APM ၊ ဖေဖော်ဝါရီ ၄ / ၂၀၂၃
ညဇာက ကဇတ်ခသည့် အယ်လ်ဖာသီအသင်းနန့် ဆော်ဒီပရိုလိဂ်ပွဲစဉ်တွင် ရော်နယ်ဒိုသည် အယ်နာဆာအသင်းအတွက် သူ၏ပထမဆုံးဂိုးကို ပင်နတီကတဆင့်သွင်းယူပီးခသည်။
အယ်လ်ဖာသီနန့် ၂ ဂိုးစီ သရေကျသည့်ပွဲစဉ်တွင် အယ်နာဆာအတွက် ဦးဆောင်ဂိုးကို ပွဲချိန် ၁၂ မိ နစ်မှာChristian Tello က သွင်းယူခပြီး၊ အသင်း၏ အရေးပါသည့်ချေပဂိုးကို ရော်နယ်ဒိုက ပွဲချိန် ၃၉ မိနစ်တွင်သွင်းယူပီးခသည်။
“အယ်လ်ဖာသီနန့်ပွဲက ခက်ခဲရေပွဲဖြစ်တေပိုင် အရေးကြီးရေပွဲလေ့ဖြစ်ပါရေ။ ဆော်ဒီလိဂ်မှာ အယ်နာဆာအတွက် အဂုပိုင် ကျနော့်၏ ပထမဆုံးဂိုးကို သွင်းယူနိုင်ခလို့ ဝမ်းသာမိပါရေ။ အသင်းတခုလုံးကလေ့ အပြင်းအထန် ကြိုး စားခကတ်ရပါရေ” ဟု ရော်နယ်ဒိုက ဆိုသည်။
ရော်နယ်ဒိုသည် ကုန်ခသည့် ဂျန်နဝါရီက အယ်နာဆာအသင်းသို့ တနှစ်လုပ်ခ ပေါင် ၁၇၅ သန်းဖြင့် ရောက်ဟိလာ ပြီး၊ ၃ ပွဲကဇတ်ရာမှာ သူ၏ ပထမဆုံးဂိုးကို ပင်နတီကတဆင့် သွင်းယူပီခခြင်း ဖြစ်သည်။
လက်ဟိတွင် အယ်နာဆာအသင်းသည် ဆော်ဒီပရိုလိဂ် အမှတ်ပီးဇယားတွင် နံပါတ် ၁ နီရာ၌ ရပ်တည်နီပြီး၊ လာမည့် ဖေဖော်ဝါရီ ၁၀ ရက်နိ အဝီးကွင်းတွင် Al-Wehda အသင်းနန့် ကဇတ်ရမည် ဖြစ်သည်။
Source – Cristiano Ronaldo’s first Al-Nassr goal is a penalty!
Photo-The Sun
