APM ၊ မေ ၄/၂၀၂၄
ဒေနိ မေ ၄ ရက်နိ၊ မွန်းလွဲ၂နာရီလောက်ကအမ်းမြို့နယ်၊ မင်းတပ်ရွာကို အကြမ်းဖက်စစ်ကောင်စီတပ်က ဂျက်ဖိုင်တာနန့်ဗုံးကြဲတိုက်ခိုက်မှုကြောင့် ဒေသခံ ၂ယောက်ထက်မနည်း ဒဏ်ရာရလားရေလို့ သိရပါရေ။
အကြမ်းဖက်စစ်ကောင်စီတပ်စွာမင်းတပ်ရွာကို တသိတမင်ရွည်ရွယ်ချက်ဟိဟိ ဂျက်ဖိုင်တာတစီးနန့် နှစ်ကြိမ်တိုင်လာရောက်ဗုံးကြဲတိုက်ခိုက်ခစွာပါ။
ယင်းပိုင် ဗုံးကြဲတိုက်ခိုက်မှုအတွင်း အရပ်သား၂ယောက်ထက်မနည်းဒဏ်ရာရလားခရေလို့ ရွာသားတိက ဆိုပါရေ။
ယင်းအပြင် လူနီအိမ်တချို့လည်း ပြိုကျပျက်စီးလားရရေလို့သိရပါရေ။
အာရက္ခတပ်တော်နန့် ရင်ဆိုင်တိုက်ပွဲတိအတွင်း မရှုမလှ ကျယှုံးလျက်၊ ၎င်းရို့တပ်ရင်း၊ တပ်မဌာနချုပ်တိ၊ တပ်စခန်းတိကိုစွန့်ခွာပနာ ခွီးဗြီး၊ ဝက်ဗြီး ထွက်ဗြီးနီရရေ စစ်ယှုံးစစ်ကောင်စီစွာ ရက္ခိုင်ပြည်တဝန်း အပြစ်မဲ့ပြည်သူရို့နီထိုင်ရာ မြို့၊ ရပ်ရွာတိကို နေဗီ၊ လက်နက်ကြီး၊ ဒရုန်း၊ ဂျက်တိုက်လီယာဉ်တိ အသုံးပြုလျက် နိစဉ်ရက်ဆက် အကြမ်းဖက် ယမ်းကားပစ်ခတ်လို့ဟိနီပါရေ။
