APM၊ စပ်တမ်ဘာ ၅ /၂၀၂၃
မြေပုံမြို့နယ်၊ ကမ်းထောင်းကြီး စစ်ဖီးယှောင်စခန်းတွင် ဆန်အပါအဝင် စားနက်ရိက္ခာအခက်အခဲများဖြင့် ရင်ဆိုင်နီရ၍ စခန်းဟိစစ်ဖီးယှောင်များမှာ ကြုံရာကျဘမ်းအလုပ်များ ဝင်လုပ်ကာ စားဝတ်နီရီးအတွက် ရုန်းကန်နီကတ်ရကြောင်း သိရသည်။
ယင်းစစ်ဖီးယှောင်စခန်းသို့ အရေးပေါ်အကူအညီများ လာရောက်ပီးအပ်သည်မှာ မဟိသလောက်နည်းပါးသည့်အပြင် အဓိကအားဖြင့် ဆန်မရသည်မှာ လက်ဟိ ၇ လနီပါးကြာမြင့်နီယာဟု စစ်ဖီးယှောင်များက ပြောသည်။
ယင်းအပြင် အလုပ်အကိုင်ယှားပါးခြင်း၊ ကုန်ဈီးနှုန်းများ အဆမတန်ထိုးတက်နီခြင်းကြောင့် စစ်ဖီးယှောင်များမှ တရက် ဝင်ငွေနန့် စားစရိတ်မှာ မလုံလောက်ဖြစ်နီ၍ အခက်အခဲပေါင်းစုံနန့် ရင်ဆိုင်နီရသည်ဟု ဆိုသည်။
အဆိုပါစခန်းဟိ မသန်စွမ်းသူများ နန့် သက်ကြီးပိုင်းအရွယ်များတွင်လည်း ကျန်းမာရီးစောင့်ယှောက်မှုမှာ လုံးဝမရဖြစ်နီပြီး နီမကောင်း ၍ ဆီးခန်းပြရန်ပင် ငွေကြေးမတတ်နိုင်၍ အခက်ကြုံနီကတ်ရသည်ဟု သည်။
ကမ်းထောင်းကြီး စစ်ဖီးယှောင်စခန်း၌ အိမ်ထောင်စု ၂ဝ၂ စုနန့် လူဦးရေ ၆၈၂ ယောက် ခိုလှုံလျက်ဟိကြောင်းသိဟိရသည်။
