APM ၊ အောက်တိုဘာ ၄ / ၂၀၂၃
ထိုင်းနိုင်ငံ ဘန်ကောက်မြို့က စူပါမားကပ် တခုမာ အောက်တိုဘာ ၃ ရက်နိက ပစ်ခတ်မှုတခု ဖြစ်ခလို့ မြန်မာတယောက် အပါအဝင် လူ ၂ ယောက် သီဆုံးလားကြောင်း အာဏာပိုင်တိက ထုတ်ပြန်ပါရေ။
ဘန်ကောက်မြို့လယ်ခေါင်ဟိ ဆိုင်ယမ် ပါရာဂွန် စျီးဝယ်စင်တာကြီးမာ လူစည်းကားနီချိန် သီနတ်သမားတယောက်က ပစ်ခတ်စွာလို့ဆိုပါရေ။
သီနတ်ပတ်ခတ်မှုအတွင်း မြန်မာ အမျိုးသမီးတယောက်နန့် တရုတ်အမျိုးသမီးတယောက် သီဆုံးခပနာ ၅ ယောက်ထိခိုက်ဒဏ်ရာရလားကြောင်း သိရပါရေ။
ယင်းထိခိုက်ဒဏ်ရာရဟိလူတိကို အရေးပေါ်ဆီးရုံတိသို့ ပို့ဆောင်ထားပြီးကေ ၎င်းပြစ်မှုကျူးလွန်လူ တရားခံစွာ လက်နက်ချ အဖမ်းခံခကြောင်း ဝန်ကြီးချုပ် ဆရက်သာ သာဗီဆင်က ဆိုပါရေ။
ပြီးခရေ ၂၀၂၀ ပြည့်နှစ်ကလည်း ထိုင်းမာ စစ်တပ် အရာဟိဟောင်းတယောက်က စျီးဝယ်စင်တာ တခုအတွင်း ဝင်ရောက် ပစ်ခတ်မှုကြောင့် လူ ၂၉ယောက်သီဆုံးခပါသိမ့်ရေ။
Source – Bangkok mall shooting: At least 2 killed, 5 injured
Photo- AFP
