APM ၊ မာ့ချ် ၄ / ၂၀၂၄
အကြမ်းဖက်စစ်ကောင်စီစွာ စစ်မြီပြင်မာ လူရုပ်မပေါက်အောင်ကျဆုံးနီခါ စစ်ပွဲနန့်မသက်ဆိုင်ရေအရပ်သားပြည် သူရို့နီထိုင် လားလာရာ လူနီအိမ်၊ အဆောက်အုံ၊ စာသင် ကျောင်း၊ဆီးရုံ၊လမ်းတန်းထားတိကိုပါကောက်ကျစ်ယုတ် မာ၊ လူမဆန်စွာ ပစ်ခတ်တိုက်ခိုက် ဖျက်ဆီးလျက်ဟိရာ ဒေနိ မာ့ချ် ၄ ရက်နိမာလည်း ရသေ့တောင် – ပုဏ္ဏားကျွန်းကားလမ်းဟိ စေတီပြင်တန်းထားကို ဂျက်ဖိုက်တာ နှစ်စီးနန့် လာရောက်ပစ်ခတ်တိုက်ခိုက်ခပါရေ။
ဒေနိ၊ မာ့ချ် ၄ ရက်နိ၊ ညဇာ ၄ နာရီ ၅၇ မိနစ်မာ အကြမ်းဖက် စစ်ကောင်စီစွာ ဂျက်ဖိုက်တာနှစ်စီးနန့် ရောက်လာပြီးကေ ရသေ့တောင် – ပုဏ္ဏားကျွန်းကားလမ်းဟိ စေတီပြင်တန်းထားကို ရော့ကတ်နန့် (၁၂)ကြိမ်တိုင်တိုင်ပစ်ခတ်ဖျက်ဆီးရာ စေတီပြင်တန်းထား အပါအဝင် တန်းထားအောက်မာဟိရေ ပြည်သူရို့ပိုင်ဆိုင်ရေ စိုးရိ နှစ်စီးပါ ပျက်စီးလားခရေလို့ ဒေသခံတိက ပြောပါရေ။
ရက္ခိုင်ပြည်မာ စစ်ယှုံးအကြမ်းဖက်စစ်ကောင်စီစွာ ရက္ခိုင့်တပ်တော် တိုက်ခိုက်လာဖို့ကို စိုးရိမ်ကြောက်လန့်ပြီးကေ အယင်က ရီလမ်း၊ ကုန်းလမ်းတိကို ဖြတ်တောက်ရာကနီ ဒေဂုအခါ အများပြည်သူရို့အသုံးပြု လားလာနီကတ်တေ တန်းထားတိကိုပါ ပစ်မှတ်ထားတိုက်ခိုက်လာနီစွာ တွိလာရပါရေ။
