APM ၊ ဧပြီ ၄ / ၂၀၂၃
မြောက်ကိုရီးယား၏ ဒုံးကျည်ခြိမ်းခြောက်မှုကိုကာကွယ်ရန် တောင်ကိုရီးယား၊ အမေရိကန်နန့် ဂျပန်ရီတပ်ရို့သည် ရီငုပ်သင်္ဘောတိုက်ဖျက်ရီး ပူးပေါင်းစစ်ရီးလိကျင့်မှုကို ဧပြီ ၃ ရက်နိမှစ၍ ပြုလုပ်နီကြောင်း သိရသည်။
စစ်ရီးလိကျင့်မှုကို ဧပြီ ၃ ရက်မှ ၄ ရက်နိအထိ နှစ်ရက်ကြာပြုလုပ်မည်ဖြစ်ပြီး၊ စစ်ရီးလိကျင့်မှုသည် မြောက်ကိုရီး ယား၏ နျူကလီးယားနန့် ဒုံးကျည်စွမ်းရည်များကို ပိုမိုတန်ပြန်နိုင်ရန်ဖြစ်ကြောင်း တောင်ကိုရီးယား ကာကွယ်ရီး ဝန်ကြီးဌာနက ဆို သည်။
မြောက်ကိုရီးယားသည် မကြာသိမ့်ခင်က နျူကလီးယားထိပ်ဖူးတမျိုးကို ထုတ်ဖော်ပြသခသည့်အတွက် နျူးကလီးယား စမ်းသပ်မှု လုပ်လာမည်ကို တောင်ကိုရီးယား၊ အမေရိကန်နန့် ဂျပန်ရို့က စိုးရိမ်ကာ ယင်းသို့ စစ်ရီးလိကျင့်မှု ပြုလုပ် လာခြင်းဖြစ်သည်။
စစ်ရီးလိကျင့်မှုကို တောင်ကိုရီးယားနိုင်ငံတောင်ပိုင်း၊ ဂျယ်ဂျူကျွန်းအနား နိုင်ငံတကာ ရီပိုင်နက်တွင် ပြုလုပ်နီခြင်း ဖြစ်ပြီး၊ လိကျင့်မှုအတွင်းနျူကလီးယားစွမ်းအင်သုံး USS Nimitz လီယာဉ်တင်သင်္ဘောနန့် ရီတပ်ဖျက်သင်္ဘောများ ပါဝင်သည်ဟု တောင်ကိုရီးယား ကာကွယ်ရီးဝန်ကြီးဌာန၏ ထုတ်ပြန်ချက်တွင် ဖော်ပြထားသည်။
မြောက်ကိုရီးယား၏ တိုးတက်လာနီသည့် ရီငုပ်သင်္ဘောသုံး ပဲ့ထိန်းဒုံးကျည်များနန့် တခြားပိုင်ဆိုင်မှုများကြောင့် ရီအောက်ခြိမ်း ခြောက်မှုများကို ထောက်လှမ်းစောင့်ကြည့်ရန်နန့် ကာကွယ်တားဆီးရန် ဒေဂု စစ်ရီးလိကျင့်မှုကို
စီစဉ်ခြင်းဖြစ်ကြောင်းလေ့အဆိုပါထုတ်ပြန်ချက်တွင် ဖော်ပြပါဟိသည်။
Source – South Korea, US, Japan hold anti-North Korea submarine drill
Photo – AP
