APM၊ ဂျန်နဝါရီ ၅/ ၂၀၂၃
ဒေနိ(ဂျန်နဝါရီ ၅ ရက်)နိမာ တအာင်းပြည်နယ်၊ တပ်မဟာ(၃) စစ်ဒေသ၊ မိုးမိတ်မြို့နယ်ဟိ ကျန်ကန် (ဆင်ကင်) စစ်ကောင်စီ တပ်စခန်းကို တိုက်ခိုက်သိမ်းပိုက်ခကြောင်း တအာင်းတပ်မတော်(TNLA) က ထုတ်ပြန်ပါရေ။
ထုတ်ပြန်ချက်မာ “တပ်မဟာ (၃) စစ်ဒေသ၊ မိုးမိတ်မြို့နယ်၊ စစ်ကောင်စီ၏ စကခ(၂၁) နန့် ခလရ(၂၂၃) အခြီချတပ်စွဲထား သည့် ကျန်ကန် (ဆင်ကင်)တပ်စခန်းကို ဒေနိ(ဂျန်နဝါရီ ၅ ရက်နိ)၊ မိုးထ ၅ နာရီ ၃၀ မိနစ်မာ တအာင်းတပ်မတော် TNLA က ဝင်ရောက်ယှင်းလင်းသိမ်းပိုက်ခနိုင်ခသည် လို့ဖော်ပြထားပါရေ။
ယင်း ကျန်ကန်တပ်စခန်းကို TNLA စွာ ၁၀၂၇ စစ်ဆင်ရီးအတွင်း ဂျန်နဝါရီ ၃ ရက်နိကစတင်တိုက်ခိုက်ခပြီးကေ ၃ ရက်ကြာ ဒေနိမာ အလုံးစုံသိမ်းပိုက်ရဟိခစွာလို့ ဆိုပါရေ။
အဆိုပါ ကျန်ကန်တပ်စခန်းအတွင်းကိုသိမ်းပိုင်ပြီးနောက် စစ်ကောင်စီ ၏ လက်တက်ခဲယမ်းတိနန့် စစ်အသုံးအဆောင် ပစ္စည်းတိကိုလည်း ယှင်းလင်း သိမ်းဆည်းရမိခရေလို့ သိရပါရေ။
ကျန်ကန်တပ်စခန်းကို တိုက်ခိုက်နီချိန်အတွင်း မာတော့ စစ်ကောင်စီ မိုးမိတ်တပ်စခန်းကနီ လက်နက်ကြီးပစ်ခတ် တိုက်ခိုက် မှု (၁၇)ကြိမ် နန့် လီကြောင်းတိုက်ခိုက်မှု Jet Fighterနန့် (၂) ကြိမ်အသုံးပြု ခုခံတိုက်ခိုက်ခကြောင်း သိရပါရေ။
Photo – TNLA
