APM၊ ဩဂတ်စ် ၃၀ / ၂၀၂၃
ဩဂတ်စ် ၂၉ ရက်နိက ပရီးမီးယားလိဂ် ကဇတ်သမားများသမဂ္ဂ PFA မှချီးမြှင့်ပီးသည့် ၂၀၂၂-၂၀၂၃ ဘောလုံးရာသီ တနှစ်တာ အကောင်းဆုံးကဇတ်သမားဆုကို မန်စီးတီးတိုက်စစ်မှူး အာလင်း ဟာလန်းဆွတ်ခူးရဟိလားကြောင်း သိရသည်။
ဒေဂုပိုင် ဂုဏ်ထူးဆောင်ဆုကိုဆွတ်ခူးနိုင်ခလို့ ယူမိပါရေ။ ဒေပိုင်မျိုး ကျနော်၏ကြိုးစားမှုတိကို အသိအမှတ် ပြုပီးရေအတွက်နန့်လေ့ဝမ်းသာပါရေ။ ဒေဆုရဖို့အတွက် ကျနော့်ကို မဲပီးခရေလူတိအားလုံးကိုလေ့ ကျေးဇူးတင်ပါရေဟု ဟာလန်းက ဆုပီးပွဲအပြီးတွင် ပြောကြားခသည်။
မန်စီးတီးအသင်းသည် ဟာလန်း၏သွင်းဂိုးများနန့်အတူ ကုန်ခသည့်ရာသီက ပရီးမီးယားလိဂ် ၊ FA ဖလားနန့် ချန်ပီယံလိဂ်ဖလား ရို့ကို ဆွတ်ခူးရဟိလားသည်။
အလားတူ PFA ကချီးမြင့်သည့် ၂၀၂၂- ၂၀၂၃ တနှစ်တာ အကောင်းဆုံး လူငယ်ကဇတ်သမားဆုကို အာဆင်နယ် တောင်ပံကဇတ်သမား ဆာကာနန့် အကောင်းဆုံးအမျိုးသမီးကဇတ်သမားဆုကို ချဲလ်ဆီးတောင်ပံကဇတ်သမား လော်ရန်ဂျိမ်းစ် ရို့က အသီးသီးဆွတ်ခူးရဟိခကြောင်း သိရသည်။
Source Erling Haaland: Manchester City forward wins PFA men’s Player of the Year award
Photo The Sun
