APM ၊ မာ့ချ် ၄ / ၂၀၂၄
သျှမ်းမြောက်က ရက္ခိုင့်တပ်တော် AA အပစ်ရပ်ပြီး၊ ရက္ခိုင်ပြည်က ရက္ခိုင့်တပ်တော် AA အပစ်မရပ်ဟု ရက္ခိုင့်တပ်တော် ဒုတိယ စစ်ဦးစီးချုပ် ဒေါက်တာ ညိုထွန်းအောင်က ပြောကြားလိုက်ပါရေ။
မာ့ချ် ၄ ရက်နိ၊ မိုးထ ၁၀ နာရီမာ စတင်ပြုလုပ်ခရေ အာရက္ခပြည်သူ့ အစိုးရ၏ အဋ္ဌမ အကြိမ်မြောက်သတင်းစာယှင်းလင်းပွဲမာ ဒေါက်တာက ယင်းပိုင်ပြောကြားခစွာ ဖြစ်ပါရေ။
“အဂုကျနော်ရို့ ဟိုင်ဂင် ကိစ္စကိုရာ ဆွေးနွေးနီရေ ဆိုခါ၊ ဟိုင်ဂင်ထဲမာက သျှမ်းမြောက်မာဟိရေ AA နန့်ရာ သက်ဆိုင်ပါရေ။ ရက္ခိုင့်ပြည်မာဟိရေ AA က မပါပါသိမ့် လို့ ဒေါက်တာက ဆိုပါရေ။
“အဓိကကတော့ ဒေသျှမ်းမြောက်ကိစ္စကို ဆွေးနွေးစွာပါ၊ သျှမ်းမြောက်မာ အပစ်အခတ်ရပ်စဲစွာက ဂျန်နဝါရီ ၁၁ ရက်နိကပင် ရပ်စဲလားရေဆိုခါ ကျနော်ရို့ လောလောဆယ်ကတော့ ဒေ “ဟိုင်ဂင် is equal to သျှမ်းမြောက် ကိစ္စလို့ရာ ပြောလို့ရပါရေ၊ လောလောဆယ် ရက္ခိုင်မာတော့ အပစ်ရပ်ဖို့ မဟိသိမ့်ပါ လို့လည်း အာရက္ခပြည်သူ့အစိုးရ၏ (၈) ကြိမ်မြောက် သတင်းစာယှင်းလင်းပွဲမာ ရက္ခိုင့်တပ်တော် ဒုတိယစစ်ဦးစီးချုပ် ဒေါက်တာ ညိုထွန်းအောင်က ယှင်းလင်းပြောကြားခပါရေ။
