APM၊ ဩဂတ်စ် ၅/ ၂၀၂၃
ဘင်္ဂလားဒေ့ချ်နိုင်ငံတွင် သွီးလွန်တုပ်ကွေးရောဂါကြောင့် ဒေနိ(ဩဂတ်စ် ၅ရက်)နိအထိ သီဆုံးသူ ၃၀၀ကျော်ဟိလာကြောင်း ဘင်္ဂလားဒေ့ချ် ကျန်းမာရီးဝန်ဆောင်မှုများ ညွှန်ကြားမှုဦးစီးဌာန (DGHS)၏ ထုတ်ပြန်ချက်အရ သိရသည်။
အဆိုပါထုတ်ပြန်ချက်တွင် ဩဂတ်စ် ၄ ရက်နိမှ ၅ ရက်အထိ တရက်အတွင်း သွီးလွန်တုပ်ကွေးကြောင့် လူ ၁၀ ယောက် ထပ်မံသီဆုံးခရာ နိုင်ငံတဝန်း သွီးလွန်တုပ်ကွေးကြောင့် သီဆုံးလူ စုစုပေါင်း ၃၀၃ ယောက်အထိဟိသည်ဟု ဆိုသည်။
ယင်းအပြင် ဩဂတ်စ် ၄ ရက်နိမှ ၅ ရက်နျအထိ တရက်အတွင်း ဘင်္ဂလားဒေ့ချ်နိုင်ငံတဝန်းဟိ ဆီးရုံများတွင် သွီးလွန်တုပ် ကွေးဖြစ်ပွားသူလူနာသစ် ၂,၄၉၅ ယောက် ထပ်မံရောက်ဟိခပြီး သွီးလွန်တုပ်ကွေးဖြစ်ပွားမှုသည် အဟိန်မြင့်လာကြောင်း လေ့ ထုတ်ပြန်ချက်တွင် ဖော်ပြထားသည်။
လူနာသစ်များထဲမှ လူနာ ၁,၀၆၉ ယောက်ကို ဒါကာမြို့ဟိ ဆီးရုံများသို့ ပို့ဆောင်ထားပြီး တခြား ၁,၃၂၆ယောက်ကို နိုင်ငံတ ဝန်း ဆီးရုံများသို့ ဆီးကုသမှုခံယူရန် ပို့ဆောင်ထားခြင်းဖြစ်သည်။
လက်ဟိတွင် မြို့တော်ဒါကာမှ သွီးလွန်တုပ်ကွေးလူနာပေါင်း ၄,၆၈၀ အပါအဝင် နိုင်ငံတဝန်း သွီးလွန်တုပ်ကွေးဖြစ်ပွားနီသူ စုစုပေါင်း ၉,၃၃၄ ယောက်ဟိပြီး အစိုးရနန့် အစိုးရမဟုတ်သော ဆီးရုံများတွင် ဆီးကုသမှုခံယူနီလျက်ဟိသည်ဟု ဆိုသည်။
ယင်းကြောင့် လက်ဟိအချိန်အထိ ဘင်္ဂလားဒေ့ချ်နိုင်ငံတွင် သွီးလွန်တုပ်ကွေးဖြစ်ပွားသူ ၆၃,၉၆၈ ယောက်နန့် ပြန်လည် ကောင်းမွန်လာသူ ၅၄,၃၃၁ ယောက်ဟိကြောင်း DGHS ၏ အချက်အလက်များအရ သိဟိရသည်။
Source – Dengue death toll surpasses 300/ Dhaka Tribune
Photo – Prothom Alo
