APM ၊ မေ ၄ / ၂၀၂၄
အကြမ်းဖက်စစ်ကောင်စီနန့်၎င်းရို့လက်အောက်ခံအဖွဲ့အစည်းတိ ပူးပေါင်းပနာ ဧပြီလအတွင်း ဘူးသီးတောင်မြို့ပေါ်ဟိ အိမ်ခြီ ၁၅၀၀ ကို မီးတိုက်ဖျက်ဆီးခရေလို့ Date for Myanmar က မေလ ၃ ရက်နိမာ ထုတ်ပြန် လိုက်ပါရေ။
ထုတ်ပြန်ချက်မာ မြန်မာတနိုင်လုံးမာ ဧပြီလအတွင်း စစ်ကောင်စီနန့်၎င်းရို့လက်အောက်ခံအဖွဲ့အစည်းတိ မီးတိုက် ဖျက်ဆီးမှုကြောင့် နီအိမ်ပေါင်း ၃၉၆၀ လုံးပျက်စီးလားခပြီးကေ ယင်းအထဲမာ ဘူးသီးတောင်မြို့ထက်က နီအိမ် ၁၅၀၀ နန့် အများဆုံး မီးတိုက်ဖျက်စီးခြင်းခံခရရေလို့ ဖော်ပြထားပါရေ။
ဘူးသီးတောင်မြို့ပေါ်က နီအိမ် ၂၀၀၀က နီ ၃၀၀၀ အတွင်း အကြမ်းဖက်စစ်ကောင်စီ၏ မီးတိုက်ဖျက် ဆီးခြင်းခံခရရေလို့ ကြားသိရကေလေ့ Data for Myanmar ကနီပနာ အနီးစပ်ဆုံး ခန့်မှန်းထားရေ အရေအတွက်ကို ထည့်သွင်းထားဖော်ပြထားစွာလို့ ဆိုပါရေ။
အတည်ပြုနိုင်ရေ အရေအတွက်ရမှရာ update ပြုလုပ်လားဖိုလို့လည်း ထုတ်ပြန်ချက်မာ ဖော်ပြထားပါရေ။
