APM ၊ မာ့ချ် ၄ / ၂၀၂၄
စစ်ရာဇဝတ်မှုတိကို နိစဉ်ရက်ဆက် လက်ရဲဇက်ရဲ ကျူး လွန်နီရေ စစ်ယှုံး အကြမ်းဖက်စစ်ကောင်စီစွာအများပြည် သူရို့နီထိုင်ရေ မြို့ရွာ၊ လူနီအိမ်၊အဆောက်အုံတိကို ဆက် တိုက်ဆိုပိုင် ဗုံးကြဲတိုက်ခိုက်လျက်ဟိရာ မာ့ချ် ၃ ရက်နိညည့်ကလည်း မင်းပြားမြို့ကို ဂျက်လီယာဉ်နန့် ထပ်မံဗုံးကြဲ တိုက်ခိုက်ခပြန်ပါရေ။
ယင်းပိုင် စစ်ယှုံးစစ်ကောင်စီ၏ လူမဆန်စွာ လီကြောင်း ဗုံးကြဲတိုက်ခိုက်မှုကြောင့် မင်းပြားမြို့က အပြစ်မဲ့ပြည်သူ ၁ ယောက် ပြင်းထန်ဒဏ်ရာရလားခပြီးကေ လူနီအိမ် ၃ ဆောင် ပျက်စီးလားခကြောင်း သိရပါရေ။
ဒဏ်ရာရလားခရေလူကတော့ မင်းပြားမြို့၊ကင်းဆိပ်ရပ်ကွက်မှ ဒေါ်မလှစိန်(ခ) အလုံးချေ (၆၆နှစ်)ဖြစ်ပါရေ။
မာ့ချ် ၃ ရက်နိ၊ ညည့် ၁၁ နာရီ ၃၀ မိနစ်က အကြမ်းဖက်စစ်ကောင်စီစွာ မင်းပြားမြို့ထဲသို့ ရည်ရွယ်ချက်ဟိဟိ ဗုံးကြဲတိုက်ခိုက်ရေခါ ယင်းအထဲက ဗုံးသီးတလုံးစွာ ကင်းဆိပ်ရပ်ကွက်က ဒေါ်မချေသန်းအိမ် တည့်တည့်ကို ကျရောက်ပေါက်ကွဲပြီးကေ ဒေါ်မချေသန်း၏ အစ်မဖြစ်သူ ဒေါ်မလှစိန်၏ ညာဖက်ပေါင်နန့် ဘယ်ဖက်ဒူးရို့မာ ဗုံးစထိမှန် ပြင်းပြင်းထန်ထန် ဒဏ်ရာရလားခကြောင်း မြို့ခံတိက ပြောပါရေ။
ယင်းပြင် ဗုံးသီး ကျရောက်ပေါက်ကွဲမှုကြောင့် ဒေါ်မချေသန်း၏ နီအိမ်အပါအဝင် အိမ်နားချင်းတိဖြစ်ကတ်တေ ဦးမောင်ဖြူနန့် ဦးမောင်ထွန်းကြည်ရို့၏ နီအိမ်တိလည်း လုံးဝ ပျက်စီးလားခရေလို့ ဆိုပါရေ။
ဗုံးစမှန်လို့ ဒဏ်ရာရလားခရေ ဒေါ်မလှစိန်ကတော့ အရေးပေါ်ဆီးကုသမှုခံယူနီရရေလို့ သိဟိရပါရေ။
