APM ၊ သြဂတ်စ် ၅/၂၀၂၃
ဒေနိ(ဩဂတ်စ် ၅ ရက်နိ)နိခင်းတွင် ကျောက်တော်မြို့နယ်၊ ညောင်ချောင်းစစ်ဖီးယှောင်းစခန်း၌ လူနီဆောင်များအားလုံး ရီနစ်မြုပ်လားသဖြင့် ရက္ခိုင်အမျိုးသားအဖွဲ့ချုပ်/ရက္ခိုင့်တပ်တော် ULA/AA တပ်ဖွဲ့ဝင်များက စစ်ဖီးယှောင်များကို ရီဖီးလွတ်ကင်းရာနီရာများသို့ ကူညီပို့ဆောင်ပီးခကြောင်း သိရသည်။
ပြင်းထန်သောမိုးရွာသွန်းမှုကြောင့်ညောင်ချောင်းစစ်ဖီးယှောင်စခန်းတွင်ဩဂတ်စ် ၄ ရက်နိညည့်ပိုင်းမှစ၍ စခန်းတွင်းသို့ ရီများဝင်ရောက်ရာမှ ဒေနိတွင် ရီ ၆ ပေလောက်အထိ မြင့်တက်လာပြီး စခန်းတခုလုံး နစ်မြုပ်လားခသည်။
ယေဇူးနန့် စခန်းဟိ စစ်ဖီးယှောင်မျာအား လုံးကို ULA/AA တပ်ဖွဲ့ဝင်များက ရီဖီးကင်းလွတ်ရာနီရာများသို့ ကူညီပို့ဆောင်ပီးခခြင်းဖြစ်သည်။
ညောင်ချောင်းစစ်ဖီးယှောင်စခန်း၌ အိမ်ထောင်စု ၆၉၇ စုနန့် လူဦးရေ ၂၉၆၆ ယောက် ခိုလှုံလျက်ဟိသည်။
ကျောက်တော်မြို့နယ် နည်းတူ ရက္ခိုင်ပြည်တွင် ဩဂတ်စ် ၁ ရက်နိမှ လက်ဟိအချိန်ထိ မိုးများ အဆက်မပြတ်ရွာသွန်းနီ၍မြို့နယ်အများစု၌ ရီကြီး၊ရီလျှံမှုများဖြစ်ပွားလျက်ဟိကြောင်း သိရသည်။
