APM ၊ မေ ၅ / ၂၀၂၃
နယူးကာဆယ်အသင်းတွင် ချယ်ယာအများဆုံးပိုင်ဆိုင်သည့် PIF ခေါ် ဆော်ဒီပြည်သူ့ရင်းနှီးမြှပ်နှံမှုရန်ပုံငွေအဖွဲ့မှ တာဝန် ဟိသူများသည် PSGတိုက်စစ်မှူး နေမာကို ပရီးမီးယားလိဂ်သို့ခေါ်ဆောင်ရန် စီစဥ်နီကြောင်းသိရသည်။
90 mins ဖော်ပြချက်အရ PIF အနီနန့် နေမာကို ဒေဂုနွီရာသီ၌ အရခေါ်ယူချင်နီပြီး လက်ဟိချန်ပီယံလိဂ်ဝင်ခွင့် ရထားသည့် အခြေအနေတရပ်ကြောင့်လေ့ သူ့ကိုလိုချင်နီသည်ဟု ဆိုကတ်သည်။
ယင်းအပြင် နယူးကာဆယ်တွင် နေမာ၏ နိုင်ငံအသင်းဖော်များဖြစ်သည့် ဘရာဇီးကဇတ်သမား ဂျိုလင်တန်နန့် ဘရူနို ဂီမာ ရက်စ် ရို့ ဟိနီသည့်အတွက်လေ့ နေမာ၏ အရည်အသွီး ဆက်လက်မြင့်မားကာ အသင်းအတွက် အံဝင်ဂွင်ကျ ဖြစ်မည်ဟု ယုံကြည်နီကတ်သည်။
ပြီးခသည့် ၂၀၁၇ က ဘာစီလိုအသင်းကနီ ကမ္ဘာ့စံချိန်တင်ပြောင်းရွှိကြေးယူရို ၂၂၂ သန်းဖြင့် PSG သို့ရောက်လာသည့် နေမာသည် PSG နန့် စာချုပ်တနှစ်ထပ်တိုးခွင့်နန့် နှစ်နှစ်ကျန်နီသိမ့်ပြီး PSG ဖက်ကတော့ လာဖို့ရာသီမတိုင်ခင် သူနန့် လမ်းခွဲချင်နီသည်ဟု 90 mins က ဆိုသည်။
လက်ဟိ ဒဏ်ရာပြသနာကြောင့် အနားယူနီသည့် အသက် ၃၁ နှစ်အရွယ် နေမာကို PSG ပရိသတ်များက အသင်းမှ ထွက်ခွာ လားရန် နေမာ၏အိမ်အပြင်ဖက်၌ ဒေရက်ပိုင်း စုဝေးဆန္ဒပြခကတ်သည်ဟု သိရသည်။
Source- Newcastle’s owners plan to bring Neymar to the Premier League
Photo-Chronicle Live
