APM ၊ မေ ၅ / ၂၀၂၃
ရဝမ်ဒါနိုင်ငံမှာ ဧပြီလ နောက်ဆုံးအပတ်မှစ၍ မိုးကြီးပြီးရီကြီးမြီပြို၍သီဆုံးလူ ၁၂၉ယောက်အထိဟိလာကြောင်း ရဝမ်ဒါ အသံလွှင့် အေဂျင်စီက ထုတ်ပြန်သည်။
နောက်ထပ်လေ့ သီဆုံးလူအရေအတွက် မြင့်တက်လာနိုင်သည်ဟု အေဂျင်စီက ဆိုသည်။
နောက်ထပ်ရီကြီးလာနိုင်၍အန္တရာယ်များသည့် နီရာများ၌ နီထိုင်ကတ်သည့်ပြည်သူများအား ဖီးလွတ်ရာနီရာများသို့ ရွှိပြောင်းပီးရန် အေဂျင်စီမှ အစိုးရကို တိုက်တွန်းထား သည်။
မှတ်တမ်းများအရ ဒေဂုသီဆုံးမှုများသည် နိုင်ငံအတွင်း သဘာဝဖီးအန္တရာယ်ကြောင့် သီဆုံးမှုအမြင့်ဆံ့းဟု New Times သတင်းစာက ဖော်ပြသည်။
ရဝမ်ဒါမှာ ပြီးခသည့် ဂျန်နဝါရီမှ ဧပြီလအထိ ရာသီဥတုနန့်ဆက်နွှယ်သည့် ဖီးအန္တရာယ်ကြောင့် လူ ၆၀ ယောက် ထက်မနည်း သီဆုံးခပြီး နိုင်ငံတဝန်း အိမ်ပေါင်း ၁,၂၀၅ ဆောင်နန့်မြီဧက ၅,၀၀၀ခန့်ပျက်စီးခကြောင်း သိရသည်။
Source – Number of dead ‘continues to rise’ after 129 killed due to torrential rainfall in Rwanda
Photo – AP
