APM၊မာ့ချ် ၄/ ၂၀၂၄
မာ့ချ် ၂ ရက်နိ၊ ညည့် ၁၁ နာရီအချိန်လောက်မာ မာန်အောင်မြို့နယ်က ရီလုပ်သားသုံးယောက်ကို စစ်ကောင်စီရဲတပ်ဖွဲ့ဝင်တိ မတရား ဖမ်းဆီပြီးကေ အကြောင်းမဲ့ ရိုက်နှက်သတ်ပုတ်လားကြောင်း သိရပါရေ။
စစ်ကာင်စီရဲတပ်ဖွဲ့ဝင်တိ၏ မတရားဖမ်းဆီးရိုက်နှက်ခြင်းခံခရရေ ရီလုပ်သားသုံးယောက်မာ မာန်အောင်မြို့နယ်၊ စလပ်ပြင်ရွာက ဦးခင်မောင်လေး၊ ဦးဖိုးထောင်နန့် ဦးပုံဆိုး ရို့ဖြစ်ကတ်ပါရေ။
ယင်းရီလုပ်သားသုံးယောက်စွာ မာ့ချ် ၂ ရက်နိ ညဉ့် ၁၁ နာရီ အချိန်လောက်မာ ရွာကနီ ငါးဖမ်းထွက်လားချိန် ရွာအနီးအနားမာ ကင်းလှည့်နီရေ စစ်ကောင်စီ ရဲတပ်ဖွဲ့ဝင်တိက မတရားဖမ်းဆီးပနာ မျက်နှာကို ရိုက်နှက်ခစွာဖြစ်ပါရေ။
ယင်းနောက် စစ်ကောင်စီရဲတပ်ဖွဲ့ဝင်တိစွာ သူရို့သတ်ပုတ်ရိုက်နှက်ထားရေ ရီလုပ်သားသုံးယောက်ကို စခန်းကို ခေါ်ဖို့ပျင်နီချိန် ရွာဟိ အုပ်ချုပ်ရီးမှူး ဦးသိန်းလွင်ရောက်ဟိလာပနာ ငွေ တသိန်းကျပ်နန့် ဖော်ယူခရရေလို့ သိရပါရေ။
မာန်အောင်မြို့နယ်မာ ကောင်စီတပ်ဖွဲ့ဝင်တိစွာ အာရက္ခပြည်သူတိကို မတရားဖမ်းဆီးရိုက်နှက်မှု၊ မတရားငွေညှစ်မှုတိ မကြာမကြာလုပ်ဆောင်နီကြောင်းသိရပါရေ။
