APM ၊ မေ ၅ / ၂၀၂၄
မေ ၄ ရက်နိ၊ ညဇာမာ အကြမ်းဖက်စစ်ကောင်စီက ရည်ရွယ်ချက်ဟိဟိ သီနတ်နန့် ပစ်သတ်လို့ မောင်တောမြို့နယ်က စစ်ဖီးယှောင်ပြည်သူတယောက် ဂွင်ချင်းသီဆုံးလားရေလို့ သိရပါရေ။
သီဆုံးလားခလူမာ မောင်တောမြို့၊ (၄)မိုင်ရပ်ကွက်၊ မကျည်းကုန်း(ရက္ခိုင်)ရွာမာ စစ်ဖီးယှောင်နီရေ မောင်တောမြို့နယ်၊ နွားရုံတောင်အုပ်စု၊ အောင်ဇေယျ(ရခိုင်)ရွာက ဦးကျော်သိန်း(၅၂နှစ်)ဖြစ်ပါရေ။
ဦးကျော်သိန်းစွာ မေ ၄ ရက်နိ၊ ညဇာ ၃ နာရီလောက်က (၄)မိုင်ဈီးမာ ဈီးဝယ်လားချိန် ယင်း(၄)မိုင်ရပ်ကွက်အတွင်း တပ်စွဲထားရေ အကြမ်းဖက်စစ်ကောင်စီ၏ နခခ(၂)တပ်ရင်းကနီ သီနတ်နန့် တသီတမင် ပစ်သတ်ခစွာလို့ မျက်မြင်ဒေသခံတိကပြောပါရေ။
ယင်းသို့အကြမ်းဖက်စစ်ကောင်စီက ရက်ရက်စက်စက် သီနတ်နန့်ပစ်သတ်ခလို့ ဦးကျော်သိန်းစွာ နီရာမာပင် ဂွင်းချင်းသီဆုံးလားရေလို့ သိရပါရေ။
Please follow and like us:
