APM ၊ စပ်တမ်ဘာ ၅ /၂၀၂၃
ရန်ကုန်မြို့၊ လှိုင်သာယာမြိုနယ်တွင် စပ်တမ်ဘာလ ၄ ရက်နိက အသက် ၉ နှစ်အရွယ် အချေတယောက်အပါအဝင် မိသားစု ၃ ယောက်ကို လူတစုက နီအိမ်အတွင်းဝင်ရောက်ကာ ဓားနန့် ထိုးခွတ်ကာ သတ်ဖြတ်လားကြောင်း သိရသည်။
သီဆုံးခသည့် မိသားစုဝင်များမှာ လှိုင်သာယာအနောက်ပိုင်းမြို့နယ်၊အမှတ် ၁၈ ရပ်ကွက်မှ အသက် ၅၉ နှစ် အရွယ် ဦးဌေးလွင် ၊ ဒေါ်စုလှိုင်ဝင်း နန့် အသက် ၉ နှစ်အရွယ်ဟိ မောင်ဖြိုးမြတ်ကိုကို ရို့ဖြစ်ကြောင်း သိရသည်။
အဆိုပါအမှုသည် စပ်တမ်ဘာ ၄ ရက်နိ၊ နိခင်း ၁ နာရီအချိန်လောက်ကဖြစ်ပွားခခြင်းဖြစ်ပြီး မိသားစုဝင် ၃ ယောက်စလုံး သီဆုံးခသည်ဟု ဒေသခံများက ပြောသည်။
သတ်ဖြတ်ခံရသည့် မိသားစုသည် ငွေတိုးချီးငှားခြင်းအလုပ်ကို လုပ်ကိုင်ပြီး ပစ္စည်းတချို့နန့် ငွေသားများလည်း ပျောက်ဆုံးနီ သည့်အတွက် ဓားပြတိုက်ခံရကာ သတ်ဖြတ်ခံရခြင်းဖြစ်နိုင်သည်ဟုဆိုသည်။
လူသတ်မှုဖြစ်ပွားခပြီးနောက် စစ်ကောင်စီ၏ ရဲတပ်ဖွဲ့ဝင်များရောက်လာပြီး စုံစမ်းစစ်ဆီးမှုတချို့ပြုလုပ်နီကေလေ့ တရားခံများမှာ ထွက်ဗြီးလွတ်မြောက်နီကြောင်း သိဟိရသည်။
Photo – Facebook
