APM၊ အောက်တိုဘာ ၅/၂၀၂၂
ရသေ့တောင်မြို့နယ်တွင် ဒေနိ အောက်တိုဘာ ၅ ရက်နိ၊ မိုးထပိုင်းကစလို့ တိုက်ပွဲဖြစ်ပွားခြင်း(လုံးဝ)မဟိဘဲ စစ်ကောင်စီတပ်သည် ဂျက်ဖိုက်တာလီယာဉ်တစီးဖြင့် လူနီရပ်ရွာများကို ပစ်ခတ်တိုက်ခိုက်နီပြီး၊ တချိန်တည်းမှာ မြီပြင်ဟိ စစ်ကောင်စီ တပ်စခန်းများမှလေ့ လက်နက်ကြီးများဖြင့် တရစပ် ဆက်တိုက် ပစ်ခတ်နီကြောင်း သိရသည်။
ဒေနိမိုးထ ၁၀ နာရီခန့်က စစ်ကောင်စီတပ်သည် ဂျက်ဖိုက်တာတစီးဖြင့် ရသေ့တောင်မြို့နယ်-မညှင်းတောင်ရွာ၊ သမီးလှရွာသစ်နန့် ကုန်တန်းရွာများ အနီးတဝိုက်သို့ ပစ်ခတ်တိုက်ခိုက်ခသည်ဟု ဒေသခံများက ဆိုသည်။
“ဒေနိမိုးထပိုင်းက ဂျက်တစီးနန့် လာလို့ပစ်တေ။ မညှင်းတောင်ရွာအောက်က တောကျောင်းကို ပစ်ပါရေ။ ပြီးကေ ကုလားချောင်းနန့် ရက်ခုန်တိုင်နားတိကိုလေ့ ပစ်တေ”ဟု ဒေသခံရွာသားတယောက်က APM သို့ ပြောကြားသည်။
လက်ဟိအခြေအနေအရ ရသေ့တောင်မြို့နယ်တွင် ရက္ခိုင့်တပ်တော် AAနန့် စစ်ကောင်စီတပ်ရို့ စစ်ရီးတင်းမာနီကေလေ့ တိုက်ပွဲ ဖြစ်ပွားမှု လုံးဝမဟိဘဲ ဂျက်ဖိုက်တာနန့် လာရောက်ပစ်ခတ်နီခြင်းဖြစ်သည်ဟု သူက ဆိုသည်။
ယင်းအပြင် ဒေနိ မိုးထ ၇ နာရီခန့်မှစ၍ စစ်ကောင်စီတပ်၏ ရီစိုးချောင်းဗျူဟာနန့် မညှင်းတောင်တပ်စခန်းများမှ သမီးလှရွာသစ်၊ ကုန်တန်းရွာ၊ ရီမျက်ရွာ၊ ရီပုတ်ရွာ၊ အောင်မြီကုန်းနန့် ဆောက်ခတ်ရွာများသို့ လက်နက်ကြီးများဖြင့် ရည်ရွယ်ချက်ဟိဟိ ပစ်ခတ်နီ ကြောင်းလေ့ ဒေသခံရွာသားများက ပြောသည်။
စစ်ကောင်စီတပ်မှ ရပ်ရွာများသို့ လက်နက်ကြီးပစ်ခတ်မှုနန့်ပတ်သက်၍ မညှင်းတောင်ရွာသားတယောက်က”ရီစိုးချောင်းဗျူဟာကနီ မိုးထက ၃ လုံးပစ်ခရေ။ တနားချေကလေ့ ၂ လုံးပစ်တေ။ ကျနော်ရို့ မညှင်းတောင်ကတော့ခါ လက်နက်ကြီးပါ၊ လက်နက်ချေပါ ရွီမရ ယာ။ ရွာနားတိမှာ ကျပါရေ”ဟု ဆိုသည်။
ယင်းသို့ စစ်ကောင်စီတပ်၏ ရည်ရွယ်ချက်ဟိဟိ ပစ်ခတ်မှုများကြောင့် ရသေ့တောင်မြို့နယ်၊ မောင်ဖြူရွာမှ ဒေသခံတယောက် လက်နက်ကြီးကျည်စထိမှန်ပြီး လက်မောင်းဒဏ်ရာရဟိလားခသည်ဟု ဆိုသည်။
ယင်းသို့ စစ်ကောင်စီ၏လူမဆန်စွာ ပစ်ခတ်မှုများကြောင့် ဒေသခံများ စိုးရိမ်ထိတ်လန့်နီရပြီး ရပ်ရွာများကိုစွန့်ခွာ၍ ရွာလုံးကျွတ်နီးပါး တိမ်းယှောင်နီကတ်ရကြောင်းလေ့ သိရသည်။
အောက်တိုဘာ ၄ ရက်နိ၊ မိုးထကလေ့ ရသေ့တောင်အခြီစိုက် စစ်ကောင်စီတပ် ရီစိုးချောင်းဗျုဟာမှ လက်နက်ကြီး၊ လက်နက်ငယ် များဖြင့် တရစပ် ပစ်ခတ်တိုက်မှုကြောင့် အနီးအနားရွာများဖြစ်သည့် အောင်ဇေယျ၊ သမီးလှရွာသစ်၊ ရွာဟောင်း၊ ကုန်းတန်း အစဟိ သည့် ရပ်ရွာများအနားတွင် ကျရောက်ပေါက်ကွဲခပြီး၊ ယင်းလက်နက်ကြီးပစ်ခတ်မှုကြောင့် ရီမျက်ရွာမှ နွားတကောင်သီဆုံးခ သည်ဟု ဒေသခံများက ပြောပါသည်။
အလားတူ ဩဂတ်စ် ၃၀ ရက်နိကလေ့ ခမရ (၂၀၂) မညှင်းတောင်တပ်စခန်းမှပင် လက်နက်ကြီး၊ လက်နက် ငယ်များဖြင့် အနီး အနားရွာများသို့ပစ်ခတ်တိုက်ခရာ၊ ၎င်းပတ်ဝန်းကျင်ဟိ ရွာပေါင်း ၉ ရွာမှ ဒေသခံပြည်သူ ၅၀၀၀ ကျော်ခန့် ဖီးလွတ်ရာသို့ တိမ်းယှောင် ခကတ်ရသည်။
လက်ဟိ ရက္ခိုင်ပြည်တွင် ရက္ခိုင့်တပ်တော် AA နန့် စစ်ကောင်စီတပ်ရို့ စစ်ရီးတင်းမာမှုများ မြင့်တက်နီသည့်အပြင် တိုက်ပွဲများလေ့ ပြင်းပြင်းထန်ထန်ဖြစ်ပွားလျက်ဟိပြီး၊ စစ်ကောင်စီတပ်က အပြစ်မဲ့အရပ်သားပြည်သူများကို ဖမ်းဆီးသတ်ဖြတ်ခြင်း၊ လူသားဒိုင်းကာ အဖြစ်အသုံးပြုခြင်း၊ တိုက်ပွဲနန့် မသက်ဆိုင်သည့် လူနီရပ်ရွာများကို လက်နက်ကြီးလက်နက်ငယ်များ၊ စစ်ရဟတ်ယာဉ်၊ ဂျက်တိုက် လီယာဉ်များဖြင့် ဗုံးကြဲတိုက်ခိုက်ခြင်း၊ မီးတိုက်ဖျက်ဆီးခြင်းများကို ဆက်တိုက် လုပ်ဆောင်လျက်ဟိကြောင်း သိဟိရပါသည်။
(Zawgyi)
ရေသ့ေတာင္မွာ စစ္ေကာင္စီတပ္က ဂ်က္ဖိုက္တာ လီယာဥ္တစီးျဖင့္ ရပ္႐ြာမ်ားကို ပစ္ခတ္တိုက္ခိုက္နီ၊ တပ္စခန္းမ်ားမွေလ့ လက္နက္ႀကီးမ်ားျဖင့္ တရစပ္ ပစ္ခတ္နီ
APM၊ ေအာက္တိုဘာ ၅/၂၀၂၂
ရေသ့ေတာင္ၿမိဳ႕နယ္တြင္ ေဒနိ ေအာက္တိုဘာ ၅ ရက္နိ၊ မိုးထပိုင္းကစလို႔ တိုက္ပြဲျဖစ္ပြားျခင္း(လုံးဝ)မဟိဘဲ စစ္ေကာင္စီတပ္သည္ ဂ်က္ဖိုက္တာလီယာဥ္တစီးျဖင့္ လူနီရပ္႐ြာမ်ားကို ပစ္ခတ္တိုက္ခိုက္နီၿပီး၊ တခ်ိန္တည္းမွာ ၿမီျပင္ဟိ စစ္ေကာင္စီ တပ္စခန္းမ်ားမွေလ့ လက္နက္ႀကီးမ်ားျဖင့္ တရစပ္ ဆက္တိုက္ ပစ္ခတ္နီေၾကာင္း သိရသည္။
ေဒနိမိုးထ ၁၀ နာရီခန္႔က စစ္ေကာင္စီတပ္သည္ ဂ်က္ဖိုက္တာတစီးျဖင့္ ရေသ့ေတာင္ၿမိဳ႕နယ္-မညႇင္းေတာင္႐ြာ၊ သမီးလွ႐ြာသစ္နန္႔ ကုန္တန္း႐ြာမ်ား အနီးတဝိုက္သို႔ ပစ္ခတ္တိုက္ခိုက္ခသည္ဟု ေဒသခံမ်ားက ဆိုသည္။
“ေဒနိမိုးထပိုင္းက ဂ်က္တစီးနန႔္ လာလို႔ပစ္ေတ။ မညႇင္းေတာင္႐ြာေအာက္က ေတာေက်ာင္းကို ပစ္ပါေရ။ ၿပီးေက ကုလားေခ်ာင္းနန္႔ ရက္ခုန္တိုင္နားတိကိုေလ့ ပစ္ေတ”ဟု ေဒသခံ႐ြာသားတေယာက္က APM သို႔ ေျပာၾကားသည္။
လက္ဟိအေျခအေနအရ ရေသ့ေတာင္ၿမိဳ႕နယ္တြင္ ရကၡိဳင့္တပ္ေတာ္ AAနန္႔ စစ္ေကာင္စီတပ္႐ို႕ စစ္ရီးတင္းမာနီေကေလ့ တိုက္ပြဲ ျဖစ္ပြားမႈ လုံးဝမဟိဘဲ ဂ်က္ဖိုက္တာနန႔္ လာေရာက္ပစ္ခတ္နီျခင္းျဖစ္သည္ဟု သူက ဆိုသည္။
ယင္းအျပင္ ေဒနိ မိုးထ ၇ နာရီခန္႔မွစ၍ စစ္ေကာင္စီတပ္၏ ရီစိုးေခ်ာင္းဗ်ဴဟာနန္႔ မညႇင္းေတာင္တပ္စခန္းမ်ားမွ သမီးလွ႐ြာသစ္၊ ကုန္တန္း႐ြာ၊ ရီမ်က္႐ြာ၊ ရီပုတ္႐ြာ၊ ေအာင္ၿမီကုန္းနန္႔ ေဆာက္ခတ္႐ြာမ်ားသို႔ လက္နက္ႀကီးမ်ားျဖင့္ ရည္႐ြယ္ခ်က္ဟိဟိ ပစ္ခတ္နီ ေၾကာင္းေလ့ ေဒသခံ႐ြာသားမ်ားက ေျပာသည္။
စစ္ေကာင္စီတပ္မွ ရပ္႐ြာမ်ားသို႔ လက္နက္ႀကီးပစ္ခတ္မႈနန႔္ပတ္သက္၍ မညႇင္းေတာင္႐ြာသားတေယာက္က”ရီစိုးေခ်ာင္းဗ်ဴဟာကနီ မိုးထက ၃ လုံးပစ္ခေရ။ တနားေခ်ကေလ့ ၂ လုံးပစ္ေတ။ က်ေနာ္႐ို႕ မညႇင္းေတာင္ကေတာ့ခါ လက္နက္ႀကီးပါ၊ လက္နက္ေခ်ပါ ႐ြီမရ ယာ။ ႐ြာနားတိမွာ က်ပါေရ”ဟု ဆိုသည္။
ယင္းသို႔ စစ္ေကာင္စီတပ္၏ ရည္႐ြယ္ခ်က္ဟိဟိ ပစ္ခတ္မႈမ်ားေၾကာင့္ ရေသ့ေတာင္ၿမိဳ႕နယ္၊ ေမာင္ျဖဴ႐ြာမွ ေဒသခံတေယာက္ လက္နက္ႀကီးက်ည္စထိမွန္ၿပီး လက္ေမာင္းဒဏ္ရာရဟိလားခသည္ဟု ဆိုသည္။
ယင္းသို႔ စစ္ေကာင္စီ၏လူမဆန္စြာ ပစ္ခတ္မႈမ်ားေၾကာင့္ ေဒသခံမ်ား စိုးရိမ္ထိတ္လန္႔နီရၿပီး ရပ္႐ြာမ်ားကိုစြန႔္ခြာ၍ ႐ြာလုံးကြၽတ္နီးပါး တိမ္းေယွာင္နီကတ္ရေၾကာင္းေလ့ သိရသည္။
ေအာက္တိုဘာ ၄ ရက္နိ၊ မိုးထကေလ့ ရေသ့ေတာင္အၿခီစိုက္ စစ္ေကာင္စီတပ္ ရီစိုးေခ်ာင္းဗ်ဳဟာမွ လက္နက္ႀကီး၊ လက္နက္ငယ္ မ်ားျဖင့္ တရစပ္ ပစ္ခတ္တိုက္မႈေၾကာင့္ အနီးအနား႐ြာမ်ားျဖစ္သည့္ ေအာင္ေဇယ်၊ သမီးလွ႐ြာသစ္၊ ႐ြာေဟာင္း၊ ကုန္းတန္း အစဟိ သည့္ ရပ္႐ြာမ်ားအနားတြင္ က်ေရာက္ေပါက္ကြဲခၿပီး၊ ယင္းလက္နက္ႀကီးပစ္ခတ္မႈေၾကာင့္ ရီမ်က္႐ြာမွ ႏြားတေကာင္သီဆုံးခ သည္ဟု ေဒသခံမ်ားက ေျပာပါသည္။
အလားတူ ဩဂတ္စ္ ၃၀ ရက္နိကေလ့ ခမရ (၂၀၂) မညႇင္းေတာင္တပ္စခန္းမွပင္ လက္နက္ႀကီး၊ လက္နက္ ငယ္မ်ားျဖင့္ အနီး အနား႐ြာမ်ားသို႔ပစ္ခတ္တိုက္ခရာ၊ ၎ပတ္ဝန္းက်င္ဟိ ႐ြာေပါင္း ၉ ႐ြာမွ ေဒသခံျပည္သူ ၅၀၀၀ ေက်ာ္ခန္႔ ဖီးလြတ္ရာသို႔ တိမ္းေယွာင္ ခကတ္ရသည္။
လက္ဟိ ရကၡိဳင္ျပည္တြင္ ရကၡိဳင့္တပ္ေတာ္ AA နန္႔ စစ္ေကာင္စီတပ္႐ို႕ စစ္ရီးတင္းမာမႈမ်ား ျမင့္တက္နီသည့္အျပင္ တိုက္ပြဲမ်ားေလ့ ျပင္းျပင္းထန္ထန္ျဖစ္ပြားလ်က္ဟိၿပီး၊ စစ္ေကာင္စီတပ္က အျပစ္မဲ့အရပ္သားျပည္သူမ်ားကို ဖမ္းဆီးသတ္ျဖတ္ျခင္း၊ လူသားဒိုင္းကာ အျဖစ္အသုံးျပဳျခင္း၊ တိုက္ပြဲနန္႔ မသက္ဆိုင္သည့္ လူနီရပ္႐ြာမ်ားကို လက္နက္ႀကီးလက္နက္ငယ္မ်ား၊ စစ္ရဟတ္ယာဥ္၊ ဂ်က္တိုက္ လီယာဥ္မ်ားျဖင့္ ဗုံးႀကဲတိုက္ခိုက္ျခင္း၊ မီးတိုက္ဖ်က္ဆီးျခင္းမ်ားကို ဆက္တိုက္ လုပ္ေဆာင္လ်က္ဟိေၾကာင္း သိဟိရပါသည္။
