APM၊ စပ်တမ်ဘာ ၅ / ၂၀၂၃
ဆီဗီလာအသင်းသည် အသင်းကဇတ်သမားဟောင်း စပိန်ဝါရင့်နောက်ခံလူ ဆာဂျီယိုရာမို့စ်ကို အလွတ်ပြောင်း ရွှိကြေးဖြင့်ခေါ်ယူလိုက်ကြောင်း စပ်တမ်ဘာ ၄ ရက်နိတွင် တရားဝင်အတည်ပြုကြေညာသည်။
ဆီဗီလာအသင်းသည် ကုန်ခသည့်နွီရာသီက PSG အသင်းနန့် စာချုပ်သက်တမ်းကုန်ဆုံးကာ လက်ဟိတွင် အသင်း လက်မဲ့ဖြစ်နီသည့် ရာမို့စ်ကို တနှစ်သက်တမ်းဟိစာချုပ်ချုပ်ဆိုခပြီး၊ ယင်းစာချုပ်တွင် စာချုပ်သက်တမ်း ၁ နှစ် ထပ်တိုးခွင့်ပါဟိသည်။
ကျနော့်အသင်းဟောင်းဖြစ်တေ ဆီဗီလာအသင်းနန့် တတူပြန်ကဇတ်ခွင့်ရလို့ ဝမ်းသာပါရေ။ ဆီဗီလာကွင်းထဲမှာ အားလုံးနန့် ပြန်တွိဖို့မျှော်လင့်နီပါရေ။ ကျနော့်အတွိအကြုံတိနန့် အသင်းအတွက် အကောင်းဆုံးကြိုးစားပီးလားပါဖို့ ဟု ရာမို့စ် က စာချုပ် ချုပ်ဆိုအပြီးတွင်ပြောကြားခသည်။
ရာမို့စ်သည် ၂၀၀၃ မှ ၂၀၀၆ ခုနှစ်အထိ ဆီဗီလာအသင်းတွင်ကဇတ်ခပြီး၊ ဆီဗီလာအသင်းမှတဆင့် ရီးရဲသို့ ပြောင်းရွှိ ကဇတ်ခကာ ရီးရဲအသင်းနန့်တတူ စပိန်လာလီဂါ (၅) ကြိမ်၊ ချန်ပီယံလိဂ်ဖလား (၄) ကြိမ် နန့် UEFA စူပါဖလား (၃) ကြိမ်တိုင်တိုင် ဆွတ်ခူးနိုင်ခသည်။
အသက် ၃၇ နှစ်အရွယ် ဆာဂျီယိုရာမို့စ်သည် ကုန်ခသည့် ၂၀၂၁ ခုနှစ်တွင် ရီးရဲမက်ဒရစ်အသင်းမှ PSG အသင်းသို့ရောက်ဟိ လာကာ အသင်းတွင် ၅၈ ပွဲကဇတ်ရာ ၆ ဂိုးသွင်းယူခပြီး အသင်းအား ပြင်သစ်လီဂူးဝမ်းဖလား ဆွတ်ခူးနိုင်အောင် ကူညီပီးခသည်။
Source Spanish defender Sergio Ramos returns to boyhood club Sevilla
Photo Anadolu Sjansi
