တန်းဝင်ပါရေ။ လင်မယား ၂ ယောက်စ လုံးကို ဖမ်းပါရေ။ မျက်နှာဖုံးစွပ်ပနာ ခေါ်လားခပါရေ”ဟု မျက်မြင်သက်သီတယောက်က APM သို့ ပြောကြားသည်။
ကုန်ခသည့်အောက်တိုဘာ ၃ရက်နိကလေ့ ALP တပ်ဖွဲ့ဝင်များသည် ဓားရှည်၊ သံတုတ်၊ပီစတိုကိုယ်စီကိုင်ဆောင်လျက် စစ်တွေမြို့၊ ဆင်ကူးလမ်းရပ်ကွက်အတွင်းသို့ ဝင်ရောက်လာပြီး၊ အပြစ်မဲ့ အရပ်သားပြည်သူ ၄ ယောက်အား သံတုတ်များဖြင့် ရက်ရက် စက်စက် ဝိုင်းဝန်းရိုက်နှက်၍ ဖမ်းဆီးခေါ်ဆောင်လားခသိမ့်သည်။
အလားတူ စပ်တမ်ဘာ ၂၈ ရက်နိကလေ့ ALP အဖွဲမှ ဗိုလ်အဆင့်ဟိသူ ရာသျှားဦးဆောင်သည့် ALP တပ် ဖွဲ့ ဝင် ၃ ယောက် သည်ဓားရှည်ကိုယ်စီကိုင်ဆောင်လျက်စစ်တွေမြို၊စက်ရုံစုရပ်ကွက်၊အေးသာယာလမ်းမှအပြစ်မဲ့အရပ်သားပြည်သူများအား ဝိုင်းဝန်း အနိုင်ကျင့် ရိုက်နှက်မှုများ ပြုလုပ်ခကတ်သည်။
ယင်းအပြင် ကုန်ခသည့် ဩဂတ်စ် ၇ ရက်နိကလေ့ စစ်တွေမြို့၊ နာဇီရွာစက်ရုံစုရပ်ကွက်မှ ကိုသိန်းဆန်းဆိုသူအား ယင်းရပ်ကွက်ကန်ဘောင်နား၌ ALP တပ် ဖွဲ့ဝင် ၆ ယောက်ခန့်က သီနတ်ဖြင့် ပစ် ခတ်ဖမ်းဆီးရာ ကိုသိန်းဆန်း၏ ညာဖက်ခြီထောက် ခြီသလုံးကို ကျည်ဆန်ထိမှန်ပြီး အပြင်းအထန် ရုန်းကန်ထွက်ဗြီးလားခရသည်။
ယင်းနည်းတူ ဩဂတ်စ် ၂ ရက်နန့် ၃ ရက်နိကလေ့ ALP တပ်ဖွဲ့ဝင်များသည် စစ်ကောင်စီတပ် ယူနီ ဖောင်းများဝတ်ဆင်ကာ စစ်တွေ အခြီစိုက် စစ်ကောင်စီတပ် ခမရ(၃၅၄) တပ်ရင်းမှ တပ်ဖွဲ့ဝင်များနန့်ပူးပေါင်းလျက် အဆိုပါနာဇီရွာ စက်ရုံစု ရပ်ကွက်မှ ရာအိမ်မှူး ဖြစ်သူ ဦးဦးဘစော၊ ဒေါ်မညွန့်စိန်နန့် ကိုကလားချေ ရို့ကို ရိုက်နှက်ဖမ်းဆီးလားခသည့်အပြင် ဦးတင်ထွန်း ဆိုသူ၏ နီအိမ်ကိုလေ့ အတင်း အဓမ္မဝင်ရောက်ပြီး တအိမ်လုံးကိုမွှီနှောက်ရှာဖွီလားခပါသည်။
ရက္ခိုင်ပြည် မြို့တော်စစ်တွေတွင် ကုန်ခသည့် ဩဂတ်စ်လ အစပိုင်းမှစ၍ ALP တပ်ဖွဲ့ဝင်များသည် စစ်ကောင်စီတပ်နန့်ပူးပေါင်းလျက် အပြစ်မဲ့အရပ်သား ပြည်သူများအား မတရားသဖြင့် ဖမ်းဆီးရိုက်နှက်၊ နှိပ်စက်အနိုင်ကျင့်မှုများ၊ လက်နက်အားကိုးဖြင့် အာဏာပြ ခြိမ်းခြောက် ငွေညှစ် မှုများ ဆက်တိုက်ပြုလုပ်လျက်ဟိသကဲသို့ စစ်တွေမြို့ရပ်ကွက်တချို့တွင်လေ့ တုတ်၊ ဓား ကိုယ်စီကိုင် ဆောင်လျက် ဝင်ရောက် ယမ်းကား ဆဲဆိုမှုများ ပြုလုပ်နီကြောင်း သတင်းများ အဆက်မပြတ် ထွက်ပေါ်လျက်ဟိသည်။
(Zawgyi)
စစ္ေတြတြင္ ALP နန႔္ စစ္ေကာင္စီ ေပါင္း၍ အျပစ္မဲ့အရပ္သား လင္မယား ၂ ေယာက္ကို ဖမ္းလားျပန္
APM၊ ေအာက္တိုဘာ ၆/၂၀၂၂
စစ္ေတြၿမိဳ႕တြင္ ေဒနိ(ေအာက္တိုဘာ ၆ ရက္နိ)မိုးထ၌ေလ့ ALP နန႔္ စစ္ေကာင္စီတပ္ပူးေပါင္းတပ္ဖြဲ႕ဝင္မ်ားမွ အျပစ္မဲ့ အရပ္သား ျပည္သူ လင္မယား၂ ေယာက္ကို ထပ္မံ ဖမ္းဆီး ေခၚေဆာင္လားျပန္ေၾကာင္း သတင္းရဟိသည္။
အဖမ္းခံရသူမ်ားမွာ စစ္ေတြၿမိဳ႕၊နာဇီ႐ြာ(စက္႐ုံစု) ရပ္ကြက္၊ မီးေလာင္ကြင္းမွ က်ဘမ္းလုပ္ကိုင္သူ ဦးလယ္ေအာင္သိန္း(၄၁ႏွစ္)နန႔္ သူ၏ဇနီးျဖစ္သူ ေဒၚဦးခင္သိန္း(ခ)ဆိုးမ(၃၉ႏွစ္)႐ို႕ ျဖစ္ကတ္သည္။
ယင္းလင္မယား ၂ ေယာက္ကို ေဒနိမိုးထ ၁ နာရီနီး ပါး၌ ALP တပ္ဖြဲ႕ဝင္မ်ားနန႔္ စစ္ေကာင္စီပူးေပါင္းတပ္ဖြဲ႕ဝင္အင္အား၃၀ ေက်ာ္႐ို႕က ဦးလယ္ေအာင္သိန္း၏နီအိမ္အတြင္းသို႔စီးနင္းဝင္ေရာက္ၿပီးဖမ္းဆီးလားျခင္းျဖစ္ေၾကာင္းမ်က္ျမင္သက္သီမ်ားက ဆိုသည္။
“ညဇာက ၁၂ နာရီနီးပါးေလာက္မွာ ဗမာစစ္တပ္ စစ္ကားတစီး နာဇီ႐ြာ စက္႐ုံစုကို ဝင္လာခပါေရ။ ယင္းမွာ ဗမာစစ္တပ္က ၁၀ ေက်ာ္ ေလာက္ပါေရ။ ALP က ၂၀ေလာက္ပါပါေရ။ ေအတေခါက္ ALPက ေတာ့ ALP ယူနီေဖာင္းနန႔္ပါ။ ဗမာစစ္တပ္ကေလ့ ဗမာစစ္ တပ္ယူနီေဖာင္းနန႔္ပါ။ ညည့္ ၁နာရီဝန္းက်င္ေလာက္မွာ ဦးလယ္ေအာင္သိန္းအိမ္ကို တခါတည္း တန္းဝင္ပါေရ။ လင္မယား ၂ ေယာက္စ လုံးကို ဖမ္းပါေရ။ မ်က္ႏွာဖုံးစြပ္ပနာ ေခၚလားခပါေရ”ဟု မ်က္ျမင္သက္သီတေယာက္က APM သို႔ ေျပာၾကားသည္။
ကုန္ခသည့္ေအာက္တိုဘာ ၃ရက္နိကေလ့ ALP တပ္ဖြဲ႕ဝင္မ်ားသည္ ဓားရွည္၊ သံတုတ္၊ပီစတိုကိုယ္စီကိုင္ေဆာင္လ်က္ စစ္ေတြၿမိဳ႕၊ ဆင္ကူးလမ္းရပ္ကြက္အတြင္းသို႔ ဝင္ေရာက္လာၿပီး၊ အျပစ္မဲ့ အရပ္သားျပည္သူ ၄ ေယာက္အား သံတုတ္မ်ားျဖင့္ ရက္ရက္ စက္စက္ ဝိုင္းဝန္း႐ိုက္ႏွက္၍ ဖမ္းဆီးေခၚေဆာင္လားခသိမ့္သည္။
အလားတူ စပ္တမ္ဘာ ၂၈ ရက္နိကေလ့ ALP အဖြဲမွ ဗိုလ္အဆင့္ဟိသူ ရာသွ်ားဦးေဆာင္သည့္ ALP တပ္ ဖြဲ႕ ဝင္ ၃ ေယာက္ သည္ဓားရွည္ကိုယ္စီကိုင္ေဆာင္လ်က္စစ္ေတြၿမိဳ၊စက္႐ုံစုရပ္ကြက္၊ေအးသာယာလမ္းမွအျပစ္မဲ့အရပ္သားျပည္သူမ်ားအား ဝိုင္းဝန္း အႏိုင္က်င့္ ႐ိုက္ႏွက္မႈမ်ား ျပဳလုပ္ခကတ္သည္။
ယင္းအျပင္ ကုန္ခသည့္ ဩဂတ္စ္ ၇ ရက္နိကေလ့ စစ္ေတြၿမိဳ႕၊ နာဇီ႐ြာစက္႐ုံစုရပ္ကြက္မွ ကိုသိန္းဆန္းဆိုသူအား ယင္းရပ္ကြက္ကန္ေဘာင္နား၌ ALP တပ္ ဖြဲ႕ဝင္ ၆ ေယာက္ခန႔္က သီနတ္ျဖင့္ ပစ္ ခတ္ဖမ္းဆီးရာ ကိုသိန္းဆန္း၏ ညာဖက္ၿခီေထာက္ ၿခီသလုံးကို က်ည္ဆန္ထိမွန္ၿပီး အျပင္းအထန္ ႐ုန္းကန္ထြက္ၿဗီးလားခရသည္။
ယင္းနည္းတူ ဩဂတ္စ္ ၂ ရက္နန႔္ ၃ ရက္နိကေလ့ ALP တပ္ဖြဲ႕ဝင္မ်ားသည္ စစ္ေကာင္စီတပ္ ယူနီ ေဖာင္းမ်ားဝတ္ဆင္ကာ စစ္ေတြ အၿခီစိုက္ စစ္ေကာင္စီတပ္ ခမရ(၃၅၄) တပ္ရင္းမွ တပ္ဖြဲ႕ဝင္မ်ားနန႔္ပူးေပါင္းလ်က္ အဆိုပါနာဇီ႐ြာ စက္႐ုံစု ရပ္ကြက္မွ ရာအိမ္မႉး ျဖစ္သူ ဦးဦးဘေစာ၊ ေဒၚမၫြန႔္စိန္နန႔္ ကိုကလားေခ် ႐ို႕ကို ႐ိုက္ႏွက္ဖမ္းဆီးလားခသည့္အျပင္ ဦးတင္ထြန္း ဆိုသူ၏ နီအိမ္ကိုေလ့ အတင္း အဓမၼဝင္ေရာက္ၿပီး တအိမ္လုံးကိုမႊီေႏွာက္ရွာဖြီလားခပါသည္။
ရကၡိဳင္ျပည္ ၿမိဳ႕ေတာ္စစ္ေတြတြင္ ကုန္ခသည့္ ဩဂတ္စ္လ အစပိုင္းမွစ၍ ALP တပ္ဖြဲ႕ဝင္မ်ားသည္ စစ္ေကာင္စီတပ္နန႔္ပူးေပါင္းလ်က္ အျပစ္မဲ့အရပ္သား ျပည္သူမ်ားအား မတရားသျဖင့္ ဖမ္းဆီး႐ိုက္ႏွက္၊ ႏွိပ္စက္အႏိုင္က်င့္မႈမ်ား၊ လက္နက္အားကိုးျဖင့္ အာဏာျပ ၿခိမ္းေျခာက္ ေငြညႇစ္ မႈမ်ား ဆက္တိုက္ျပဳလုပ္လ်က္ဟိသကဲသို႔ စစ္ေတြၿမိဳ႕ရပ္ကြက္တခ်ိဳ႕တြင္ေလ့ တုတ္၊ ဓား ကိုယ္စီကိုင္ ေဆာင္လ်က္ ဝင္ေရာက္ ယမ္းကား ဆဲဆိုမႈမ်ား ျပဳလုပ္နီေၾကာင္း သတင္းမ်ား အဆက္မျပတ္ ထြက္ေပၚလ်က္ဟိသည္။
