APM ၊ မေ ၅ / ၂၀၂၃
ပီအက်စ်ဂျီအသင်းနည်းပြ ခရစ္စတိုဖီ ဂယ်တီယာက လီယွန်နယ်မက်ဆီအား ပွဲကဇတ်ခွင့် ၂ ပတ်ပတ်တိတိ ဆိုင်းငံ့ထားရန် ဆုံးဖြတ်ချက်သည် ကလပ်၏ဆုံးဖြတ်ချက်ဖြစ်သည့်အတွက် ၎င်းနန့်တခုလေ့မသက်ဆိုင်ကြောင်း နေမာ၏အိမ်အပြင်ဖက် တွင် ဆန္ဒပြမှုများ ပြုလုပ်ခသည့် အသင်းပရိသတ်များကိုလေ့ ရှုံ့ချကြောင်း ဒေနိ(မေလ ၅ ရက်နိ) ယှင်းလင်းပြောကြားသည်။
မက်ဆီသည် ပြီးခသည့်ရက်ပိုင်းက ကလပ်အားအသိမပီးဘဲ ဆော်ဒီအာရေးဗီးယားနိုင်ငံသို့ မိသားစုနန့်တတူ ခရီးထွက်လား ခသည့် အတွက် ကလပ်မှ ၂ ပတ်တိတိ ပွဲကဇတ်ခွင့်ပိတ်ပင်ခကြောင်း ပြင်သစ်မီဒီယာများကဖော်ပြခသည်။
နည်းပြ ဂယ်တီယာက “မက်ဆီကို ဆိုင်းငံ့ဖို့ ဆုံးဖြတ်ချက်ချမှုနန့်ပတ်သက်လို့ ဘုတ်အဖွဲ့က အသိပီးလာပါရေ။ဒေဆုံးဖြတ် ချက်က ကျွန်တော်နန့် မသက်ဆိုင်ပါ။ မက်ဆီကို ဆိုင်ငံ့လိုက်စွာက ကလပ်အတွက် အကျိုးမဟိပါ” ဟု မေ ၇ ရက်နိ ထရွိုင် အသင်းနန့် ကဇတ်မည့် ပွဲကြိုသတင်းစာယှင်းလင်းပွဲတွင် ပြောကြားခသည်။
ယင်းအပြင် ပြီးခသည့်မာ့ချ်လကပင် ခြီကျင်းဝတ်ခွဲစိတ်မှုခံယူပြီးနောက် ရာသီကုန်အထိ အနားယူနီရသည့် တိုက်စစ်မှူး နေ မာ၏ အိမ်အပြင်ဖက်တွင် ဒေရက်ပိုင်းတွင်း အသင်းပရိသတ်များက သူ့ကိုထွက်ခွာဖို့ အော်ဟစ်ဆန္ဒပြခကတ်ကြောင်းသိရ သည်။
အဆိုပါကိစ္စနန့်ပတ်သက်၍ ပီအက်စ်ဂျီနည်းပြ ဂယ်တီယာက “ အသင်းကဇတ်သမားတယောက် အိမ်အပြင်ဖက်မှာ ဆန္ ဒပြရေလုပ်ရပ်တိကို ကျနော်လက်မခံပါ။ နေမာ အိမ်ဖြစ်ဖြစ် တခြားဇာကဇတ်သမား အိမ်ဖြစ်ဖြစ် ယင်းလုပ်ရပ်ကို ကျ နော်ရှုံ့ချပါရေ။ ပရိသတ်တိ၏ ဒေါသ၊ စိတ်ပျက်မှုတိကိုနားလည်ပီးနိုင်ပါရေ။ သူရို့ပြချင်ကေ ပီအက်စ်ဂျီ လိကျင့်ရီးကွင်း၊ ရုံးတခုခု၊ ယင်းပိုင်မဟုတ်ကေ ဘောလုံးကွင်းထဲမှာဖြစ်ဖြစ် ဆန္ဒပြနိုင်ပါရေ” ဟု ဆိုသည်။
ပီအက်စ်ဂျီသည် လက်ဟိပြင်သစ်လီဂူးဝမ်းတွင် ဒုတိယနီရာမှ မာဆေးလ်အသင်းနန့် ၅ မှတ်ကွာ၊ ရမှတ် ၇၅ မှတ်ဖြင့် ဇယား ကိုဉီးဆောင်နီပြီး လက်ကျန်ပွဲအဖြစ် ၅ ပွဲယှဥ်ပြိုင်ကဇတ်ရန်ကျန်ဟိကြောင်းသိရသည်။
Source – Paris St Germain manager Christophe Galtier said he had nothing to do with the club’s decision to suspend Lionel Messi while he also condemned the Ligue 1 side’s fans for staging protests outside Neymar’s house.
Photo – Reuters
