APM ၊ ဂျူလိုင် ၄ / ၂၀၂၃
ချဲလ်ဆီးအသင်းနည်းပြသစ် ပိုချက်တီနိုက ပြီးခသည့်နှစ်ပေါင်း ၁၀ ကျော်လောက်က အင်္ဂလန်၏အင်အားအကြီးဆုံးအသင်း ဖြစ်သည့် ချဲလ်ဆီးအသင်းကို ၎င်းအနီနန့် နဂိုအတိုင်းပြန်ဖြစ်အောင် အရာအားလုံးပြောင်းလဲပစ်မည်ဟု တရားဝင် အလုပ်စ ဆင်းသည့် ဂျူလိုင် ၃ ရက်နိတွင်ကတိပြုပြောကြားသည်။
ပြီးခရေ ၁၅ နှစ်လောက်က ချဲလ်ဆီးစွာအင်္ဂလန်၏အကြီးကျယ်ဆုံးအသင်းပါ။ ပရီးမီးယားလိဂ်၏သမိုင်းကြောင်းနန့်ချဲလ်ဆီး အသင်းကို ထိပ်တန်းအဆင့်ပြန်ဖြစ်လာဖို့ ကျနော်အဆင့်သင့်ပြင်ထားပါရေ။ ယေပြီးကေ အသင်းကဇတ်သမားတိ နန့် အယင်ဆုံးပူးပေါင်းလက်တွဲပနာ တိုးတက်အောင်လုပ်ဆောင်ဖို့လေ့ စိတ်လှုပ်ယှားနီပါဗျာယ် ဟုပြောဆိုခသည်။
ယင်းအပြင်သူက အသင်းပိုင်သျှင်တိ၊ အားကဇတ်ဒါရိုက်တာတိ၏ ပရောဂျက် ရည်ရွယ်ချက်ကိုလေ့ ကျနော်အနီနန့် ယှင်း ယှင်းလင်းသိထားရေအတွက် အလုပ်အတွက်အဆင်သင့်ဖြစ်နီပါဗျာယ်။ ရည်ရွယ်ချက်ကတော့ ဘောလုံးကို အနိုင်ယူဖို့ ဖြစ် ပါရေ။ အသင်းလိုက်အကောင်းဆုံးဆက်ဆံရီးကိုတည်ဆောက်ပနာ အရေးကြီးဆုံးအရာက အနိုင်ရဟိဖို့ဖြစ်ပါရေ ဟု ပြောကြားခသိမ့်သည်။
ချဲလ်ဆီးအသင်းသည် ပြီးခသည့်ရာသီတွင် နည်းပြသောမတ်စ်တူချယ်၊ နည်းပြဂရေဟမ်ပေါ်တာ၊ ယာယီနည်းပြ ဖရန့်လမ်းပတ်ရို့အား အသီးသီထုတ်ပယ်ခပြီး စပါးနန့် ပီအက်စ်ဂျီနည်းပြဟောင်းပိုချက်တီနိုအား ပြီးခသည့်လက နည်းပြချုပ်အဖြစ်ခန့်အပ်ခကြောင်းသိရသည်။
Source- Pochettino promises to change everything for Chelsea/AP
Photo- Chelsea Football Club
