
(ဖေဖော်ဝါရီ ၂၆ ရက်နိမှ မာ့ချ် ၃ ရက်နိအထိ)
၁။ ၂၆-၂-၂၀၂၄(တလင်းလာ)
ရက္ခိုင့်တပ်တော်က အလုံးစုံထိန်းချုပ်သိမ်းပိုက်ထားရေ မြေပုံမြို့ကို ဖေဖော်ဝါရီ ၂၆ ရက်နိ၊ ညဇာ ၃ နာရီမာ မြို့ပေါ်/ရပ်ကွက်အုပ်ချုပ်ရီးတာဝန်ဟိသူတိ၊ မီးသတ်တပ်ဖွဲ့ဝင်တိ၊ မြို့မစျီးကော်မတီဝင်တိ၊ မြို့ပေါ်လူငယ်တိ စုစုပေါင်းအင်အား (၁၀၀)ခန့်နန့်အတူ ရက္ခိုင့်တပ်တော်က မြေပုံမြို့၊ မြို့မစျီးသန့်ယှင်းရီးလုပ်ငန်းတိကို လုပ်ဆောင်ခကတ်ပါရေ။
၂။၂၇-၂-၂၀၂၄ (အင်္ဂါ)
(၁) ရမ်းဗြဲသို့ စစ်ကောင်စီက ရဟတ်ယာဉ်တိနန့် လာရောက်ချပီးထားရေ စစ်ကောင်စီတပ်ရင်းနှစ်ရင်းပေါင်း စစ်ကူစစ်ကြောင်းကို ရက္ခိုင့်တပ်တော်က တိုက်ခိုက်ယှင်းလင်းရာမာ ဖေဖော်ဝါရီ (၂၄၊၂၅၊ ၂၆) သုံးရက်အတွင်း စစ်ကောင်စီတပ်ဖွဲ့ဝင် ၈၀ ကျော်ကို သုတ်သင်ယှင်းလင်းနိုင်ခရေလို ရက္ခိုင့်တပ်တော် သတင်းထုတ်ပြန်ပါရေ။
(၂) ဖေဖော်ဝါရီ ၂၇ ရက်နိ၊ မိုးထစောစောမာ မင်းပြားမြို့နယ်၊သေကံရွာကို အကြမ်းဖက်စစ်ကောင်စီက ဂျက်ဖိုက်တာနန့် ရည်ရွယ်ချက်ဟိဟိ ပစ်ခတ်တိုက်ခိုက်မှုကြောင့် အရပ်သားပြည်သူ ၁၄ ယောက်ထက်မနည်း ဒဏ်ရာရလားပါရေ။
(၃) မင်းပြားမြို့နယ်၊ ကမ်းနီရွာနားဟိစစ်ကောင်စီ၏ အမှတ် (၉) တိုင်းဗဟို လိကျင့်ရီးသင်တန်းကျောင်း(သို့) “တပ်မတော် တန်းမြင့်လိကျင့်ရီးသင်တန်းကျောင်း တခုလုံးကို ရက္ခိုင့်တပ်တော်က၂၀၂၄ ခုနှစ်၊ဖေဖော်ဝါရီလ(၂၆) ရက်နိ၊ ညဇာ (၇) နာရီအချိန်ခန့်မာ အလုံးစုံ သိမ်းပိုက်လိုက်ပြီးဖြစ်ကြောင်း ထုတ်ပြန်ကြေညာပါရေ။
၃။၂၈-၂-၂၀၂၄(ဗုဒ္ဓဟူး )
ဖေဖော်ဝါရီ ၂၈ ရက်နိ၊ နိခင်း ၂ နာရီ ၂၈ မိနစ်က ပုဏ္ဏားကျွန်းမြို့သို့ စစ်တွေမြို့က စစ်ကူလာရေ အကြမ်းဖက် စစ်ကောင်စီတပ်၏ စစ်ကြောင်းကို အမြင့်ကျွန်း တန်းထားထိပ်မာ ရက္ခိုင့်တပ်တော်က ကြားဖြတ်တိုက်ခိုက် ဟန့်တား နိုင်ခပြီး စစ်ကောင်စီ၏ သံချပ်ကာကား (၂) စီးကိုလည်း ရက္ခိုင့်တပ်တော်က ပစ်ခတ်ဖျက်ဆီးနိုင်ခပါရေ။
၄။ ၂၉-၂-၂၀၂၄ (ကြာသပတီး)
(၁) ဖေဖော်ဝါရီ ၂၉ ရက်နိ၊ မိုးထ ၈ နာရီ ၁၀ မိနစ်ခန့်က အကြမ်းဖက် စစ်ကောင်စီတပ်နေဗီမှ ရည်ရွယ်ချက်ဟိဟိ လူမဆန်စွာအကြမ်းဖက်ပစ်ခတ်လိုက်တေ လက်နက်ကြီးစွာ စစ်တွေမြို့ ကိုရီးယားဆိပ်ကမ်းဈီး၏ ငါးတန်း၊ ဟင်းတန်းမာ ကျရောက်ပေါက်ကွဲပနာ အပြစ်မဲ့ပြည်သူ ၁၃ ယောက်ထက်မနည်းသီဆုံးပြီးကေ လူ ၈၀ ဝန်းကျင် ဒဏ်ရာရလား ပါရေ။
၄။ ၁-၃-၂၀၂၄ (သောကြာ)
(၁) မောင်တောမြို့နယ်မြောက်ပိုင်းဟိ ကြိမ်ချောင်း-ရန်အောင်ပြင်ကားလမ်းထက်မာ ဖေဖော်ဝါရီ ၂၈ ရက်နိ၊ ညဇာက ရက္ခိုင့်တပ်တော်နန့် အကြမ်းဖက် စစ်ကောင်စီရို့အကြား တိုက်ပွဲဖြစ်ပွားခရေလို့ ရက္ခိုင့်တပ်တော်က ဖေဖော်ဝါရီ ၂၉ ရက်နိ ညည့်မာ သတင်းထုတ်ပြန်ပါရေ။
(၂) မင်းပြားမြို့နယ်မာ ဖေဖော်ဝါရီ ၂၉ ရက်နိ၊ ညည့်အချိန် အကြမ်းဖက်စစ်ကောင်စီတပ်က ဂျက်တိုက်လီယာဉ်နန့် ဗုံးကြဲတိုက်ခိုက်လို့ အမ်းသားရွာက ဦးခိုင်လင်းစံ၊ ဒေါ်ဝင်းလှကြည်၊ ဦးကျော်စိန်နန့် ဦးမောင်စိုးဝင်းရို့၏ နီအိမ်တိပျက်စီးလားခပါရေ။
(၃) ၂၀၂၄ ခုနှစ်၊ ဖေဖော်ဝါရီ ၂၈ ရက် နိခင်း (၂) နာရီ (၂၈) မိနစ်တွင် ရက္ခိုင်ပြည်၊ ပုဏ္ဏားကျွန်းမြို့သို့ စစ်တွေမြို့မှ စစ်ကူလာသော အကြမ်းဖက်စစ်ကောင်စီတပ်၏ စစ်ကြောင်းအား အမြင့်ကျွန်း တန်းထားထိပ်တွင် ရက္ခိုင့်တပ်တော်မှ ကြားဖြတ်တိုက်ခိုက်ဟန့်တားနိုင်ခပြီး သံချပ်ကာကား (၂) စီးကိုလည်း အဆိုပါ အမြင့်ကျွန်းတန်းထား (မင်းချောင်းတန်းထား) ထိပ်တွင် ပစ်ခတ်ဖျက်ဆီးနိုင်ခကြောင်း ရက္ခိုင့်တပ်တော် ထုတ်ပြန်ပါရေ။
(၅) ကျောက်ဖြူမြို့၊ ကျောက်တလုံးမူဆလင် ကယ်ဆယ်ရီးစခန်းက အမျိုးသား ၁၀၇ ယောက်ကို ဖေဖော်ဝါရီ ၂၈ ရက်နိကစလို့ စစ်ကောင်စီက ခြိမ်းခြောက်ပြီး အတင်းအကျပ်ကားနန့်တင်ခေါ်ပနာ ကျောက်ဖြူအခြီစိုက် ခမရ (၅၄၂) တပ်ရင်းထဲမာ စစ်သင်တန်းတက်ခိုင်းခပါရေ။
(၆) မင်းပြားမြို့ကို မာ့ချ် ၁ ရက်နိညည့်က အကြမ်းဖက်စစ်ကောင်စီတပ်မှ ဂျက်လီယာဉ်နန့် ဗုံးကြဲလို့ ကင်းဆိပ်ရပ်ကွက်က မငြိမ်းအေးနိုင် (၁၇ နှစ်)၊ ဒေါ်သန်းသန်းမော် (၃၅နှစ်)၊ဒေါ်စောပွင့် (၆၉နှစ်)နန့် မင်းပြား မြို့၊ ကံ့ကော်မြိုင် ရပ်ကွက်က ဦးကျော်သိန်းဦး(၃၃ နှစ်)၊ ဦးညီညီ(၃၆ နှစ်)၊ ဦးမဲချေ (၅၁ နှစ်)နန့် ဒေါ်မချေ(၅၇နှစ်) ရို့ပြင်းထန် ဒဏ်ရာရလားပြီးကေ လူနီအိမ် ၅ ဆောင်ထက်မနည်း မီးလောင် ပျက်စီးလားခပါရေ။
၅။ ၂-၃-၂၀၂၄ (စနီ)
(၁) မာ့ချ် ၂ ရက်နိ၊ နိခင်းပိုင်းအချိန်မာ အကြမ်းဖက်စစ်ကောင်စီတပ်ရေ Y12 ထောက်ပို့လီယာဉ်တစီးနန့် အမ်းမြို့နယ်၊ တပ်တောင်မြို့ကိုဗုံးကြဲတိုက်ခိုက်ခပြီး၊ တပ်တောင်မြို့၊ ပုလဲ၊ ဈီးတောင်ရပ်ကွက်၊ အထက်ကျောင်းရို့မာ ကျရောက်ပေါက်ကွဲခပနာ ဈီးမီးလောင်ခရပါရေ။
(၂) ဖေဖော်ဝါရီ ၂၈ ရက်နိက စစ်ကောင်စီလက်နက်ကြီးနန့် ပစ်လို့အပြစ်မဲ့ပြည်သူ ၁၃ ယောက်ထက်မနည်း သီဆုံးခရပြီး၊လူ ၈၀ ဝန်း ကျင် ထိခိုက်ဒဏ်ရာရဟိခရေ စစ်တွေမြို့ ကိုရီးယားဆိပ်ကမ်းဈီးကို မာ့ချ် ၂ ရက်နိမာလည်း စစ်ကောင်စီနေဗီက လက်နက်ကြီးနန့်ထပ်ပစ်ခလို့ ကိုရီးယားဆိပ်ကမ်း အနားဝန်းကျင်သို့ကျရောက်ပေါက်ကွဲခပါရေ။
Rk Alex (Ns.B), [3/4/2024 6:07 PM]
(၃) မာ့ချ်၂ ရက်နိ၊နိခင်း ၁ နာရီလောက်က အကြမ်းဖက်စစ်ကောင်စီစွာ Y-12 ထောက်ပိုလီယာဉ်အသုံးပြုပနာ ပုဏ္ဏားကျွန်းမြို့နယ်၊ သဲဖြူချောင်းရွာနန့်နားတဝိုက်ကို ဗုံးကြဲတိုက်ခိုက်ခလို့ ယင်းရွာသို့ စစ်ဖီးယှောင်ဖို့ ရောက်နီရေ သာစည်ရွာက ဒေါ်မခင်ဌေး၏ ရင်ဘတ်နန့် မောင်နေစိုးဝင်း၏ ညာလက်ရို့မာ ဒဏ်ရာပြင်းပြင်းထန်ထန်ရ ဟိခပါရေ။
(၄) ဒေဂုအချိန်ထိ လက်နက်ချ အညံ့မခံသိမ့်ရေ ပုဏ္ဏားကျွန်း၊ ရသေ့တောင်၊ ဘူးသီးတောင်၊ မောင်တောမြို့နယ်တိက အကြမ်းဖက်စစ်ကောင်စီ၏ တပ်ရင်းစခန်းတိ၊ နယ်ခြားစောင့်တပ်စခန်းတိ၊ လက်နက်ကြီး စခန်းတိကို ရက္ခိုင့်တပ်တော်က တရက်မျှရပ်နားခြင်းမဟိဘဲ ဆက်လက် ထိုးစစ်ဆင်တိုက်ခိုက်လျက်ဟိကြောင်း ရက္ခိုင့်တပ် တော် သတင်းထုတ်ပြန်ပါရေ။
(၅) မာ့ချ် ၂ ရက်နိ ညဇာက အမ်းမြို့နယ်၊ ကဇူးကိုင်းရွာအရှိမြောက်ဖက်ဟိကုန်းမာ အခြီပြုတပ်စွဲထားရေ စစ်ကောင်စီ၏ ခမရ(၅၄၃) တပ်ရင်းက ကမ်းထောင်းကြီးမြို့နန့် အပါးဟပ်စပ် ရပ်ရွာတိကို လက်နက်ကြီးနန့် (၉)ကြိမ်တိတိ ပစ်ခတ်တိုက်ခိုက်ခပြီး၊ ယင်းအထဲက လက်နက်ကြီးကျည်တလုံးစွာ ကမ်းထောင်းကြီးမြို့၊ ရွာသစ်ရပ်ကွက်မာကျ ရောက်ပေါက်ကွဲခလို့ ဦးမောင်သန်း၏ ဘေးစကို လက်နက်ကြီးစထိမှန် ဒဏ်ရာရ ဟိခပါရေ။
၇။ ၃-၃-၂၀၂၄ (တလင်းဂနီ)
(၁) မာ့ချ် ၃ ရက်နိ၊နိခင်း ၁၂ နာရီအချိန်ခန့်ကကျောက်ဖြူမြို့နယ်၊ ဂုံးချွိန်တိုက်နယ်၊ အောင်စေတီရွာဘုရားကုန်းမာ စခန်းချထားရေ အကြမ်းဖက် စစ်ကောင်စီတပ်ဖွဲ့ဝင်တိနန့် ရဲတပ်ဖွဲ့ဝင် ပူးပေါင်းအင်အား၂၀ ခန့်စွာ အောင်စေတီရွာ အောက်ဖက်ဟိ ကာရီဘောင်တလျှောက်မာ ၁ နာရီခန့်အကြာ မိုင်းထောင်မှုတိ ပြုလုပ်ခပါရေ။
(၂) ဖေဖော်ဝါရီ ၁၈ ရက်နိကစလို့ ရန်ကုန်က ကျောက်ဖြူသို့ လီကြောင်းနန့် လိုက်ပါလာရေ ခရီးသည် တရာကျော်ကို စစ်ကောင်စီက ဖမ်းဆီးပနာ ကျောက်ဖြူမြို့၊ ရမ္မာဝတီခန်းမသို့ ထိန်းသိမ်းစစ်ဆီးလျက်ဟိရာ ယင်းခရီးသည် တိအထဲက ၅ ယောက်ကို မာ့ချ် ၂ ရက်နိ၊မိုးထ ၈ နာရီမာ ကိုယ့်စရိတ်နန့်ကို အကြမ်းဖက် စစ်ကောင်စီက မြန်မာ့လီကြောင်း လိုင်းနန့် ရန်ကုန်မြို့သို့ ပြန်ပို့လိုက်ပါရေ။
