APM ၊ မာ့ချ် ၃၁ ၊ ၂၀၂၃
မြန်မာပြည်မှ အိမ်သျှင်အဖြစ်လက်ခံကျင်းပမည့် ၂၀၂၄ ပါရီအိုလံပစ် အမျိုးသမီးဘောလုံးပြိုင်ပွဲ အာသျှဇုန် ခြီစစ်ပွဲ ပထမအဆင့်ပွဲစဉ်အဖြစ် မြန်မာအသင်းနန့် အီရန်အသင်းရို့ လာမည့် ဧပြီ ၅ ရက်နိနန့် ၈ ရက်နိရို့တွင် ယှဥ်ပြိုင်လား မည်ဟုသိရသည်။
အဆိုပါခြီစစ်ပွဲတွင် မြန်မာအသင်းနန့် အီရန်အသင်းရို့သည် ဘင်္ဂလားဒေ့ချ်အသင်း၊ မော်လ်ဒိုက်စ်အသင်းရို့နန့်အတူ အုပ်စု (ခ)၌ ကျရောက်ခကေလေ့ ဘင်္ဂလားဒေ့ချ်နန့် မော်လ်ဒိုက်စ်အသင်းရို့ ပြိုင်ပွဲမှနှုတ်ထွက်လားခသည့်အတွက် မြန်မာနန့် အီရန် ၂ သင်းရာ ဆက်လက်ယှဉ်ပြိုင်လားရမည် ဖြစ်သည်။
အာသျှဘောလုံးအဖွဲ့ချုပ်၏ ပွဲစဥ်ဇယားမဲခွဲဆုံးဖြတ်မှုအရ မြန်မာနန့် အီရန်အသင်းသည် အဝီးကွင်းစနစ်နန့် ၂ ပွဲယှဥ်ပြိုင် ရမည်ဖြစ်ပြီး အဆိုပါပွဲစဉ် ၂ ပွဲစလုံးကို ရန်ကုန်မြို့ဟိ သုဝဏ္ဏဘောလုံးကွင်း၌ ယှဉ်ပြိုင်ကဇတ်လားမည် ဟုဆိုသည်။
ယင်းနှစ်သင်းထဲမှ ရမှတ်အများဆုံးရဟိသည့်အသင်းသည် ၂၀၂၄ ပါရီအိုလံပစ် အမျိုးသမီးဘောလုံးပြိုင်ပွဲ အာသျှဇုန်
ခြီစစ်ပွဲ ဒုတိယအဆင့်သို့ တက်ရောက်ခွင့်ရဟိမည်ဖြစ်ကြောင်းသိရသည်။
Photo – MFF
