APM ၊ အောက်တိုဘာ ၃၁ / ၂၀၂၃
အာဂျင်တီးနားနန့် အင်တာမီယာမီ တိုက်စစ်မှူး မက်ဆီ စွာ အောက်တိုဘာ ၃၀ ရက်နိက ပြင်သစ်နိုင်ငံ ပဲရစ်မြို့မာ ကျင်းပရေ Ballon d’Or ဆုပီးပွဲမာ သူ့၏ကဇတ်သမားဘဝတလျှောက် (၈) ကြိမ်မြောက် ဘလွန်းဒီအော ဆုကို ဆွတ်ခူး ရဟိလားကြောင်းသိရပါရေ။
ဒေနိ အတိုင်းထက်အလွန် ပျော်ရွှင်နီပါရေ။ အာဂျင်တီးနားအသင်းနန့်တတူ ကမ္ဘာဖလားဆွတ်ခူးပီးခကတ်တေ လူတိုင်းကို ကျေးဇူးတင်ပါရေ လို့ မက်ဆီက ပြောကြားခပါရေ။
အသက် ၃၆ နှစ်အရွယ် တိုက်စစ်မှူး မက်ဆီစွာ လက်ဟိမာ မေဂျာလိဂ်ကလပ် အင်တာမီယာမီအသင်းမာ လားရောက်ကဇတ်နီကြောင်း သိရပါရေ။
ပြင်သစ်ဘောလုံးမဂ္ဂဇင်းက ပီးအပ်ချီးမြှင့်ရေ ဘလွန်းဒီအောဆုစွာ ပြီးခရေနှစ် ဘောလုံးရာသီက ကဇတ်သမားတိ၏ စွမ်းဆောင်မှုကို အခြီခံပနာ ချီးမြှင့်ရေ ဆုဖြစ်ပြီးကေ မက်ဆီ (၈) ကြိမ်၊ ရိုနယ်ဒို (၅) ကြိမ်၊ ပလာတီနို၊ ဂျိုဟန်ခရိုက်ဖ် နန့် မာကိုဗန်ဘာစတန် ရို့က (၃) ကြိမ်စီအများဆုံးရဟိထားကြောင်း သိရပါရေ။
Source- Lionel Messi Wins His 8th Ballon dOr Award Recognizing Top Soccer Player of the Year
Photo- Reuters
