APM ၊ ဂျူလိုင် ၄ / ၂၀၂၃
ရက္ခိုင်ယူနိုက်တက်အသင်းသည် မြန်မာလိဂ်ဒုတိယအကျော့ပွဲစဥ်များအတွက် အသင်းကိုအားဖြည့်ရန် မြန်မာယူ ၂၀ ခြီစစ်ပွဲအောင် ကဇတ်သမားဟောင်းနန်းဝေမင်းအား ခေါ်ယူလိုက်ကြောင်း ဂျူလိုင် ၃ ရက်နိတွင် ထုတ်ပြန်ခသည်။
အသက် ၂၇ နှစ်အရွယ် နန်းဝေမင်းသည်အယင်က ရန်ကုန်ယူနိုက်တက်နန့် ဟံသာဝတီ ယူနိုက်တက်အသင်းရို့တွင် ကဇတ်ဖူးခကြောင်းသိရသည်။
ရက္ခိုင်ယူနိုက်တက်အသင်းသည် နန်းဝေမင်းကို ခေါ်ယူမှုမတိုင်ခင် မြန်မာတိုက်စစ်မှူး ကောင်းစည်သူအားခေါ်ယူခပြီး ပြီးခသည့်ဂျူလိုင် ၂ ရက်နိက ယှဥ်ပြိုင်ခသည့် ဧရာဝတီအသင်းနန့်ပွဲစဥ်တွင် ပွဲထွက်ပါဝင်ကဇတ်ခကြောင်းသိရသည်။
ရက္ခိုင်ယူနိုက်တက်နန့် ဧရာဝတီယူနိုက်တက်ရို့ ယှဥ်ပြိုင်ခသည့် မြန်မာနေသျှင်နယ်လိဂ် ရာသီပထမအကျော့ နောက်ဆုံး ပွဲစဥ်တွင် ၂-၂ ဂိုးစီသရေကျခပြီး ယင်းပွဲ၏အကောင်းဆုံး ကဇတ်သမားဆုကိုတော့ ရက္ခိုင်ယူနိုက်တက်အသင်းမှ ကြောနံပတ် (၁၀) မောင်မောင်စိုး ရဟိခကြောင်းသိရသည်။
ရက္ခိုင်ယူနိုက်တက်အသင်းသည် ရာသီပထမအကျော့ပွဲစဥ်များအပြီးတွင် ၁၁ ပွဲကဇတ် ၃ ပွဲနိုင်၊ ၄ ပွဲ သရေ၊ ၄ ပွဲယှုံးနန့် ရမှတ် ၁၃ မှတ် စုဆောင်းထားနိုင်ကြောင်းသိဟိရသည်။
Source-Rakhine United Football Club/Burmese Sports
Photo- RUFC
