APM၊ ဩဂတ်စ် ၃၁/၂၀၂၂
အပြစ်မဲ့အာရက္ခပြည်သူများကို လက်နက်ကြီးများဖြင့် ပစ်ခတ်သတ်ဖြတ်မှုအပေါ် လက်တုံ့ပြန်သည့်အနီနန့် ရက္ခိုင့် တပ်တော်က စစ်ကောင်စီ၏ မိုင်တိုင် အမှတ်(၄၀) အထိုင်စစ်စခန်းအား တိုက်ခိုက်သိမ်းပိုက်လိုက်ကြောင်း ရက္ခိုင့် တပ်တော် AA မှ ဒေနိ(ဩဂတ်စ် ၃၁ ရက်နိ) တွင် ထုတ်ပြန်ကြေညာသည်။
ရက္ခိုင့်တပ်တော်AA ၏ထုတ်ပြန်ချက်၌ “သြဂတ်စ်လ(၃၁)ရက်နိတွင် ရက္ခိုင်-ဘင်္ဂလာဒေ့ရှ်နယ်စပ်၊ မိုင်တိုင်အမှတ် (၄၀)အနားဟိ စစ်ကောင်စီ၏တပ်စခန်းတခုအား ရက္ခိုင့်တပ်တော်မှ အပြီးသတ် သိမ်းပိုက်ရယူနိုင်ခကြောင်း၊ အဆို ပါ စခန်းပတ်ဝန်းကျင်၌တိုက်ပွဲများစတင်ဖြစ်ပွားနီခသည်မှာ သြဂတ်စ်လ(၂)ရက်နိကပင် ဖြစ်ပြီး အဆိုပါနီရာ အပါ အဝင် ပလက်ဝဒေသ နန့် အခြားနီရာများ၌ ရက်ဆက်တိုက်ပွဲများမှာ တလနီးပါးကြာမြင်ခကြောင်း”ဖော်ပြသည်။
“နယ်စပ်မိုင်တိုင် (၃၇) မှ မိုင်တိုင်(၄၀) ပတ်ဝန်းကျင်အပြင် ဝေလာတောင်တန်းပေါ်၌ စစ်ကောင်စီ ဖက်မှ ပိတ်ဆို့ ဖြတ်တောက်ထားသည့်နည်းတူ AA ဖက်မှလေ့ စစ်ကောင်စီတပ်စခန်းတချို့အား ပိတ်ဆို့ ဖြတ်တောက်ထားသည့် အခင်းအကျင်း၌ စစ်ကောင်စီသည် တရက်လျှင် လက်နက်ကြီး အရေအတွက် ခန့်မှန်း (၃၀၀/၄၀၀) အား ခမောင်း ဆိပ်၊ မိုင်တိုင်အမှတ် (၃၄)၊ (၃၈)၊ နခခ (၇) ကြိမ်ချောင်းဗျူဟာ၊ မိုင်တိုင်အမှတ် (၃၈) နန့် (၃၉) အကြားနီရာများ အပါအဝင် အနီးအနားဟိ ၎င်းရို့တပ်စခန်းများမှလက်နက်ကြီးများဖြင့် နိတိုင်းနီးပါး ပစ်ခတ်တိုက်ခိုက်နီသည့်အပြင် ဒေရက်ပိုင်းအတွင်းရဟတ်ယာဉ်၊တိုက်ဂျက်လီယာဉ်များဖြင့်ပါဗုံးကြဲတိုက်ခိုက်နီသည့်ကြားမှ AAက စစ်ကောင်စီ၏ မိုင်တိုင်အမှတ်(၄၀)အနားဟိ အထိုင်ချအခိုင်အမာစခန်းအား ဒေနိတွင် ထိုးစစ်ဆင်တိုက်ခိုက်ခပြီး၊ မိုးထ (၉) နာရီ (၁၂) မိနစ်တွင် စခန်းတခုလုံးအား အပြီးသတ် သိမ်းပိုက်ရယူနိုင်ခသည်”ဟု AA က ဆိုသည်။
စစ်ကောင်စီတပ်၏အခိုင်အမာအထိုင်ချစစ်စခန်းအား တိုက်ခိုက်သိမ်းပိုက်ရခြင်းနန့်ပတ်သက်၍ “သြဂတ်စ် လ(၂၈) ရက်နိကစစ်ကောင်စီတပ်သည် အပြစ်မဲ့အာရက္ခပြည်သူများကို လက်နက်ကြီးများဖြင့် ပစ်ခတ်သတ်ဖြတ်ခသော ကြောင့်”ဟု AA က ထုတ်ပြန်သည်။
ယင်းနိက စစ်ကောင်စီတပ်၏ စကခ(၉) လက်အောက်ခံ၊ မြောက်ဦးအခြီစိုက် ခမရ (၃၇၇) ၊ ခမရ (၃၇၈)၊ ခမရ (၅၄၀) ရို့အပြင် ၎င်းရို့တပ်စွဲ ထားသော တိမ်ညို၊ သင်းကျိုက်တောင်၊ လင်းမြီတောင် စသည့်နီရာများမှ မြောက်ဦး မြို့နယ် အတွင်းဟိ ကင်းဆိပ်၊ ဘူးရွက်မညှိုး၊ အောက်သကန်၊ ကူးတို့၊ ချောင်းနား၊ လက္ကာ၊ ဝေသာလီ စသည့်ရွာ များသို့ရည်ရွယ်ချက်ဟိဟိတမင်တကာလက်နက်ကြီးဖြင့် ပစ်ခတ်တိုက်ခိုက်ခသောကြောင့် အသက်(၅) နှစ် အရွယ် မောင်မြတ်သူလင်း အပါအဝင် ဦးလှအောင်သိန်း (အသက် ၃၈ နှစ်)၊ ဒေါ်အေးယဉ်နု (အသက် ၆၉ နှစ်)ရို့ လက်နက် ကြီးကျည်ထိမှန်သီဆုံးခပြီး ဒဏ်ရာရဟိသူ (၉) ဦးအထိ ဟိခသည်။
ယင်း မိုင်တိုင်အမှတ်(၄၀) တိုက်ပွဲအတွင်း စစ်ကောင်စီတပ်ဖွဲ့ဝင်များထဲမှပြင်းထန်ဒဏ်ရာရဟိပြီး လောလောဆယ် အသက်မသီသိမ့်သော ဒုတပ်ကြပ် သက်ကိုဦး တယောက်မှလွဲ၍ “ရဲအုပ် စိုးစိုးပိုင်” အပါအဝင် (၁၉) ယောက်စလုံး သီဆုံးခပြီး လက်နက်ခဲယမ်း၊ စစ်အသုံးအဆောင်ပစ္စည်းအမြောက်အမြားကို ရက္ခိုင့်တပ်တော် မှ သိမ်းဆည်းရမိခ ကြောင်း၊ အယင်ရက်များကပင် သီဆုံးသူများအား ယင်းစခန်းအတွင်း မြုပ်နှံထားသော အလောင်း အမြောက်အမြား ကိုလေ့တွိရကြောင်း၊ ရက္ခိုင့်တပ်တော်ဖက်မှလေ့ စခန်းသိမ်းတိုက်ပွဲအတွင်း အထိအခိုက်၊ အကျအဆုံးတချို့ဟိ ကြောင်း ထုတ်ပြန်ချက်က ဆိုသည်။
ယင်းနည်းတူ “သြဂတ်စ်လ(၃၀) ရက်၊ ညဇာ(၆) နာရီ (၃၈) မိနစ်တွင် ရသေ့တောင်မြို့နယ်၊ မညင်းတောင်ရွာ အနောက်ဘက် မီတာ (၇၀၀) အကွာအဝီးဟိ ကားလမ်းမအနား၌လေ့ ထိတွိတိုက်ခိုက်မှု ဟိခကြောင်း၊ စစ်ကောင် စီတပ်ဖက်မှ ထိခိုက်ဒဏ်ရာရသူတချို့ဟိခပြီး ရက္ခိုင့်တပ်တော်ဖက်မှလေ့ ဒဏ်ရာရသူ အချို့ဟိခကြောင်းနန့်ဒေနိ (သြဂတ်စ်လ(၃၁) ရက်နိ) နိခင်း (၂) နာရီ (၄၀) မိနစ်အချိန်တွင်လေ့ ပလက်ဝမြို့နယ်၊ မြိတ်ဝကျေးရွာ၏ အနောက် ဘက် မီတာ(၅၀၀) ခန့်အကွာအဝီးတွင် တိုက်ပွဲဖြစ်ပွားလျက်ဟိပြီး ရန်သူ့ဖက်မှ (၁၀) ဦး မျက်မြင်ကျဆုံးနီကြောင်း ထုတ်ပြန်ချက်တွင် ဖော်ပြထားသည်။
ယင်းအပြင် အာရက္ခတိုင်းပြည်နန့်လူမျိုးအတွက်အသက်ပီးဆပ်စွန့်လွှတ်ခရသောအာရက္ခစစ်သည်တော်များ၊ ထူး ချွန် မြောင်မြောက်စွာတိုက်ပွဲဝင်ခသော အာရက္ခစစ်သည်တော်များကို မှတ်တမ်းတင်ဂုဏ်ပြုကြောင်းလေ့ ရက္ခိုင့် တပ်တော် AA ၏ ထုတ်ပြန်ချက်တွင် ဖော်ပြပါဟိပါသည်။
(Zawgyi)
အျပစ္မဲ့ အာရကၡျပည္သူမ်ားကို လက္နက္ႀကီးမ်ားျဖင့္ ပစ္ခတ္သတ္ျဖတ္မႈအေပၚ လက္တုံ႔ျပန္သည့္ အနီနန႔္ ရကၡိဳင့္တပ္ေတာ္က စစ္ေကာင္စီ၏ မိုင္တိုင္ အမွတ္(၄၀) အထိုင္စခန္းအား တိုက္ခိုက္သိမ္းပိုက္
APM၊ ဩဂတ္စ္ ၃၁/၂၀၂၂
အျပစ္မဲ့အာရကၡျပည္သူမ်ားကို လက္နက္ႀကီးမ်ားျဖင့္ ပစ္ခတ္သတ္ျဖတ္မႈအေပၚ လက္တုံ႔ျပန္သည့္အနီနန႔္ ရကၡိဳင့္ တပ္ေတာ္က စစ္ေကာင္စီ၏ မိုင္တိုင္ အမွတ္(၄၀) အထိုင္စစ္စခန္းအား တိုက္ခိုက္သိမ္းပိုက္လိုက္ေၾကာင္း ရကၡိဳင့္ တပ္ေတာ္ AA မွ ေဒနိ(ဩဂတ္စ္ ၃၁ ရက္နိ) တြင္ ထုတ္ျပန္ေၾကညာသည္။
ရကၡိဳင့္တပ္ေတာ္AA ၏ထုတ္ျပန္ခ်က္၌ “ၾသဂတ္စ္လ(၃၁)ရက္နိတြင္ ရကၡိဳင္-ဘဂၤလာေဒ့ရွ္နယ္စပ္၊ မိုင္တိုင္အမွတ္ (၄၀)အနားဟိ စစ္ေကာင္စီ၏တပ္စခန္းတခုအား ရကၡိဳင့္တပ္ေတာ္မွ အၿပီးသတ္ သိမ္းပိုက္ရယူႏိုင္ခေၾကာင္း၊ အဆို ပါ စခန္းပတ္ဝန္းက်င္၌တိုက္ပြဲမ်ားစတင္ျဖစ္ပြားနီခသည္မွာ ၾသဂတ္စ္လ(၂)ရက္နိကပင္ ျဖစ္ၿပီး အဆိုပါနီရာ အပါ အဝင္ ပလက္ဝေဒသ နန႔္ အျခားနီရာမ်ား၌ ရက္ဆက္တိုက္ပြဲမ်ားမွာ တလနီးပါးၾကာျမင္ခေၾကာင္း”ေဖာ္ျပသည္။
“နယ္စပ္မိုင္တိုင္ (၃၇) မွ မိုင္တိုင္(၄၀) ပတ္ဝန္းက်င္အျပင္ ေဝလာေတာင္တန္းေပၚ၌ စစ္ေကာင္စီ ဖက္မွ ပိတ္ဆို႔ ျဖတ္ေတာက္ထားသည့္နည္းတူ AA ဖက္မွေလ့ စစ္ေကာင္စီတပ္စခန္းတခ်ိဳ႕အား ပိတ္ဆို႔ ျဖတ္ေတာက္ထားသည့္ အခင္းအက်င္း၌ စစ္ေကာင္စီသည္ တရက္လွ်င္ လက္နက္ႀကီး အေရအတြက္ ခန႔္မွန္း (၃၀၀/၄၀၀) အား ခေမာင္း ဆိပ္၊ မိုင္တိုင္အမွတ္ (၃၄)၊ (၃၈)၊ နခခ (၇) ႀကိမ္ေခ်ာင္းဗ်ဴဟာ၊ မိုင္တိုင္အမွတ္ (၃၈) နန႔္ (၃၉) အၾကားနီရာမ်ား အပါအဝင္ အနီးအနားဟိ ၎႐ို႕တပ္စခန္းမ်ားမွလက္နက္ႀကီးမ်ားျဖင့္ နိတိုင္းနီးပါး ပစ္ခတ္တိုက္ခိုက္နီသည့္အျပင္ ေဒရက္ပိုင္းအတြင္းရဟတ္ယာဥ္၊တိုက္ဂ်က္လီယာဥ္မ်ားျဖင့္ပါဗုံးႀကဲတိုက္ခိုက္နီသည့္ၾကားမွ AAက စစ္ေကာင္စီ၏ မိုင္တိုင္အမွတ္(၄၀)အနားဟိ အထိုင္ခ်အခိုင္အမာစခန္းအား ေဒနိတြင္ ထိုးစစ္ဆင္တိုက္ခိုက္ခၿပီး၊ မိုးထ (၉) နာရီ (၁၂) မိနစ္တြင္ စခန္းတခုလုံးအား အၿပီးသတ္ သိမ္းပိုက္ရယူႏိုင္ခသည္”ဟု AA က ဆိုသည္။
စစ္ေကာင္စီတပ္၏အခိုင္အမာအထိုင္ခ်စစ္စခန္းအား တိုက္ခိုက္သိမ္းပိုက္ရျခင္းနန႔္ပတ္သက္၍ “ၾသဂတ္စ္ လ(၂၈) ရက္နိကစစ္ေကာင္စီတပ္သည္ အျပစ္မဲ့အာရကၡျပည္သူမ်ားကို လက္နက္ႀကီးမ်ားျဖင့္ ပစ္ခတ္သတ္ျဖတ္ခေသာ ေၾကာင့္”ဟု AA က ထုတ္ျပန္သည္။
ယင္းနိက စစ္ေကာင္စီတပ္၏ စကခ(၉) လက္ေအာက္ခံ၊ ေျမာက္ဦးအၿခီစိုက္ ခမရ (၃၇၇) ၊ ခမရ (၃၇၈)၊ ခမရ (၅၄၀) ႐ို႕အျပင္ ၎႐ို႕တပ္စြဲ ထားေသာ တိမ္ညိဳ၊ သင္းက်ိဳက္ေတာင္၊ လင္းၿမီေတာင္ စသည့္နီရာမ်ားမွ ေျမာက္ဦး ၿမိဳ႕နယ္ အတြင္းဟိ ကင္းဆိပ္၊ ဘူး႐ြက္မညႇိဳး၊ ေအာက္သကန္၊ ကူးတို႔၊ ေခ်ာင္းနား၊ လကၠာ၊ ေဝသာလီ စသည့္႐ြာ မ်ားသို႔ရည္႐ြယ္ခ်က္ဟိဟိတမင္တကာလက္နက္ႀကီးျဖင့္ ပစ္ခတ္တိုက္ခိုက္ခေသာေၾကာင့္ အသက္(၅) ႏွစ္ အ႐ြယ္ ေမာင္ျမတ္သူလင္း အပါအဝင္ ဦးလွေအာင္သိန္း (အသက္ ၃၈ ႏွစ္)၊ ေဒၚေအးယဥ္ႏု (အသက္ ၆၉ ႏွစ္)႐ို႕ လက္နက္ ႀကီးက်ည္ထိမွန္သီဆုံးခၿပီး ဒဏ္ရာရဟိသူ (၉) ဦးအထိ ဟိခသည္။
ယင္း မိုင္တိုင္အမွတ္(၄၀) တိုက္ပြဲအတြင္း စစ္ေကာင္စီတပ္ဖြဲ႕ဝင္မ်ားထဲမွျပင္းထန္ဒဏ္ရာရဟိၿပီး ေလာေလာဆယ္ အသက္မသီသိမ့္ေသာ ဒုတပ္ၾကပ္ သက္ကိုဦး တေယာက္မွလြဲ၍ “ရဲအုပ္ စိုးစိုးပိုင္” အပါအဝင္ (၁၉) ေယာက္စလုံး သီဆုံးခၿပီး လက္နက္ခဲယမ္း၊ စစ္အသုံးအေဆာင္ပစၥည္းအေျမာက္အျမားကို ရကၡိဳင့္တပ္ေတာ္ မွ သိမ္းဆည္းရမိခ ေၾကာင္း၊ အယင္ရက္မ်ားကပင္ သီဆုံးသူမ်ားအား ယင္းစခန္းအတြင္း ျမဳပ္ႏွံထားေသာ အေလာင္း အေျမာက္အျမား ကိုေလ့တြိရေၾကာင္း၊ ရကၡိဳင့္တပ္ေတာ္ဖက္မွေလ့ စခန္းသိမ္းတိုက္ပြဲအတြင္း အထိအခိုက္၊ အက်အဆုံးတခ်ိဳ႕ဟိ ေၾကာင္း ထုတ္ျပန္ခ်က္က ဆိုသည္။
ယင္းနည္းတူ “ၾသဂတ္စ္လ(၃၀) ရက္၊ ညဇာ(၆) နာရီ (၃၈) မိနစ္တြင္ ရေသ့ေတာင္ၿမိဳ႕နယ္၊ မညင္းေတာင္႐ြာ အေနာက္ဘက္ မီတာ (၇၀၀) အကြာအဝီးဟိ ကားလမ္းမအနား၌ေလ့ ထိတြိတိုက္ခိုက္မႈ ဟိခေၾကာင္း၊ စစ္ေကာင္ စီတပ္ဖက္မွ ထိခိုက္ဒဏ္ရာရသူတခ်ိဳ႕ဟိခၿပီး ရကၡိဳင့္တပ္ေတာ္ဖက္မွေလ့ ဒဏ္ရာရသူ အခ်ိဳ႕ဟိခေၾကာင္းနန႔္ေဒနိ (ၾသဂတ္စ္လ(၃၁) ရက္နိ) နိခင္း (၂) နာရီ (၄၀) မိနစ္အခ်ိန္တြင္ေလ့ ပလက္ဝၿမိဳ႕နယ္၊ ၿမိတ္ဝေက်း႐ြာ၏ အေနာက္ ဘက္ မီတာ(၅၀၀) ခန႔္အကြာအဝီးတြင္ တိုက္ပြဲျဖစ္ပြားလ်က္ဟိၿပီး ရန္သူ႔ဖက္မွ (၁၀) ဦး မ်က္ျမင္က်ဆုံးနီေၾကာင္း ထုတ္ျပန္ခ်က္တြင္ ေဖာ္ျပထားသည္။
ယင္းအျပင္ အာရကၡတိုင္းျပည္နန႔္လူမ်ိဳးအတြက္အသက္ပီးဆပ္စြန႔္လႊတ္ခရေသာအာရကၡစစ္သည္ေတာ္မ်ား၊ ထူး ခြၽန္ ေျမာင္ေျမာက္စြာတိုက္ပြဲဝင္ခေသာ အာရကၡစစ္သည္ေတာ္မ်ားကို မွတ္တမ္းတင္ဂုဏ္ျပဳေၾကာင္းေလ့ ရကၡိဳင့္ တပ္ေတာ္ AA ၏ ထုတ္ျပန္ခ်က္တြင္ ေဖာ္ျပပါဟိပါသည္။
