APM ၊ စပ်တမ်ဘာ ၅ / ၂၀၂၃
ဆူဒန်နိုင်ငံတွင် စစ်တပ်နန့် အရံထောက်ပံ့ရီးတပ်ဖွဲ့ (RSF) ရို့ကြား ပဋိပက္ခများကြောင့် လူပေါင်း ၄.၈ သန်း အိုးအိမ်စွန့်ခွာ ထွက်ဗြီးနီရကြောင်း ကုလသမဂ္ဂ လူသားချင်းစာနာထောက်ထားမှုရီးရာညှိနှိုင်းရီးရုံး (OCHA) က စပ်တမ်ဘာ ၄ ရက်နိတွင် ပြောကြားသည်။
အဆိုပါထွက်ဗြီးစွန့်ခွာနီလူများထဲတွင် အချေ ၂ သန်းကျော် ပါဝင်ပြီး နယ်စပ်ဖြတ်ကျော်ကာ တခြားနိုင်ငံများသို့ ထွက်ဗြီးလားလူ ၁ သန်းကျော်ဟိနီသည်ဟု ဆိုသည်။
ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး (UNHCR) က ဆူဒန်နိုင်ငံတွင် ဖြစ်ပွားနီသည့် ပဋိပက္ခများကြောင့် လူပေါင်း ၁.၈ သန်းလောက်သည် အိမ်နီးချင်းနိုင်ငံ ၅နိုင်ငံသို့ ထွက်ဗြီးလာနိုင်ပြီး မဟိမဖြစ်လိုအပ်သည့် အကူအညီများပီးရန် အမေရိကန် ဒေါ်လာ ၁ဘီလီယံတောင်းခံထားသည်ဟု စပ်တမ်ဘာ ၄ရက်နိတွင် ထုတ်ပြန်သည်။
ဆူဒန်နိုင်ငံသည် ကုန်ခသည့် ဧပြီ ၁၅ ရက်နိကစ၍ ခါတွန်နန့် တခြားဒေသများတွင် စစ်တပ်နန့် RSF တပ်ဖွဲ့ရို့အကြား လက်နက်ကိုင် တိုက်ပွဲများ ပြင်းပြင်းထန်ထန်ဖြစ်ပွားနီရာ လူပေါင်း ၃၀၀၀ ကျော် သီဆုံးပြီး ၆၀၀၀ ကျော် ထိခိုက်ဒဏ်ရာရဟိခကြောင်း ဆူဒန် ကျန်းမာရီး ဝန်ကြီးဌာန၏ အချက်အလက်များ သိဟိရသည်။
Source – 4.8 mln people displaced by Sudan conflict: UN agency
Photo Reuters
