APM ၊ မာ့ချ် ၃၁ /၂၀၂၄
သံတွဲမြို့နယ်မာ မာ့ချ် ၂၆ ရက်နိ၊ မိုးထ ၆ နာရီအချိန်လောက်က အပြစ်မဲ့အရပ်သားပြည်သူတယောက်ကို အကြမ်းဖက် စစ်ကောင်စီ မတရားဖမ်းဆီးလားကြောင်း သိရပါရေ။
အကြမ်းဖက်စစ်ကောင်စီ၏ မတရားဖမ်းဆီးခြင်းခံရသူကတော့ သံတွဲမြို့နယ်၊တောင်သာရွာက ဦးဝင်းရွှီ (၄၈ နှစ်)ဖြစ်ပါရေ။
မာ့ချ် ၂၆ရက်နိ၊မိုးထ ၆နာရီအချိန်လောက်မာ အကြမ်းဖက်စစ်ကောင်စီ တပ်ဖွဲ့ဝင်အင်အား ၅ဝ လောက်စွာ သံတွဲမြို့နယ်၊ တောင်သာရွာဟိ ဦးဝင်းရွှီ၏ လယ်တဲသို့ ရောက်လာပြီးကေ အကြောင်းပြချက်တစုံတရာမဟိဘဲ ဦးဝင်းရွှီကို အတင်းအဓမ္မ အကြမ်းဖက် ဖမ်းဆီးခေါ်ဆောင်လားခရေလို့သိရပါရေ။
လက်ဟိမာ ဦးဝင်းရွှီကို သံတွဲမြို့မ ရဲစခန်းမာ ထိန်းသိမ်းချုပ်နှောင်ထားရေလို့လည်း သတင်းရဟိပါရေ။
Please follow and like us:
